Daniel 7:20 - ŊMALƐ KRƆŊKRƆŊ LƐ

²⁰ Mitao hu akɛ male aklontoi nyɔŋma ni mamɔ kooloo lɛ yitso he lɛ ahe sane. Mitao hu akɛ male aklonto kome lɛ nɔ ni fã kpo, ni be ni eje kpo lɛ efãmɔ aklontoi lɛ ateŋ etɛ̃ kɛ amɛshishifãi fɛɛ eshwie lɛ hu he sane. Lɛ eyɔɔ hiŋmɛii, ni eyɛ naabu, ni ekɛwieɔ wiemɔi agboiagboi tamɔ nɔ ni efe aklontoi krokomɛi lɛ fɛɛ lɛ.

Ṅmãle̱ Kroṅkroṅ Le̱

²⁰ ke̱ aklontoi nyoṅma le̱ ní yo̱ eyiteṅ le̱, ke̱ ekroko le̱ ní dše ní etẽ kplo̱ ye ehĩe, ní ne̱ke̱ aklonto ne̱ he yo̱ hĩṅme̱ii ke̱ nābu ní wieo̱ nibii, wudši, ní ké̱ okwe̱le̱ le̱, edše agbo fè enanemei le̱ anõ le̱ hũ.

Daniel 7:20 ပူးပေါင်းရင်းမြစ်များ

Daniel 7:11

Mitee nɔ mikwɛ ninaa lɛ, yɛ wiemɔi agboiagboi ni minuɔ aklonto bibioo lɛ wieɔ lɛ hewɔ. Mihiɛ kwɛmɔ aahu kɛyashi mina akɛ agbe kooloo ni ji ejwɛ lɛ, ni afite egbɔmɔtso lɛ, ni ashɛ lɛ afɔ̃ la lɛ mli koni eshã.

Daniel 7:19

Kɛkɛ ni mitao akɛ male kooloo ni ji ejwɛ lɛ, nɔ ni esoro lɛ kwraa yɛ kooloi krokomɛi lɛ ateŋ lɛ he sane. No he yɔɔ gbeyei naakpa kɛ enyanyɔji ni wa tamɔ dade kɛ ewaobii tamɔ akɔɔble ni ekɛjwara kooloi ni ena ebaaye lɛ amli dukuduku lɛ, ni fufuji ni shwɛ lɛ hu ekɛ enaji naanaa nɔ lɛ.

Daniel 7:21

Mihiɛ kwɛmɔ nɔŋŋ kɛkɛ ni nɛkɛ aklonto nɛɛ fã ta ewo Nyɔŋmɔ webii krɔŋkrɔŋi lɛ, ni eye amɛnɔ kunim,

Daniel 7:23

Mɔ ni kɛ mi wieɔ lɛ kɛɛ mi akɛ, “Kooloo ni ji ejwɛ lɛ damɔ shi hã maŋtsɛyeli ni ji ejwɛ ko ni baaba abaye nɔ yɛ shikpɔŋ lɛ nɔ. Ebaasoro lɛ yɛ maŋtsɛyeli krokomɛi lɛ fɛɛ ahe. Ebaafite shikpɔŋ tso muu lɛ fɛɛ, ni ebaanaanaa nɔ, ni ebaakpãtã hiɛ.

Daniel 7:7

Mihiɛ kwɛmɔ nɔŋŋ kɛkɛ ni kooloo ni ji ejwɛ lɛ fã kpo. Ehe yɛ gbeyei kɛ naakpɛɛ fɛɛ; eyɛ hewalɛ naakpa. Eyɛ dade nyanyɔji kpakpatakpakpataa, ni ekɛjwara eniyenii lɛ amli dukuduku ni eye; ni fufuji ni shwɛ lɛ ekɛ enaji naanaa nɔ. Esoro lɛ kwraa yɛ kooloi krokomɛi ni tsɔ̃ hiɛ ba lɛ ateŋ. Lɛ lɛ eyɛ aklontoi nyɔŋma.

Daniel 7:8

Mihiɛ aklontoi lɛ kwɛmɔ kɛkɛ lɛ naa aklonto hee bibioo ko ekwɛ̃ kɛje kpo yɛ amɛteŋ. Aklonto bibioo nɛɛ fãmɔ aklontoi memeji lɛ ateŋ etɛ̃ kɛ amɛshishi fɛɛ eshwie. Aklonto nɛɛ yɛ hiŋmɛii tamɔ gbɔmɔ hiŋmɛii ni eyɛ naabu, ni ekɛmiiwie shwãa wiemɔi agboiagboi.

Kpojiemɔ 12:3

Ni ana naakpɛɛ okadi kroko yɛ ŋwɛi, ni naa, drako tsuru kpeteŋkple ni yɔɔ yitsei kpawo kɛ akloŋtoi nyɔŋma, ni maŋtsɛ faii kpawo bumɔ eyitsei lɛ.