Daniel 5:23 - ŊMALƐ KRƆŊKRƆŊ LƐ

²³ shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Ṅmãle̱ Kroṅkroṅ Le̱

²³ ši owó ohe no̱ oši ṅwei Nuṅtšo̱ le̱, ni ayaṅõ *ewe le̱ nibii ke̱-ba ohĩe, ni oke onukpai ke̱ oṅãmei ke̱ ohemei le̱ nu wein ye̱ mli, ni odšie dſie̱te̱i ke̱ šika ke̱ akō̱ble ke̱ dade ke̱ tšo ke̱ le̱ nyoṅmo̱i le̱ †ní ame̱naa nii ni ame̱nuu nii ni ame̱lee nii hũ le̱ ayi; ši Nyoṅmo̱ ní omumo̱ yo̱ edeṅ ni ogbè̱i fẽ dši enõ le̱, le̱ le̱ owoo ehĩe nyam. *K. 2. †Lal. 116,4-7.

Daniel 5:23 ပူးပေါင်းရင်းမြစ်များ

1 Mose 14:19

Ejɔɔ Abram ni ekɛɛ, “Ŋwɛi Flooflo Nyɔŋmɔ, ŋwɛi kɛ shikpɔŋ bɔlɔ lɛ ajɔɔ Abram;

1 Mose 2:7

Kɛkɛ ni Nuŋtsɔ Nyɔŋmɔ kɛ shikpɔŋ sũ shɔ̃ gbɔmɔ, ni emu wala mumɔ ewo egugɔ mli, ni gbɔmɔ tsɔ bɔɔnɔ ni hiɛ kã.

2 Maŋtsɛmɛi 14:10

Ogbe Edombii, hewɔ lɛ no ehã oowo ohe nɔ. Okɛ no ashwã; shi okɛ no awa owe lɛ. Mɛɛba oshwɛɔ ohiɛkpãtãmɔ he, koni bo okɛ Yuda fɛɛ hiɛ akpãtã nɛɛ?”

Hiob 12:10

Lɛ edɛŋ nibii fɛɛ ni muɔ awala kɛ adesa mumɔ fɛɛ yɔɔ.

Hiob 31:4

Ani Nyɔŋmɔ leee mijeŋba, ni ekaneee minanefaamɔi?

Lalai 104:29

Kɛ okɛ ohiɛ tee lɛ, amɛhaoɔ, kɛ oŋɔ amɛmumɔ lɛ, amɛgboiɔ; ni amɛkuɔ amɛsɛɛ kɛyaa amɛsu ni amɛjɛ mli lɛŋ ekoŋŋ.

Lalai 115:16

Ŋwɛi lɛ, Yehowa ŋwɛi ni; shi shikpɔŋ lɛ, eŋɔ ehã gbɔmɛi abii.

Lalai 139:3

Ole minyiɛmɔ kɛ mishikãmɔ fɛɛ mli, ni ole minifeemɔi fɛɛ.

Lalai 146:4

Kɛji emumɔ je emli lɛ, ekuɔ esɛɛ kɛyaa esu lɛ mli ekoŋŋ; nakai gbi lɛ nɔŋŋ eyiŋtoo fɛɛ laajeɔ.

Abe̱i 20:24

Gbɔmɔ nanefaamɔi lɛ Yehowa dɛŋ eyɔɔ; te aaafee tɛŋŋ ni eeele nɔ ni yɔɔ egbɛ nɔ hu?

Yesaia 13:11

Mibagbala je lɛ toi yɛ emli nifɔɔjianii hewɔ, ni mibagbala mɛi fɔ̃ji atoi yɛ amɛnɔshai lɛ ahewɔ. Mibaha hewolɔi ahetsɔ̃ɔmɔ lɛ sɛɛ afo, ni mibaba yiwalɔi ahenɔwomɔ lɛ shi.

Yesaia 14:13

Shi bo lɛ okɛɛ ohe akɛ, ‘Mibakwɔ kɛya ŋwɛi kɛho Nyɔŋmɔ ŋulamii lɛ ahe. Mawo mimaŋtsɛ sɛ̃i lɛ nɔ kɛya ŋwɛi shɔŋŋ, ni mata nɔ yɛ kpee gɔŋ lɛ nɔ, yɛ kooyigbɛ shikpɔŋ lɛ nɔ tɔ̃ɔ.

Yesaia 2:12

Ejaakɛ Yehowa, Taiatsɛ lɛ, yɛ gbi ko ni eto ni ekɛbaaba ntɛŋfeemɔ kɛ henɔwomɔ kɛ hetsɔ̃ɔmɔ fɛɛ shi.

Yesaia 33:10

Yehowa kɛɛ akɛ, “Agbɛnɛ, mibate shi! Agbɛnɛ mibawo mihe nɔ! Agbɛnɛ abaawo minɔ!

Yesaia 37:19

ni amɛhole maji lɛ anyɔŋmɔi lɛ amɛshɛrɛ amɛshwie la mli ni ashãshãai, ejaakɛ nomɛi lɛ jeee nyɔŋmɔi kwraa ni, shi moŋ gbɔmɛi aniji anaa nitsumɔnii ni, tso kɛ tɛ ni, ni no hewɔ afite amɛ lɛ.

Yesaia 37:23

Namɔ ahora obɔ, ni asaŋ ojɛ lɛ lɛ? Namɔ obolɔ owo, ni ogbɛ ohiŋmɛiŋ owo lɛ lɛ? Mi, Israel Mɔ Krɔŋkrɔŋ lɛ ni.

Yesaia 42:5

Bɔ ni Nyɔŋmɔ mɔ ni ji Yehowa lɛ, mɔ ni bɔ ŋwɛi, ni ekpã mli, mɔ ni bɔ shikpɔŋ elɛɛ shi, kɛ nɔ fɛɛ nɔ ni yɔɔ nɔ, mɔ ni hãa mɛi ni yɔɔ shikpɔŋ lɛ nɔ mumɔ, kɛ mɛi ni nyiɛ nɔ lɛ wala lɛ kɛɛ nɛ,

Yeremia 10:23

Ao! Yehowa, mile akɛ gbɔmɔ adesã gbɛ bɛ lɛ diɛŋtsɛ edɛŋ; ni adesa bɛ ewala nɔ hewalɛ.

Yeremia 48:26

Yehowa kɛɛ akɛ, “Nyɛhãa Moab atɔa dãa, ejaakɛ ewo ehe nɔ yɛ Yehowa nɔ. Moab baakoklo shi yɛ lɛ nɔŋŋ eshwee ni eshwe mli, ni abaaŋmɔ lɛ.

Yeremia 50:28

“Naa, mɛi ni eje gbele mli lɛ ejo foi kɛjɛ Babilon shikpɔŋ lɛ nɔ kɛtee Yerusalɛm, ni amɛmiigba akɛ Yehowa, wɔNyɔŋmɔ lɛ, etɔ eSɔlemɔ we lɛ he owele.

Yeremia 50:29

“Nyɛtsɛa gãitsɛ̃lɔi lɛ nyɛwoa Babilon he, mɔ fɛɛ mɔ ni le gãitsɛ̃mɔ aya eko. Nyɛsaa maŋ lɛ yi kɛkpea; ni nyɛkahãa mɔ ko naa fɔijee hegbɛ. Bɔ ni Babilon fee mɛi komɛi lɛ nyɛkɛ lɛ ayea nakai nɔŋŋ, ejaakɛ ekɛ Yehowa, Israel Mɔ Krɔŋkrɔŋ lɛ, fũ daa.

Ezekiel 28:17

Owo ohe ejaakɛ ohe yɛ fɛo. Onilee ha ofee onii tamɔ buulu. Miŋɔ bo mitswa shi; miŋmɛ bo yayai yɛ maŋtsɛmɛi ahiɛ koni amɛkwɛ bo.

Ezekiel 28:2

“Gbɔmɔ Adesa kɛɛmɔ Tiro lumɔ lɛ akɛ, bɔ ni Nuŋtsɔ Nyɔŋmɔ kɛɔ nɛ, ‘Owoɔ ohe nɔ ni otsɛɔ ohe nyɔŋmɔ,’ Okɛɔ akɛ, ‘Nyɔŋmɔ ji mi, ni mita nyɔŋmɔi lɛ alumɔ sɛi lɛ nɔ yɛ ŋshɔteŋ;’ tsɛbelɛ gbɔmɔ adesa kɛkɛ ji bo, shi jeee nyɔŋmɔ ko. Tsɛbelɛ obuɔ ohe akɛ ole nii tamɔ nɔ ni nyɔŋmɔ ji bo.

Ezekiel 28:5

Jarayeli he nilee kpele ni oyɔɔ eha onii ni oyɔɔ efa babaoo; ni oninamɔ lɛ eha oowo ohe nɔ.

Ezekiel 31:10

“No hewɔ lɛ, bɔ ni Nuŋtsɔ Yehowa kɛɛ nɛ, akɛni ekwɔ grɔŋŋ, ni eyiteŋ shɛ atatuiaŋ hewɔ lɛ, efee ntɛŋ;

Daniel 11:12

Ijipt maŋtsɛ lɛ nine baatsɔ̃ Siria tabilɔi akpei nyɔŋmai abɔ lɛ anɔ. No baahã maŋtsɛ lɛ awo ehe nɔ akɛ ekpãtã tabilɔi babaoo ahiɛ; shi ekunimyeli nɛɛ sɛɛ etsɛŋ.

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Daniel 8:11

Ewo ehe nɔ aahu kɛyashɛ ŋwɛi asafo lɛ lumɔ lɛ tete nɔ; ni eshɔ̃ daa gbi afɔle ni ashãa lɛ yɛ edɛŋ, ni efite He Krɔŋkrɔŋ lɛ.

Habakuk 2:4

Ni shɛɛ wiemɔ lɛ nɛ: ‘Naa, mɔ ni efeee jalɛnii lɛ, eyi naŋ wala; shi mɔ ni feɔ jalɛnii lɛ ehemɔkɛyeli nɔ ebaatsɔ̃ ni eyi ana wala.’ ”

Bɔfoi 17:25

ni asaŋ akɛ gbɔmɛi aniji jaaa lɛ tamɔ mɔ ko ni nɔ ko fiɔ lɛ; lɛ moŋ edɛŋ wala kɛ mumɔ kɛ nii fɛɛ jɛɔ hãa gbɔmɛi fɛɛ;

1 Korintobii 8:4

Agbɛnɛ nɔ ni kɔɔ wɔji afɔle nii ayeli he lɛ, wɔle akɛ wɔŋ ko wɔŋ ko jeee fɛifɛi yɛ je nɛɛ mli, ni asaŋ nyɔŋmɔ ko nyɔŋmɔ ko bɛ, akɛ ja Mɔ kome kɛkɛ.

1 Timoteo 3:6

Asaŋ jeee mɔ ni bote Nyɔŋmɔjamɔ mli etsɛko, koni ekawo ehe nɔ ni egbee kojomɔ ni abonsam gbee mli lɛ mli.

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.

Kpojiemɔ 9:20

Ni gbɔmɛi ni shwɛ ni nɛkɛ haomɔi nɛɛ egbeee amɛ lɛ, amɛtsakeee amɛtsui yɛ amɛdiɛŋtsɛ amɛnine naa nitsumɔi lɛ ahe. Amɛfɔ̃ɔɔ mumɔi fɔ̃ji kɛ shika kɛ jwiɛtɛi kɛ ayawa kɛ tɛ kɛ tso amãgãi ni nyɛɛɛ amɛna nii loo amɛnu nii loo amɛnyiɛ lɛ ajamɔ.

Kojolɔi 16:23

Eba mli akɛ Filistibii alumɛi lɛ babua amɛhe naa koni amɛshã afɔle kpele amɛhã amɛnyɔŋmɔ Dagon lɛ, koni amɛnya, ejaakɛ amɛkɛɛ, “Wɔnyɔŋmɔ lɛ ehã wɔye wɔhenyɛlɔ Samson lɛ nɔ kunim.”

1 Samuel 17:26

David bihii komɛi ni damɔ emasɛi lɛ akɛ, “Mɛni akɛɛ abaafee ahã mɔ ni aaagbe Filistinyo nɛɛ koni ekpa ahora ni ebɔɔ Israel nɛɛ? Kwɛ Filistinyo foolɔ nɛɛ, lɛ ebɔɔ Nyɔŋmɔ hiɛkãalɔ lɛ tai lɛ ahora?”

1 Samuel 17:36

Maŋtsɛ, jata kɛ oshishibrishi po migbe amɛ. Akɛni nɛkɛ Filistinyo foolɔ nɛɛ miibɔ Nyɔŋmɔ hiɛkãalɔ lɛ tai lɛ ahora hewɔ lɛ, eeena nɔ ni kooloi lɛ na yɛ midɛŋ lɛ eko.