Daniel 7:1 - ŊMALƐ KRƆŊKRƆŊ LƐ

¹ Babilon Maŋtsɛ Belshazar klɛŋklɛŋ afi lɛ nɔ lɛ, Daniel la lamɔ ko, ni ena ninaa ko be mli ni ekã shi ewɔ. Eŋma lamɔ lɛ efɔ̃ shi; ni lamɔ nɛɛ mli saji titrii ji enɛ.

Ṅmãle̱ Kroṅkroṅ Le̱

¹ Babel maṅtše̱ *Belšazar kleṅkleṅ afi le̱ no̱ le̱ Daniel la lamõ ko, ni ena nināi ye̱ eyitšoṅ, beni eka esā le̱ no̱ le̱. Ke̱ke̱ ni eṅmã lamõ le̱, ni egba emli sădsi titrii le̱: *5,1.

Daniel 7:1 ပူးပေါင်းရင်းမြစ်များ

1 Mose 15:1

Enɛ sɛɛ lɛ Yehowa kɛ Abram wie yɛ ninaa mli akɛ, “Kaashe gbeyei, Abram, mabu ohe, ni mabaa oyi.”

1 Mose 46:2

Nyɔŋmɔ kɛ Yakob wie yɛ ninaa mli nyɔɔŋ ni ekɛɛ, “Yakob, Yakob!” Ni Yakob here nɔ akɛ, “Naa mi.”

Hiob 4:13

be ni wɔ ni tsii nyɔɔ mɛi anɔ, ni ninai ahejwɛŋmɔ

Yesaia 30:8

Kɛkɛ ni Nyɔŋmɔ kɛɛ mi akɛ, “Agbɛnɛ yaa ni oyaŋma yɛ tɛi tɛtɛrɛbii anɔ yɛ amɛhiɛ, ni oŋma owo wolo mli koni ekã shi akɛ odaseyelinɔ ehã wɔsɛɛ be kɛya naanɔ.

Yesaia 8:1

Yehowa kɛɛ mi akɛ, “Kɔ tao kpeteŋkple koni akɛ niŋmaa okadii ni dara aŋma wiemɔ nɛɛ yɛ nɔ, ‘Haanii yaa oya! Ofɔ̃yelinii yaa mramra.’ ”

Yeremia 23:28

Gbalɔ ni ela lamɔ ko lɛ, egba lamɔ lɛ; ni gbalɔ ni mikɛ miwiemɔ ewo enaa lɛ, ewie wiemɔ lɛ anɔkwale mli. Mɛni tutuu kɛ abele yɔɔ jaa?

Yeremia 27:7

Majimaji fɛɛ aaasɔ̃mɔ lɛ kɛ ebinuu kɛ enabi nuu tete kɛyaashi beyinɔ ni lɛ Babilon Maŋtsɛ lɛ diɛŋtsɛ hu, eshikpɔŋ lɛ be aaashɛ; kɛkɛ lɛ maji babaoo kɛ maŋtsɛmɛi wuji baaye lɛ nyɔŋ.

Yeremia 36:32

Kɛkɛ ni Yeremia kɔ wolo kpo kroko, ni ekɛhã Neria bi Baruk ni ji ewoloŋmalɔ lɛ. Yeremia saa ewie wiemɔi lɛ fɛɛ ni yɔɔ tsuutsu wolo kpo ni Yuda Maŋtsɛ Yehoiakim shã lɛ mli lɛ, ni Baruk ŋmã fɛɛ ewo wolo hee lɛ mli. Ni Yeremia kɛ wiemɔi krokomɛi ni tamɔ wiemɔi ni ewie ni Baruk ŋmã lɛ shi nɔ.

Yeremia 36:4

Kɛkɛ ni Yeremia tsɛ Neria bi Baruk kɛba, ni Yeremia wie wiemɔi fɛɛ ni Yehowa kɛ lɛ, Yeremia, ewie lɛ, ni Baruk ŋmã ewo wolo kpo lɛ mli.

Ezekiel 1:1

Yɛ afi ni ji nyɔŋmai etɛ̃ lɛ nɔ, nyɔŋ ni ji ejwɛ lɛ nɔ, gbi ni ji enumɔ lɛ nɔ lɛ, be ni miyɔɔ nomii lɛ ateŋ yɛ Kebar Faa lɛ naa lɛ, agbele ŋwɛi naa, ni mina Nyɔŋmɔ he ninai.

Ezekiel 40:2

Nyɔŋmɔ ŋɔ mi kɛba Israel shikpɔŋ lɛ nɔ yɛ ninaa mli, ni ekɛ mi yadamɔ gɔŋ grɔŋŋ ko nɔ. Gɔŋ nɛɛ nɔ lɛ, mina nɔ ko tamɔ maŋ ni ato yɛ mihiɛgbɛ.

Daniel 1:17

Nyɔŋmɔ duro nɛkɛ oblahii ejwɛ nɛɛ jwɛŋmɔ, ni amɛnyɛ amɛkase woloŋ kɛ nii fɛɛ ni atsɔ̃ɔ amɛ lɛ. Yɛ Daniel gbɛfaŋ lɛ Nyɔŋmɔ hã enu ninaa fɛɛ ninaa kɛ lamɔ fɛɛ lamɔ hu shishi efata he.

Daniel 2:1

Nebukadnezar maŋtsɛyeli afi ni ji enyɔ lɛ nɔ lɛ, ela lamɔi komɛi. Lamɔi nɛɛ hã etsui bɔ̃i yeli, ni wɔ tserɛ yɛ ehiɛ.

Daniel 2:26

Maŋtsɛ lɛ bi Daniel ni atsɛɔ lɛ Belteshazar hu lɛ akɛ, “Ani ooonyɛ otsɔ̃ɔ mi lamɔ ni mila lɛ kɛ eshishi hu?”

Daniel 4:13

“Mina yɛ ninaa lɛ mli ni bɔfo saralɔ krɔŋkrɔŋ ko jɛ ŋwɛi kpeleke shi.

Daniel 4:5

Shi mila lamɔ ko ni wo mihe gbeyei, ejaakɛ nibii ni mina yɛ lamɔ lɛ mli, be mli ni mikã shi miwɔ lɛ, yɛ gbeyei.

Daniel 5:1

Gbi ko lɛ Maŋtsɛ Belshazar tsɛ enukpai lɛ ateŋ mɛi akpe okplɔ̃ kpeteŋkple ko, ni ekɛ amɛ fɛɛ nu dãa kutuu.

Daniel 5:22

“Bo Belshazar, Maŋtsɛ Nebukadnezar bi lɛ, ole sane nɛɛ fɛɛ, shi fɛɛ sɛɛ lɛ obaaa ohe shi;

Daniel 5:30

Shi nakai nyɔɔŋ lɛ mli nɔŋŋ lɛ agbe Babilon Maŋtsɛ Belshazar;

Daniel 7:13

Mina yɛ nyɔɔŋ ninaa lɛ mli nɔ ko ni tamɔ gbɔmɔ adesa. Ekpeleke shi kɛjɛ ŋwɛi ni atatu ebɔle ehe kɛba mɔ ni Etsɛ Naakpa lɛ ŋɔɔ, ni ebadamɔ ehiɛ.

Daniel 7:15

Ninai lɛ wo mihe gbeyei, ni mimumɔ hao yɛ mi, Daniel, mimli.

Daniel 7:7

Mihiɛ kwɛmɔ nɔŋŋ kɛkɛ ni kooloo ni ji ejwɛ lɛ fã kpo. Ehe yɛ gbeyei kɛ naakpɛɛ fɛɛ; eyɛ hewalɛ naakpa. Eyɛ dade nyanyɔji kpakpatakpakpataa, ni ekɛjwara eniyenii lɛ amli dukuduku ni eye; ni fufuji ni shwɛ lɛ ekɛ enaji naanaa nɔ. Esoro lɛ kwraa yɛ kooloi krokomɛi ni tsɔ̃ hiɛ ba lɛ ateŋ. Lɛ lɛ eyɛ aklontoi nyɔŋma.

Daniel 8:1

Maŋtsɛ Belshazar yinɔ afi ni ji etɛ̃ lɛ nɔ lɛ, ajie ninaa ko ekoŋŋ atsɔ̃ɔ mi, Daniel, yɛ klɛŋklɛŋ ninaa lɛ sɛɛ.

Yoel 2:28

“Enɛɛmɛi asɛɛ lɛ mafɔse mimumɔ lɛ mashwie gbɔmɛi fɛɛ anɔ; nyɛbihii kɛ nyɛbiyei lɛ aaagba, nyɛhiimeji lɛ aaala lamɔi, ni nyɛblahii lɛ aaana ninai.

Amos 3:7

Eji anɔkwale akɛ Nuŋtsɔ Nyɔŋmɔ efeee nɔ ko ni ejieee eyiŋtoo lɛ kpo etsɔ̃ɔɔ etsuji gbalɔi lɛ.

Habakuk 2:2

Yehowa hã mi hetoo nɛɛ, “Kpɛ ninaa nɛɛ faŋŋ yɛ tɛi tɛtɛrɛbii anɔ koni anyɛ akane oya.

4 Mose 12:6

ni Yehowa kɛɛ amɛ akɛ, “Nyɛboa mi toi! Kɛji gbalɔ ko yɛ nyɛteŋ lɛ, mitsɔ̃ɔ ninaa nɔ mihãa eleɔ mi, ni wɔlamɔ mli mitsɔ̃ɔ mikɛ lɛ wieɔ.

Romabii 15:4

Ejaakɛ nibii abɔ ni aŋma ato momo lɛ, aŋma ni etsɔ̃ɔ wɔ nii, koni wɔkɛ hiɛmiamɔ kɛ ŋmalɛi lɛ amli miishɛjemɔ lɛ ana hiɛnɔkãmɔ.

2 Korintobii 12:1

Shwãa he ehĩa moŋ, shi ehĩii hãaa mi, kɛ̃lɛ mibawie ninai kɛ Nuŋtsɔ lɛ kpojiemɔi ahe.

Kpojiemɔ 1:19

No hewɔ lɛ, ŋmaa nii ni ona lɛ kɛ nii ni yɔɔ kɛ nii ni baaba yɛ nii nɛɛ asɛɛ lɛ.

Kpojiemɔ 10:4

Ni be ni nyɔŋmɔ shiimɔi kpawo lɛ wo amɛgbei lɛ, kulɛ miiŋma; ni minu gbee ko jɛ ŋwɛi miikɛɛ akɛ, “Sɔomɔ nii ni nyɔŋmɔshiimɔi kpawo lɛ wie lɛ anaa oto, ni oka ŋma.”