Daniel 5:28 - ŊMALƐ KRƆŊKRƆŊ LƐ

²⁸ ni ‘aja mli’ lɛ miitsɔ̃ɔ akɛ aja omaŋtsɛyeli lɛ mli, ni akɛhã Medianbii lɛ kɛ Persiabii lɛ.”

Ṅmãle̱ Kroṅkroṅ Le̱

²⁸ Perēsadša omaṅtše̱yeli le̱ mli, ni aṅõ-hã Mediabii ke̱ Persiabii!

Daniel 5:28 ပူးပေါင်းရင်းမြစ်များ

2 Kronika 36:23

“Koresh, Persia Maŋtsɛ, famɔ nɛ, ‘Yehowa ni ji Ŋwɛi Nyɔŋmɔ lɛ, ehã mitsɔ̃ je lɛ fɛɛ maŋtsɛ. Efã mi akɛ miyama Sɔlemɔ we mihã lɛ yɛ Yerusalɛm yɛ Yuda shikpɔŋ lɛ nɔ. Naa, nyɛ mɛi fɛɛ ni ji Nyɔŋmɔ webii lɛ, nyɛyaa Yuda; ni Yehowa, ni ji Yuda Nyɔŋmɔ lɛ aaabu nyɛhe, ni ekɛ nyɛ aaahi shi.’ ”

Yesaia 13:17

Yehowa kɛɛ akɛ, “Naa, miitee Midiabii ashi mawo Babilon. Amɛ lɛ amɛbuuu jwiɛtɛi, ni shika ekɔ̃ɔ amɛhiɛ.

Yesaia 21:2

Ajie ninaa ko ni yɔɔ gbeyei atsɔ̃ɔ mi: mɔsɛɛgbɛtsɔ̃ɔlɔ ni miitsɔ̃ɔ mɔ ko sɛɛgbɛ, kɛ nifitelɔ ni miifite nii. Elam, kwɔɔ kɛya! Media, yaasa maji lɛ ayi! Mahã ŋkɔmɔi fɛɛ ni Babilon eha eyeɔ lɛ sɛɛ afo!

Yesaia 47:11

Shi sane fɔŋ baaye bo, ni oleŋ bɔ ni ooofee ni oje mli. Osharã aaasharã bo, ni onyɛŋ okpa oshwie. Hiɛkpãtãmɔ aaabanina bo trukaa bɔ ni okpaaa gbɛ.

Yeremia 25:13

Mahã wiemɔi fɛɛ ni miwie mishi shikpɔŋ nɛɛ, ni ji nii fɛɛ ni Yeremia gba shi majimaji lɛ, ni aŋmã yɛ wolo nɛɛ mli lɛ, aba mli.

Yeremia 51:28

Nyɛsaa maji lɛ kɛhã ta nyɛwoa Babilon. Maji nɛɛ ji, Media maŋtsɛmɛi lɛ kɛ amɛshishi amraloi lɛ kɛ lumɛi lɛ kɛ shikpɔŋ fɛɛ shikpɔŋ ni yɔɔ amɛshishi lɛ afee kralo.

Daniel 2:32

Amãgã nɛɛ yitso lɛ akɛ shika fee, etsitsi kɛ eniji lɛ akɛ jwiɛtɛi fee, emusu kɛ ehɛ lɛ akɛ akɔɔble fee;

Daniel 2:39

Bo osɛɛ lɛ maŋtsɛyeli kroko aaate shi ni kɛ bo yeee egbɔ; maŋtsɛyeli ko hu ni ji etɛ̃ baaba abaye nɔ. Ekadi ji akɔɔble lɛ; ni eeeye je lɛ fɛɛ nɔ.

Daniel 5:31

ni Dario, Medianyo lɛ, ŋɔ maŋtsɛyeli lɛ. Nakai be mli lɛ Dario eye afii nyɔŋmai ekpaa kɛ enyɔ.

Daniel 6:28

Daniel nɛɛ shwere yɛ Maŋtsɛ Dario yinɔ kɛ Maŋtsɛ Koresh, Persianyo lɛ, hu yinɔ.

Daniel 6:8

Agbɛnɛ, Maŋtsɛ, ofainɛ ni owo akpɔ nɛɛ, ni aŋmã awo woloŋ, ni osɔo naa koni etsɔ̃ tamɔ Mediabii kɛ Persiabii amla ni atsakeee hiɛ lɛ.”

Daniel 8:20

“Gwantɛŋ nuu agbo ni ona kɛ eklontoi enyɔ lɛ damɔ shi hã Media kɛ Persia maŋtsɛmɛi lɛ.

Daniel 9:1

Ahashwerosh bi Dario, Media fɔmɔbi lɛ, ye Kaldeabii amaŋtsɛ.

Bɔfoi 2:9

Partiabii kɛ Mediabii kɛ Elambii kɛ mɛi ni yɔɔ Mesopotamia kɛ Yudea kɛ Kapadokia, Ponto kɛ Asia,