Daniel 7:13 - ŊMALƐ KRƆŊKRƆŊ LƐ

¹³ Mina yɛ nyɔɔŋ ninaa lɛ mli nɔ ko ni tamɔ gbɔmɔ adesa. Ekpeleke shi kɛjɛ ŋwɛi ni atatu ebɔle ehe kɛba mɔ ni Etsɛ Naakpa lɛ ŋɔɔ, ni ebadamɔ ehiɛ.

Ṅmãle̱ Kroṅkroṅ Le̱

¹³ Misā mina ye̱ nyōṅ ninā le̱ mli, ni na, moko tamo̱ *gbomobi ke̱ ṅwei atatui mība, ni oba moni eye gbĩĩ pī le̱ ṅõ, ni ake̱le̱ ba ehĩe; *Luk. 21,27.

Daniel 7:13 ပူးပေါင်းရင်းမြစ်များ

Lalai 110:2

Yehowa aaajɛ Zion ekɛ omaŋtsɛ tsi wulu lɛ ahã bo. Eeekɛɛ akɛ, “Ye lumɔ yɛ ohenyɛlɔi lɛ anɔ.”

Lalai 2:8

Bi mi, ni maŋɔ majimaji lɛ mahã bo akɛ ogboshinii; ni shikpɔŋ muu lɛ fɛɛ aaatsɔ̃ ogbɛfaŋnɔ.

Lalai 47:5

Nyɔŋmɔ etee ŋwɛi kɛ oshebɔɔ. Yehowa kɛ tɛtɛrɛmantɛrɛ jijemɔ etee ŋwɛi.

Yeremia 49:19

Naa, bɔ ni jata fãa kɛjɛɔ Yordan Faa he koo hayii mli kɛbaa ebatuaa too ku yɛ amɛniyelihe lɛ, nakai mibaba trukaa, ni mahã Edombii ajo foi amɛshi amɛshikpɔŋ lɛ nɔ, ni mi, mibato mɔ ni misumɔɔ koni eye Edom nɔ. Ejaakɛ namɔ kɛ mi ye egbɔ? Namɔ baanyɛ mi sane ebi? Mɛɛ maŋ hiɛnyiɛlɔ baanyɛ mihiɛ edamɔ?

Ezekiel 1:26

Nɔ ko ni tamɔ maŋtsɛ sɛi ni esu tamɔ safiro ojarawatɛ ma nɔ lɛ ni ha shi lɛ yiteŋ. Ni nɔ ko ni tamɔ gbɔmɔ su ta nɔ ni tamɔ maŋtsɛ sɛi lɛ nɔ.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 7:12

Kooloi krokomɛi lɛ ni shwɛ lɛ, ashɔ̃ hewalɛ ni amɛyɔɔ lɛ yɛ amɛdɛŋ; shi akɛ amɛhe ke amɛ kɛyashi be kɛ ŋmɛlɛtswaa pɔtɛ̃ɛ ko.

Daniel 7:2

Daniel ŋma akɛ, “Mina yɛ mininaa lɛ mli akɛ nyɔɔŋ kɔɔyɔɔ efã kɛjɛ jeŋ koji ejwɛ lɛ fɛɛ, ni ehã ŋshɔ fee hamahama.

Daniel 7:22

kɛyashi beyinɔ ni mɔ ni Etsɛ Naakpa lɛ ba, ni ebabu Ŋwɛi Flooflonyo lɛ mɛi krɔŋkrɔŋi lɛ bem. Kɛkɛ ni be bashɛ, ni aŋɔ nɔyeli hewalɛ awo mɛi krɔŋkrɔŋi lɛ adɛŋ.

Daniel 7:9

Mihiɛ ninaa lɛ kwɛmɔ aahu kɛyashi beyinɔ ni akɛ maŋtsɛ sɛii bamamɔ shi. Kɛkɛ ni mɔ ko ni onaa akɛ afɔ lɛ etsɛ naakpa baho eta shi. Etade yɛɔ futaa, ni eyiteŋ waŋ hu yɛɔ futaa. Emaŋtsɛ sɛi lɛ miitso kɛ la, ni sɛi lɛ naji ahe kokolonto lɛ hu miitso grigri.

Daniel 8:15

Be ni mi, Daniel, mina nɛkɛ ninaa nɛɛ, ni miitao eshishi male lɛ, mina mɔ ko tamɔ gbɔmɔ badamɔ mihiɛ.

Mateo 13:41

Gbɔmɔ Bi lɛ aaatsu ebɔfoi lɛ, ni amɛaabua nanetɔ̃tɔ̃mɔnii fɛɛ kɛ mɛi ni tsuɔ nii ni shiɔ mla lɛ anaa kɛaaje emaŋtsɛyeli lɛ mli,

Mateo 24:30

Kɛkɛ lɛ Gbɔmɔ Bi lɛ okadi lɛ aaapue yɛ ŋwɛi, ni no lɛ shikpɔŋ lɛ nɔ akutsei lɛ fɛɛ aaawo yara, ni amɛaana Gbɔmɔ Bi lɛ ni eeba yɛ ŋwɛi atatui lɛ anɔ kɛ hewalɛ kɛ anunyam babaoo.

Mateo 25:31

“Shi be ni Gbɔmɔ Bi lɛ aaaba yɛ enunyam lɛ mli, ni bɔfoi lɛ fɛɛ aaafata ehe lɛ, no mli lɛ eeeta enunyam sɛ̃i lɛ nɔ;

Mateo 26:64

Yesu kɛɛ lɛ akɛ, “Okɛɛ. Shi miikɛɛ nyɛ akɛ, kɛjɛ be nɛ nɔ kɛyaa nɛɛ, nyɛaana Gbɔmɔ Bi lɛ akɛ eta Hewalɛ lɛ ninejurɔ nɔ, ni eeba yɛ ŋwɛi atatui lɛ amli.”

Mateo 28:18

Ni Yesu ba ekɛ amɛ bawie ekɛɛ, “Aŋɔ hegbɛ fɛɛ ahã mi yɛ ŋwɛi kɛ shikpɔŋ nɔ.

Mateo 8:20

Ni Yesu kɛɛ lɛ akɛ, “Osɔi yɛ bui, ni ŋwɛi loofɔji yɛ tsui; shi Gbɔmɔ Bi lɛ bɛ he ni ekɛ eyitso ŋmɛɔ.”

Marko 13:26

Kɛkɛ lɛ, aaana Gbɔmɔ Bi lɛ akɛ eeba yɛ atatuiaŋ kɛ hewalɛ kpele kɛ anunyam babaoo.

Luka 21:27

Kɛkɛ lɛ amɛaana Gbɔmɔ Bi lɛ ni eeba yɛ atatuŋ kɛ hewalɛ kɛ anunyam babaoo.

Luka 21:36

No hewɔ lɛ, nyɛsaraa ni nyɛsɔlea be fɛɛ be, koni nyɛnyɛ nii ni baaba nɛɛ fɛɛ mli nyɛje, ni nyɛnyɛ Gbɔmɔ Bi lɛ hiɛ nyɛdamɔ.”

Luka 24:27

Ni ebɔ̃i kɛjɛ Mose kɛ Gbalɔi lɛ fɛɛ nɔ, ni etsɔ̃ɔ amɛ nibii ni yɔɔ Ŋmalɛi lɛ fɛɛ mli yɛ ehe lɛ ashishi.

Yohane 12:34

Asafo lɛ here lɛ nɔ akɛ, “Wɔ lɛ wɔnu yɛ Mla lɛ mli akɛ Kristo lɛ hiɔ shi kɛyaa naanɔ; ni te feɔ tɛŋŋ ni bo lɛ okɛɔ akɛ ja awo Gbɔmɔ Bi lɛ nɔ lɛ? Namɔ ji nɛkɛ Gbɔmɔ Bi nɛɛ?”

Yohane 3:13

Ni mɔ ko ekwɔko kɛyako ŋwɛi, akɛ ja mɔ ni jɛ ŋwɛi kpeleke shi lɛ, Gbɔmɔ Bi lɛ ni yɔɔ ŋwɛi lɛ.

Yohane 5:27

Ni ehã lɛ hegbɛ akɛ ekojo hu, ejaakɛ lɛ ji Gbɔmɔ Bi lɛ.

Bɔfoi 7:56

ni ekɛɛ, “Naa, miina ŋwɛi naa ni egbele, kɛ Gbɔmɔ Bi lɛ ni edamɔ Nyɔŋmɔ ninejurɔ nɔ.

1 Tesalonikabii 4:17

no sɛɛ lɛ wɔ mɛi ni wɔhiɛ kãmɔ ni eshwɛ lɛ, aaasha wɔ kɛ amɛ fɛɛ yɛ atatui amli kɛaatee Nuŋtsɔ lɛ kpeemɔ yɛ kɔɔyɔɔ mli, ni nakai wɔkɛ Nuŋtsɔ lɛ aaayahi shi daa.

1 Timoteo 6:16

Lɛ ekome eyɔɔ naanɔ shihilɛ ni gbele bɛ mli, ni ehiɔ la ni anyɛŋ abɛŋkɛ mli; gbɔmɔ ko gbɔmɔ ko enako lɛ dã, ni enyɛŋ lɛ ena hu lɛ. Enɔ ji woo kɛ naanɔ hewalɛ lɛ. Amen!

Hebribii 2:14

No hewɔ lɛ, akɛni bii lɛ hiɛ heloo kɛ lá kome hewɔ lɛ, lɛ hu eŋɔ no nɔŋŋ eko tamɔ amɛ, koni etsɔ̃ gbele nɔ ekpãtã mɔ ni yɔɔ gbele nɔ hewalɛ ni ji abonsam lɛ hiɛ,

Hebribii 9:24

Ejaakɛ jeee He Krɔŋkrɔŋ ni akɛ niji fee ni ji nii lɛ diɛŋtsɛ lɛ afoniri kɛkɛ lɛ mli Kristo yabote lɛ; shi moŋ ŋwɛi diɛŋtsɛ eyabote, koni agbɛnɛ eyapue yɛ Nyɔŋmɔ hiɛ ehã wɔ.

Kpojiemɔ 1:13

kɛ mɔ ko yɛ kanetsei lɛ ateŋ ni tamɔ Gbɔmɔ Bi, ni ewo atade yuu ni ekɛ shika kpãa efi etsitsi.

Kpojiemɔ 1:18

kɛ hiɛkãalɔ lɛ. Migbo, ni naa, mihiɛ kã kɛmiiya naanɔi anaanɔ, ni mihiɛ gbele kɛ gbohiiaje naa samfei lɛ.

Kpojiemɔ 1:7

Naa, eeba kɛ atatui lɛ, ni hiŋmɛi fɛɛ hiŋmɛi aaana lɛ kɛ mɛi ni tsulɔ lɛ nii lɛ hu. Ni shikpɔŋ lɛ nɔ akutsei lɛ fɛɛ aaawo yara yɛ ehewɔ. Aba mli nakai. Amen!

Kpojiemɔ 14:14

Ni mikwɛ, ni naa, atatu yɛŋ, ni mɔ ko ta nɔ tamɔ gbɔmɔ bi, ni shika akekre fi eyitso, ni ehiɛ nikpamɔ kakla ni naa ba yɛ edɛŋ.