Daniel 7:2 - ŊMALƐ KRƆŊKRƆŊ LƐ

² Daniel ŋma akɛ, “Mina yɛ mininaa lɛ mli akɛ nyɔɔŋ kɔɔyɔɔ efã kɛjɛ jeŋ koji ejwɛ lɛ fɛɛ, ni ehã ŋshɔ fee hamahama.

Ṅmãle̱ Kroṅkroṅ Le̱

² Daniel dše šiši ni ekē̱: Mina ye̱ mininā le̱ mli nyōṅ, ni na, ṅwei kō̱yo̱i edſe̱ le̱ li ye̱ *ṅšo̱ kpeteṅkple le̱ hĩe. *Kpods. 17,15.

Daniel 7:2 ပူးပေါင်းရင်းမြစ်များ

Yesaia 17:12

Ao! Mɛi babaoo ahoofeemɔ nɛ; amɛhoofeemɔ lɛ miigbɛɛ tamɔ ŋshɔ! Ao! Maji ahoofeemɔ nɛ; amɛmiigbɛɛ tamɔ ŋshɔkei wuji agbɛɛmɔ.

Yeremia 49:36

ni mahã kɔɔyɔɔ atswa kɛjɛ jeŋ koji ejwɛ lɛ abashwie Elam nɔ, ni mibagbɛ amɛ mashwã jeŋ koji ejwɛ lɛ ni ji kɔɔyɔi lɛ ajɛɛhei lɛ, ni maŋ ko ehiŋ shi ni Elambii ni mibagbɛ amɛ mashwã lɛ eyajeŋ jɛi.

Yeremia 51:42

Ŋshɔ tete egri ewo Babilon, ni ŋshɔkei wujiwuji ni gbɛɔ lɛ ebaha enɔ.

Daniel 11:4

Shi be mli ni egbojee lɛ ehe shi jogbaŋŋ lɛ mli nɔŋŋ ni emaŋtsɛyeli lɛ baagbee shi. Emli baagbala srɔtoi ejwɛ kɛya jeŋ koji ejwɛ lɛ. Mligbalamɔi nɛɛ anɔyeli baaya ayaje mɛi ni amɛjeee maŋtsɛ nɛɛ shwiei adɛŋ; shi moŋ nɔyelɔi hei nɛɛ ahewalɛ kɛ maŋtsɛ lɛ hewalɛ yeŋ hegbɔ; ni abaashɔ̃ maŋtsɛyeli lɛ ekoŋŋ yɛ mɛi nɛɛ adɛŋ ahã mɛi krokomɛi.

Daniel 2:19

Ajie teemɔŋ sane lɛ shishi atsɔ̃ɔ Daniel yɛ ninaa mli nyɔɔŋ, ni Daniel jie Nyɔŋmɔ ni yɔɔ ŋwɛi lɛ yi.

Daniel 7:13

Mina yɛ nyɔɔŋ ninaa lɛ mli nɔ ko ni tamɔ gbɔmɔ adesa. Ekpeleke shi kɛjɛ ŋwɛi ni atatu ebɔle ehe kɛba mɔ ni Etsɛ Naakpa lɛ ŋɔɔ, ni ebadamɔ ehiɛ.

Daniel 7:7

Mihiɛ kwɛmɔ nɔŋŋ kɛkɛ ni kooloo ni ji ejwɛ lɛ fã kpo. Ehe yɛ gbeyei kɛ naakpɛɛ fɛɛ; eyɛ hewalɛ naakpa. Eyɛ dade nyanyɔji kpakpatakpakpataa, ni ekɛjwara eniyenii lɛ amli dukuduku ni eye; ni fufuji ni shwɛ lɛ ekɛ enaji naanaa nɔ. Esoro lɛ kwraa yɛ kooloi krokomɛi ni tsɔ̃ hiɛ ba lɛ ateŋ. Lɛ lɛ eyɛ aklontoi nyɔŋma.

Daniel 8:2

Mina yɛ ninaa nɛɛ mli akɛ miyɛ maŋtsɛmaŋ ni atsɛɔ lɛ Susa ni yɔɔ Elam kpokpai anɔ shikpɔŋ lɛ nɔ lɛ mli. Midamɔ Ulai Faa lɛ naa.

Daniel 8:8

Kɛkɛ ni too kpakpo nɛɛ bɔ̃i ehenɔwomɔ, ejaakɛ esusu akɛ eje agbo. Shi be ni ehe kɛɛ ewaa kwraa lɛ, aku eklonto agbo lɛ. Kɛkɛ ni aklontoi ejwɛ krokomɛi je kpo faŋŋ yɛ aklonto agbo kome lɛ najiaŋ ni amɛmiikwɛ jeŋ koji ejwɛ lɛ fɛɛ.

Zakaria 6:5

Bɔfo lɛ hã mi hetoo ekɛɛ akɛ, “Enɛɛmɛi damɔ shi hã ŋwɛi kɔɔyɔi ejwɛ lɛ. Amɛmiiya amɛkɛ amɛhe ayatsɔ̃ɔ jeŋ fɛɛ Nuŋtsɔ lɛ, koni no sɛɛ lɛ amɛya ŋwɛi kɔɔyɔi ejwɛ lɛ aŋɔɔ.”

Mateo 24:31

Ni eeetsu ebɔfoi lɛ kɛ tɛtɛrɛmantɛrɛ ni gbee wa, ni amɛaabua ehalamɔbii lɛ anaa kɛaajɛ kɔɔyɔi ejwɛ lɛ anɔ, kɛajɛ ŋwɛi naagbeehe kome kɛaaya naagbeehe kroko lɛ.”

Kpojiemɔ 17:15

Ni bɔfo lɛ kɛɛ mi akɛ, “Nui lɛ ni ona ni yoo ajwamãŋ lɛ ta nɔ lɛ ji maji kɛ asafoi kɛ jeŋmaji kɛ maji anɔ wiemɔi.

Kpojiemɔ 7:1

Nii nɛɛ asɛɛ lɛ mina ŋwɛi bɔfoi ejwɛ damɔ shikpɔŋ koji ejwɛ lɛ anɔ, ni amɛhiɛ shikpɔŋ lɛ nɔ kɔɔyɔi ejwɛ lɛ amli, koni kɔɔyɔɔ ko akatswa yɛ shikpɔŋ lɛ nɔ loo ŋshɔ nɔ loo tso ko nɔ.