Daniel 7:24 - ŊMALƐ KRƆŊKRƆŊ LƐ

²⁴ Aklontoi nyɔŋma lɛ damɔ shi hã maŋtsɛmɛi nyɔŋma komɛi ni baate shi yɛ maŋtsɛyeli nɛɛ yinɔ. Amɛsɛɛ lɛ maŋtsɛ kome kroko hu ko baate shi. Ebasoro lɛ yɛ maŋtsɛmɛi ni tsɔ̃ hiɛ lɛ ahe, ni ebaaba maŋtsɛmɛi etɛ̃ komɛi ãshi.

Ṅmãle̱ Kroṅkroṅ Le̱

²⁴ Ni *aklontoi nyoṅma le̱, maṅtše̱mei nyoṅma aate ši ke̱-adše̱ ne̱ke̱ maṅtše̱yeli ne̱ mli; ni mokroko aate ši ye̱ ame̱se̱, ni aasŏrole̱ ke̱ kleṅkleṅbii le̱, ni eeba maṅtše̱mei ole ši. *Kpods. 17,12.

Daniel 7:24 ပူးပေါင်းရင်းမြစ်များ

Daniel 11:36

“Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

Daniel 2:41

Bɔ ni ona amãgã lɛ naji kɛ waobii lɛ ni fã lɛ gbɛshɔ̃lɔ su ni, ni fã kroko lɛ dade ni lɛ, nakai maŋtsɛyeli nɛɛ mli baagba; ni dade hewalɛ lɛ eko baahi emli kɛ̃, tamɔ bɔ ni ona dade kɛ su ni akpɔtɔ lɛ afutu lɛ.

Daniel 7:20

Mitao hu akɛ male aklontoi nyɔŋma ni mamɔ kooloo lɛ yitso he lɛ ahe sane. Mitao hu akɛ male aklonto kome lɛ nɔ ni fã kpo, ni be ni eje kpo lɛ efãmɔ aklontoi lɛ ateŋ etɛ̃ kɛ amɛshishifãi fɛɛ eshwie lɛ hu he sane. Lɛ eyɔɔ hiŋmɛii, ni eyɛ naabu, ni ekɛwieɔ wiemɔi agboiagboi tamɔ nɔ ni efe aklontoi krokomɛi lɛ fɛɛ lɛ.

Daniel 7:23

Mɔ ni kɛ mi wieɔ lɛ kɛɛ mi akɛ, “Kooloo ni ji ejwɛ lɛ damɔ shi hã maŋtsɛyeli ni ji ejwɛ ko ni baaba abaye nɔ yɛ shikpɔŋ lɛ nɔ. Ebaasoro lɛ yɛ maŋtsɛyeli krokomɛi lɛ fɛɛ ahe. Ebaafite shikpɔŋ tso muu lɛ fɛɛ, ni ebaanaanaa nɔ, ni ebaakpãtã hiɛ.

Kpojiemɔ 12:3

Ni ana naakpɛɛ okadi kroko yɛ ŋwɛi, ni naa, drako tsuru kpeteŋkple ni yɔɔ yitsei kpawo kɛ akloŋtoi nyɔŋma, ni maŋtsɛ faii kpawo bumɔ eyitsei lɛ.

Kpojiemɔ 13:1

Ni mina kooloo ko miije kpo kɛmiijɛ ŋshɔ lɛ mli kɛmiiba kɛ eklontoi nyɔŋma kɛ eyitsei kpawo, ni maŋtsɛ faii nyɔŋma bumɔ eklontoi lɛ, ni musubɔɔ gbɛi yɛ eyitsei lɛ ahe.

Kpojiemɔ 17:3

Ni bɔfo lɛ kpala mi yɛ mumɔ mli kɛtee ŋa nɔ. Ni mina yoo ko ta kooloo tsuru fɔɔ ko nɔ ni kooloo nɛɛ he fɛɛ lɛ musubɔɔ gbɛii sɔŋŋ, ni eyɛ yitsei kpawo kɛ akloŋtoi nyɔŋma.