Daniel 5:21 - ŊMALƐ KRƆŊKRƆŊ LƐ

²¹ Ashwie lɛ kɛje adesai ateŋ; ejwɛŋmɔ tsɔ̃ tamɔ kooloo jwɛŋmɔ, ni eyahi ŋaŋ tejii ateŋ, ni ekpe jwɛi tamɔ tsina. Ŋwɛi bɔ nyɔ egbɔmɔtso nɔ aahu kɛyashi beyinɔ ni eyoo akɛ Nyɔŋmɔ ni yɔɔ ŋwɛi shɔŋŋ lɛ, eyɛ hewalɛ yɛ maŋtsɛyeli nɔ, ni mɔ ni esumɔɔ lɛ, lɛ maŋtsɛ ewoɔ.

Ṅmãle̱ Kroṅkroṅ Le̱

²¹ ni aſiele̱ ye̱ gbomei abii ateṅ, ni etšui tšṍ tamo̱ koloi anõ, ni eyahī ṅãṅ tedšii ateṅ, ahā eye dſe̱i tamo̱ tšinai, ni ṅwei bó̱ fo̱ egbomotšo le̱, ke̱-yaši be-yino̱ ni ená ele ake̱ *Nyoṅmo̱ ni yo̱ ṅwei šoṅṅ lo̱ yeo̱ gbomei amaṅtše̱yeli no̱, ni eṅõo̱ mofẽmo ni esumoo̱ etoo̱ no̱. *4,35.

Daniel 5:21 ပူးပေါင်းရင်းမြစ်များ

Hiob 39:5

Namɔ ŋmɛ̃ɛ ŋaŋ teji he koni eye ehe? Namɔ fɛne kpãa lɛ ehã teji?

Ezekiel 17:24

Ni ŋa nɔ tsei lɛ fɛɛ aaana ale akɛ mi, Yehowa, mihãa tso ni kwɔ lɛ baa shi, ni miwoɔ tso tɛkɛɛ lɛ nɔ kɛyaa ŋwɛi; Mihãa tso ŋmɔŋ gbiɔ ni mihãa tso gbiŋ fɛoɔ. Mi, Yehowa, miwie, ni mafee hu.”

Daniel 4:14

Ebo waa, ni ekɛɛ akɛ, ‘Nyɛtoa tso lɛ nyɛfɔ̃a shi, ni nyɛfolɔa eniji lɛ; nyɛkpaa eyi bai lɛ nyɛshwiea shi, ni nyɛgbɛa eyibii lɛ nyɛshwãa koni ŋaŋ kooloi lɛ ajo foi yɛ shishi aya, ni loofɔji lɛ hu aje eniji lɛ anɔ aya.

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 4:22

“Nii, bo ji nakai tso lɛ. Bo lɛ oda, ni ohe wa. Oda aahu kɛyashɛ ŋwɛi, ni ohewalɛ miiye je lɛ fɛɛ nɔ.

Daniel 4:25

Abaashwie bo kɛjɛ gbɔmɛi ateŋ, ni obaaya oyahi ŋaŋ kooloi ateŋ, ni obaakpe jwɛi tamɔ tsina. Ŋwɛi bɔ baanyɔ onɔ yɛ jwɛiaŋ, afii kpawo, kɛyaashi beyinɔ ni oooyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ adesa maŋtsɛyeli fɛɛ maŋtsɛyeli nɔ; asaŋ mɔ fɛɛ mɔ ni lɛ esumɔɔ lɛ, lɛ ekɛ maŋtsɛyeli hãa.

Daniel 4:26

Akɛ bɔfo saralɔ lɛ fã akɛ ashi tsoku kɛ eshishifã lɛ yɛ su lɛ mli lɛ, no tsɔ̃ɔ akɛ obaaku sɛɛ obaye omaŋtsɛ lɛ ekoŋŋ, kɛji ona oyoo akɛ Nyɔŋmɔ ji mɔ ni yeɔ je lɛ fɛɛ nɔ lɛ.

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Daniel 4:35

Shikpɔŋ lɛ nɔ gbɔmɛi jeee fɛifɛi yɛ ehiɛ, ŋwɛi bɔfoi kɛ adesai fɛɛ yɛ eshishi. Mɔ ko nyɛŋ enine etswa efɔ̃, loo eeebi lɛ akɛ, ‘Mɛni ofeɔ nɛɛ?’

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Daniel 5:18

“Maŋtsɛ, Nyɔŋmɔ mɔ ni yɔɔ ŋwɛi shɔŋŋ lɛ hã otsɛ Nebukadnezar tsɔ̃ maŋtsɛ wulu ni yɔɔ hewalɛ kɛ agbojee kɛ anunyam kpeteŋkple;