Daniel 5:20 - ŊMALƐ KRƆŊKRƆŊ LƐ

²⁰ Shi be ni ewo ehe nɔ, ni ekpliŋ etsui, ni etsɛ ehe lɛ, akpa lɛ yɛ emaŋtsɛ sɛ̃i lɛ nɔ, ni enunyam lɛ bɔ lɛ.

Ṅmãle̱ Kroṅkroṅ Le̱

²⁰ Ši beni etšui wó ehe no̱ ni ewadše emumo̱ ye̱ hewō mli le̱, akpale̱ ye̱ emaṅtše̱sẽi le̱ no̱, ni ašõ enumnyam le̱ ye̱ edeṅ; Bo̱f 12,33.

Daniel 5:20 ပူးပေါင်းရင်းမြစ်များ

2 Maŋtsɛmɛi 17:14

Shi kɛ̃lɛ amɛbooo toi; amɛfee amɛhe kuɛŋtilɔi tamɔ amɛtsɛmɛi ni heee Yehowa amɛNyɔŋmɔ lɛ amɛyeee lɛ.

2 Kronika 32:25

Shi ejurɔ ni Yehowa fee Hezekia lɛ sɛɛ lɛ, ehe nɔ moŋ Hezekia wo, ni ehiii shi bɔ ni sa Yehowa hiɛ. No hewɔ lɛ, Yehowa mli fu Yuda kɛ Yerusalɛm fɛɛ.

2 Kronika 36:13

Zedekia hu tse Maŋtsɛ Nebukadnezar hiɛ atua be mli ni Nebukadnezar ehã Zedekia kɛ Nyɔŋmɔ ekã lɛ, Nebukadnezar lɛ, kitã. Zedekia kuɛŋ yati, ni ekpliŋ etsui, ni emiii akɛ ejeɔ ehe sɛɛ ni eboɔ Yehowa, Israel Nyɔŋmɔ lɛ, toi.

2 Mose 18:11

Kpaako mina mile akɛ Yehowa fe nyɔŋmɔi fɛɛ ejaakɛ eto Ijiptbii lɛ kpa, akɛni amɛwo amɛhe amɛhã Israelbii lɛ, ni Yehowa ba amɛ shi.”

2 Mose 9:17

Okã he oowo ohe nɔ yɛ mimaŋ lɛ nɔ, ni ohãaa amɛya.

2 Mose 9:7

Ni Farao tsu ayakwɛ, ni ayana akɛ Israelbii akooloi lɛ ateŋ ekome folo nɛkɛ gboko. Shi enɛ fɛɛ sɛɛ lɛ, Farao kpliŋ etsui, ni ehãaa maŋ lɛ aya.

Abe̱i 16:18

Hewoo tsɔ̃ɔ hiɛkpãtãmɔ hiɛ; ni hetsɔ̃ɔmɔ mumɔ tsɔ̃ɔ shigbeemɔ hiɛ.

Abe̱i 16:5

Yehowa miihi mɔ fɛɛ mɔ ni woɔ ehe; kɛ ata abasa yɛ nɔ po, abaagbala etoi.

Yesaia 47:1

Yehowa kɛɛ akɛ, “Babilon, oblayoo foro, kpelekemɔ shi koni obata mlu mli! Ta shikpɔŋ; maŋtsɛ sɛi ko bɛ ha bo, bo Kaldeabii abiyoo, ejaakɛ atsɛŋ bo oje kɛ mɔ ni ahiɛɔ lɛ dɔdɔɔdɔ dɔŋŋ.

Yeremia 13:18

Kɛkɛ ni Yehowa kɛɛ mi akɛ, “Kɛɛmɔ maŋtsɛ lɛ kɛ maŋnyɛ lɛ hu akɛ, ‘Nyɛbaa nyɛhe shi, ejaakɛ akpa nyɛ lumɔyeli. Nyɛtaraa humi sɛ̃i nɔ, ejaakɛ nyɛnunyam akekre lɛ eje nyɛyitso egbee shi.

Yeremia 19:15

“Bɔ ni Yehowa Taiatsɛ, Israel Nyɔŋmɔ lɛ, kɛɛ nɛ, ‘Naa, efɔŋ fɛɛ ni mito miyiŋ akɛ mibafee maŋ nɛɛ kɛ ehe majimaji lɛ, mibafee amɛ kɛ̃, ejaakɛ amɛfee amɛhe kuɛŋtilɔi, ni amɛbooo miwiemɔ toi.’ ”

Yeremia 48:18

Nyɛ mɛi ni nyɛyɔɔ Dibon, nyɛshia nyɛgbojee sɛɛ nyɛkpelekea shi nyɛbataraa shikpɔŋ mlu mli, ejaakɛ Moab hiɛkpãtãlɔ lɛ ete shi ewo nyɛ, ni ekumɔ nyɛmɔji lɛ eshwie shi.

Ezekiel 30:6

“Bɔ ni Yehowa kɛɔ nɛ, mɛi fɛɛ ni fi Ijipt sɛɛ lɛ aaaplene, ni ehewalɛ ni ekɛshwãa lɛ baaba shi kɛjɛ Migdol ni yɔɔ kooyigbɛ lɛ kɛyashi Aswan yɛ wuoyigbɛ lɛ; amɛaanyɔnyɔi yɛ klante naa. Mi, Yehowa miwie.

Ezekiel 31:10

“No hewɔ lɛ, bɔ ni Nuŋtsɔ Yehowa kɛɛ nɛ, akɛni ekwɔ grɔŋŋ, ni eyiteŋ shɛ atatuiaŋ hewɔ lɛ, efee ntɛŋ;

Daniel 11:36

“Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

Daniel 4:26

Akɛ bɔfo saralɔ lɛ fã akɛ ashi tsoku kɛ eshishifã lɛ yɛ su lɛ mli lɛ, no tsɔ̃ɔ akɛ obaaku sɛɛ obaye omaŋtsɛ lɛ ekoŋŋ, kɛji ona oyoo akɛ Nyɔŋmɔ ji mɔ ni yeɔ je lɛ fɛɛ nɔ lɛ.

Daniel 4:28

Enɛ fɛɛ ná ba Maŋtsɛ Nebukadnezar nɔ.

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Daniel 8:8

Kɛkɛ ni too kpakpo nɛɛ bɔ̃i ehenɔwomɔ, ejaakɛ esusu akɛ eje agbo. Shi be ni ehe kɛɛ ewaa kwraa lɛ, aku eklonto agbo lɛ. Kɛkɛ ni aklontoi ejwɛ krokomɛi je kpo faŋŋ yɛ aklonto agbo kome lɛ najiaŋ ni amɛmiikwɛ jeŋ koji ejwɛ lɛ fɛɛ.

Luka 18:14

Miikɛɛ nyɛ akɛ, nɛkɛ nuu nɛɛ yiŋ etee ewe ni abu lɛ bem fe mɔ kome lɛ. Ejaakɛ mɔ fɛɛ mɔ ni woɔ ehe nɔ lɛ aaaba lɛ shi, shi mɔ ni baa ehe shi lɛ, aaawo enɔ.”

Hebribii 3:13

Shi moŋ nyɛwiea nyɛtsɔ̃tsɔ̃ɔa nyɛhe gbi fɛɛ gbi ni atsɛɔ lɛ “ŋmɛnɛ” lɛ, koni esha lakamɔ akahã nyɛteŋ mɔ ko tsui kpliŋ.

1 Samuel 6:6

Mɛni hewɔ esa akɛ nyɛkpliŋ nyɛtsui tamɔ Ijiptbii lɛ kɛ amɛmaŋtsɛ lɛ fee lɛ? Kwɛ, be ni ehã amɛna amɛnii ni amɛleee sɛɛ lɛ, bɛ amɛŋmɛɛ Israelbii lɛ ahe ni amɛtee?