Daniel 5:19 - ŊMALƐ KRƆŊKRƆŊ LƐ

¹⁹ ni agbojee ni aduro lɛ naa hewɔ lɛ shikpɔji kɛ asafoi kɛ wiemɔi srɔtoi anɔ bii bluublu sheɔ lɛ gbeyei, ni mɛi ahe kpokpoɔ yɛ ehiɛ. Mɔ ni esumɔɔ akɛ egbe lɛ lɛ, egbeɔ lɛ, ni mɔ ni esumɔɔ akɛ ehi wala mli lɛ, ehãa ehiɔ wala mli. Mɔ ni esumɔɔ akɛ ewo enɔ lɛ, ewoɔ enɔ; ni mɔ hu ni esumɔɔ akɛ eba lɛ shi lɛ, ebaa lɛ shi.

Ṅmãle̱ Kroṅkroṅ Le̱

¹⁹ ni hewale̱ ni eke̱-hãle̱ ne̱ hewo̱ le̱ mãdšimãdši ke̱ asafoi ke̱ wiemo̱i fẽ he kpokpoo̱ ni ame̱šeo̱ gbeyei ye̱ ehĩe; moni esumoo̱ ake̱ egbeo le̱, egbeo̱o, ni moni esumoo̱ ake̱ ehere oyiwala le̱, ehereo̱ oyiwala; moni esumoo̱ ako̱ ewó ono̱ le̱, ewóo̱ ono̱, ni moni esumoo̱ ake̱ ebao ši le̱, ebaäo ši.

Daniel 5:19 ပူးပေါင်းရင်းမြစ်များ

2 Maŋtsɛmɛi 25:28

Maŋtsɛ Ewil-merodak kɛ Maŋtsɛ Yehoiakin wieɔ kɛ naajɔlɛ, ni ehã lɛ gbɛhe ni kwɔ fe maŋtsɛmɛi krokomɛi ni kɛ Yehoiakin yɔɔ nomŋɔɔ mli yɛ Babilon lɛ anɔ.

Abe̱i 16:14

Kɛji maŋtsɛ mli fu lɛ, gbele aaanyɛ ajɛ mli aba; shi nilelɔ jɔɔ maŋtsɛ tsui he.

Jajelɔ 8:3

Kɛji sane lɛ eŋɔɔɔ enaa lɛ kaashashao shi; oshi ehiɛ oya, ejaakɛ maŋtsɛ feɔ nɔ ni lɛ esumɔɔ.

Ezekiel 31:11

hewɔ lɛ, mikɛ lɛ ewo jeŋmaji lɛ ateŋ eko ni he wa lɛ dɛŋ; ekɛ lɛ aye waa; bɔ ni sa eyitsoŋwalɛ lɛ. Ejaakɛ mishwie lɛ.

Daniel 11:12

Ijipt maŋtsɛ lɛ nine baatsɔ̃ Siria tabilɔi akpei nyɔŋmai abɔ lɛ anɔ. No baahã maŋtsɛ lɛ awo ehe nɔ akɛ ekpãtã tabilɔi babaoo ahiɛ; shi ekunimyeli nɛɛ sɛɛ etsɛŋ.

Daniel 11:16

Siria maŋtsɛ ni batua shikpɔŋ lɛ baafee Ijipt tabilɔi lɛ bɔ ni lɛ esumɔɔ, ni mɔ ko mɔ ko nyɛŋ shi ate awo lɛ. Ebaaba ebahi shiwoo shikpɔŋ lɛ nɔ, ni shikpɔŋ tso muu lɛ fɛɛ baahi lɛ ehewalɛ shishi.

Daniel 11:3

“Maŋtsɛ kãkãlɔ ko baate shi nɛkɛ be mli, ni emaŋtsɛyelihe lɛ baada kpeteŋkple, ni ebaaye etsuinaa sane.

Daniel 11:36

“Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

Daniel 3:29

“No hewɔ lɛ, miiwo akpɔ akɛ mɔ fɛɛ mɔ ni aaawie Shadrak kɛ Meshak kɛ Abednego Nyɔŋmɔ lɛ he wiemɔ fɔŋ ko lɛ, he fɛɛ he maŋ loo shikpɔŋ nɔ ni mɔ lɛ jɛ, loo wiemɔ fɛɛ wiemɔ ni mɔ lɛ wieɔ lɛ, atserɛ egbɔmɔtso mli mɛnyɛmɛnyɛ, asaŋ afite eshĩa hu koni jɛi atsɔ tumo. AmɛNyɔŋmɔ lɛ sɛɛ lɛ nɔ ko kwraa bɛ dɔŋŋ ni baanyɛ ehere gbɔmɔ yiwala tamɔ nɛkɛ.”

Daniel 3:4

sɔ̃ɔlɔ ko bo waa ni ekɛɛ akɛ, “Shikpɔji kɛ maji srɔtoi anɔ bii kɛ nyɛ mɛi ni nyɛwieɔ wiemɔi srɔtoi fɛɛ,

Daniel 3:6

Mɔ fɛɛ mɔ ni kulaaa shi koni eja amãgã lɛ, nakai ŋmɛlɛtswaa lɛ mli nɔŋŋ lɛ abaashɛ lɛ afɔ̃ flɔnɔɔ kɛ emli la ni miitso grigri mli.”

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 4:19

Daniel ni atsɛɔ lɛ Belteshazar hu lɛ he jɔ̃ ehe be kplaŋŋ, ni ehao. Maŋtsɛ lɛ kɛɛ lɛ akɛ, “Belteshazar, kaahã lamɔ lɛ loo eshishitsɔ̃ɔmɔ lɛ miihao bo.” Belteshazar here nɔ, ni ekɛɛ akɛ, “Minuŋtsɔ, mina ni kulɛ lamɔ nɛɛ kɛ eshishitsɔ̃ɔmɔ lɛ kɔɔ ohenyɛlɔi ahe, shi jeee bo.

Daniel 4:22

“Nii, bo ji nakai tso lɛ. Bo lɛ oda, ni ohe wa. Oda aahu kɛyashɛ ŋwɛi, ni ohewalɛ miiye je lɛ fɛɛ nɔ.

Habakuk 2:5

Naa, wain lakaa mɔ. Gbɔmɔ ni woɔ ehe lɛ, enyɛɛɛ shi ehi. Efeɔ fuu tamɔ gbohiiaje; ni etamɔ gbele, etɔko dã. Ebuaa majimaji fɛɛ anɔ bii anaa kɛbaa, ni etiãa amɛ ehãa ehe.

Yohane 19:11

Yesu here nɔ akɛ, “Kɛjeee ŋwɛi ajɛ akɛhã bo lɛ, kulɛ onaŋ hewalɛ ko yɛ minɔ. No hewɔ lɛ, mɔ ni jie mi wo odɛ̃ŋ lɛ he esha lɛ da fe onɔ lɛ.”

Romabii 13:1

Mɔ fɛɛ mɔ aba ehe shi ahã hegbɛi ni yeɔ nɔ lɛ. Ejaakɛ hegbɛ ko bɛ ni jeee Nyɔŋmɔ ŋɔɔ ejɛ; hegbɛi ni yɔɔ lɛ, Nyɔŋmɔ to.

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.