Daniel 7:14 - ŊMALƐ KRƆŊKRƆŊ LƐ

¹⁴ Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

Ṅmãle̱ Kroṅkroṅ Le̱

¹⁴ ni ahãle̱ no̱yeli ke̱ anumnyam ke̱ maṅtše̱yeli, koni mãdšimãdši ke̱ asafoi ke̱ wiemo̱i te fẽ asúmo̱le̱, ono̱yeli le̱ nāno̱ no̱yeli ní hoṅ eyaṅ ni, ni emaṅtše̱yeli te noni fiteṅ ni.

Daniel 7:14 ပူးပေါင်းရင်းမြစ်များ

Lalai 102:22

be mli ni majimaji kɛ maŋtsɛyelii aaabuabua amɛhe naa amɛja Yehowa lɛ.

Lalai 103:19

Yehowa lɛ, ekɛ emaŋtsɛ sɛi lɛ ma shi shiŋŋ yɛ ŋwɛi; ni lɛ eyeɔ jeŋ fɛɛ nɔ.

Lalai 145:13

Omaŋtsɛyeli lɛ, naanɔ maŋtsɛyeli ni; ni olumɔyeli lɛ hiɔ shi kɛyaa yinɔi fɛɛ nɔ.

Lalai 146:10

Yehowa baaye maŋtsɛ kɛaatee naanɔ, Zion, oNyɔŋmɔ lɛ aaaye maŋtsɛ kɛaatee yinɔi fɛɛ nɔ. Nyɛjiea Yehowa yi!

Lalai 45:6

Omaŋtsɛ sɛi lɛ Nyɔŋmɔ maŋtsɛ sɛi ni, ni ema shi kɛmiiya naanɔ. Olumɔyeli tsi lɛ, jalɛ saneyeli tsi ni.

Lalai 72:11

Maŋtsɛmɛi fɛɛ aaakoto lɛ, majimaji fɛɛ kwa aaasɔmɔ lɛ.

Lalai 72:17

Maŋtsɛ lɛ gbɛi ahe shi kɛya naanɔ; gbii abɔ ni hulu yɔɔ nɛɛ, enunyam akagbo. Gbɔmɛi aaanya yɛ ehewɔ; ni majimaji fɛɛ aaajɔɔ lɛ.

Lalai 8:6

Bo ohã lɛ hegbɛ ni ekɛyeɔ onine naa nitsumɔi lɛ fɛɛ anɔ. Oŋɔ nibii nɛɛ fɛɛ oto enajiaŋshi ni eye amɛnɔ:

Yesaia 16:5

abaajɛ suɔmɔ ni tsakeee mli afo maŋtsɛyeli sɛ̃i ko ama shi. Mɔ ko baajɛ David shwiei ateŋ eta sɛ̃i nɛɛ nɔ, ni ebaaye maŋtsɛ lɛ kɛ anɔkwayeli; ebaaye jalɛ sane yɛ kojomɔ mli, ni ebaakwɛ akɛ aaye jalɛ sane.”

Yesaia 60:12

Shi maji ni sɔmɔɔɔ bo lɛ aaakpãtã amɛhiɛ; nakai maji lɛ, kpãtãmɔ aaakpãtã amɛhiɛ butuu.

Yesaia 9:6

Ejaakɛ afɔ bi ahã wɔ! Afɔ binuu ahã wɔ. Elumɔyeli kã ekɔŋ. Abaatsɛ lɛ “Naakpɛɛ Ŋaawolɔ,” “Nyɔŋmɔ Hewalɔ, Naanɔtsɛ, Hejɔlɛ Lumɔ.”

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Daniel 2:35

Kɛkɛ ni amãgã lɛ he dade lɛ kɛ su lɛ kɛ akɔɔble lɛ kɛ jwiɛtɛi lɛ kɛ shika lɛ hu fɛɛ tswɛm jwara wɔtsɔwɔtsɔ, ni amɛfuflu, ni amɛtsɔ tamɔ abelenaashaji ni bua gbo abeleshaahe. Kɛkɛ ni kɔɔyɔɔ loo fɛɛ kɛtee, ni eshwɛɛɛ amɛhe nɔ ko nɔ ko. Shi tɛ lɛ ni batswa amãgã lɛ da, ni etsɔ̃ gɔŋ kpeteŋkple, ni ekpele jeŋ fɛɛ.

Daniel 2:37

Maŋtsɛ, bo ji maŋtsɛmɛi amaŋtsɛ. Nyɔŋmɔ ni yɔɔ ŋwɛi lɛ, ni to bo nakai, ni eduro bo hewalɛ kɛ agbojee kɛ anunyam fɛɛ.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 3:4

sɔ̃ɔlɔ ko bo waa ni ekɛɛ akɛ, “Shikpɔji kɛ maji srɔtoi anɔ bii kɛ nyɛ mɛi ni nyɛwieɔ wiemɔi srɔtoi fɛɛ,

Daniel 4:3

“Kwɛ bɔ ni okadii ni Nyɔŋmɔ jieɔ etsɔ̃ɔ wɔ lɛ tsiitsii hã. Kwɛ bɔ ni enifeemɔ nii yɔɔ naakpɛɛ naakpa. Emaŋtsɛyeli lɛ, naanɔ maŋtsɛyeli ni, ni ejɛɔ yinɔ kɛyaa yinɔ!

Daniel 6:26

Miiwo kitã akɛ mɔ fɛɛ mɔ ni yɔɔ minɔyeli nɛɛ he fɛɛ he lɛ, ehe akpokpo, ni eshe Daniel Nyɔŋmɔ lɛ gbeyei.” “Lɛ ji Nyɔŋmɔ hiɛkãalɔ lɛ, mɔ ni yɛ kɛmiiya naanɔ lɛ; anyɛŋ emaŋtsɛyeli hiɛ akpãtã, ni ehewalɛ lɛ sɛɛ efoŋ.

Daniel 7:18

Shi Nyɔŋmɔ Ofe lɛ bii hetselɔi lɛ anine baashɛ maŋtsɛyeli lɛ nɔ, ni eeehi amɛdɛŋ kɛya naanɔi anaanɔ.”

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Obadia 1:21

Tabilɔi kunimyelɔi aaajɛ Yerusalɛm ayatua Edom, ni amɛaaye enɔ; ni Yehowa diɛŋtsɛ aaaye Maŋtsɛ.”

Mika 4:7

Ni mikɛ akpaketsɛmɛi ni yɔɔ maŋsɛɛ shɔŋŋ, kɛ maŋ, mɛi ni eshwɛ lɛ baaje shishi, ni mafee amɛ maŋ ni da agbo. Ni Yehowa aaaye amɛnɔ maŋtsɛ yɛ Zion Gɔŋ lɛ nɔ kɛaajɛ nakai be lɛ kɛaatee naanɔ fɛɛ.”

Mateo 11:27

MiTsɛ etu nii fɛɛ ewo midɛŋ; ni mɔ ko mɔ ko leee Bi lɛ, akɛ ja Tsɛ lɛ kɛkɛ, asaŋ Tsɛ lɛ hu, mɔ ko mɔ ko leee lɛ, akɛ ja Bi lɛ, kɛ mɔ ni Bi lɛ sumɔɔ akɛ ejieɔ lɛ kpo etsɔ̃ɔ lɛ lɛ.”

Mateo 28:18

Ni Yesu ba ekɛ amɛ bawie ekɛɛ, “Aŋɔ hegbɛ fɛɛ ahã mi yɛ ŋwɛi kɛ shikpɔŋ nɔ.

Luka 1:33

Ni eeeye Yakob we lɛ nɔ maŋtsɛ kɛaatee naanɔ. Ni emaŋtsɛyeli lɛ sɛɛ efoŋ.”

Luka 10:22

“MiTsɛ etu nii fɛɛ ewo midɛŋ, ni mɔ ko leee mɔ ni ji Bi lɛ, ja Tsɛ lɛ, kɛ mɔ ni ji Tsɛ lɛ hu, ja Bi lɛ kɛ mɔ ni Bi lɛ sumɔɔ akɛ ejie lɛ kpo etsɔ̃ɔ lɛ.”

Yohane 12:34

Asafo lɛ here lɛ nɔ akɛ, “Wɔ lɛ wɔnu yɛ Mla lɛ mli akɛ Kristo lɛ hiɔ shi kɛyaa naanɔ; ni te feɔ tɛŋŋ ni bo lɛ okɛɔ akɛ ja awo Gbɔmɔ Bi lɛ nɔ lɛ? Namɔ ji nɛkɛ Gbɔmɔ Bi nɛɛ?”

Yohane 3:35

Tsɛ lɛ sumɔɔ Bi lɛ, ni etu nii fɛɛ ewo edɛŋ.

Hebribii 12:28

No hewɔ lɛ, akɛni wɔna maŋtsɛyeli ni anyɛŋ ahoso lɛ, nyɛhãa wɔdaa shi ni wɔkɛsɔ̃mɔ Nyɔŋmɔ bɔ ni sa ehiɛ kɛ woo kɛ gbeyeishemɔ!

1 Petro 3:22

mɔ ni etee ŋwɛi ni eyata Nyɔŋmɔ ninejurɔ nɔ, ni akɛ ŋwɛi bɔfoi kɛ hegbɛi kɛ hewalɛi fɛɛ ewo eshishi lɛ.

Kpojiemɔ 1:6

ni ekɛ wɔ efee maŋtsɛmɛi kɛ osɔfoi ehã eTsɛ Nyɔŋmɔ lɛ, lɛ aŋɔ anunyam kɛ hewalɛ ahã kɛyashi naanɔi anaanɔ. Amen!

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 3:21

Kunimyelɔ lɛ mahã ekɛ mi ata mimaŋtsɛ sɛi lɛ nɔ tamɔ bɔ nɔŋŋ ni mi hu miye kunim ni mikɛ miTsɛ ta emaŋtsɛ sɛi lɛ nɔ lɛ.