Daniel 5:13 - ŊMALƐ KRƆŊKRƆŊ LƐ

¹³ Ayaŋɔ Daniel oya abahã maŋtsɛ lɛ, ni maŋtsɛ lɛ kɛɛ lɛ akɛ, “Ani bo ji Daniel lɛ, Yudabii nomii ni mitsɛ yaŋɔ kɛjɛ Yuda shikpɔŋ lɛ nɔ kɛba lɛ ateŋ mɔ kome lɛ?

Ṅmãle̱ Kroṅkroṅ Le̱

¹³ Ke̱ke̱ ni ayaṅõ Daniel ke̱-ba maṅtše̱ le̱ hĩe. Ni maṅtše̱ le̱ wó enā no̱ ni ekē̱ Daniel ake̱: Ani bo dši Daniel le̱ ní dše̱ Iuda nomṅō̃ gbomei ni mitše̱ maṅtše̱ le̱ yaṅō ke̱-dše̱ Iudea ke̱-ba le̱ ateṅ le̱ lo?

Daniel 5:13 ပူးပေါင်းရင်းမြစ်များ

Ezra 10:16

Mɛi ni jɛ nomŋɔɔ mli ba lɛ fee tamɔ bɔ ni ato gbɛjianɔ lɛ. Afãmɔ osɔfo Ezra kɛ tsɛmɛi awei lɛ onukpai lɛ ekomɛi yɛ amɛtsɛmɛi awei lɛ anaa, ni atsi amɛ fɛɛ amɛgbɛii atã. Nyɔŋ ni ji nyɔŋma lɛ nɔ klɛŋklɛŋ gbi lɛ nɔ lɛ, amɛyatara shi koni amɛtao sane lɛ mli.

Ezra 10:7

Agbɛnɛ ashiɛ yɛ Yuda kɛ Yerusalɛm fɛɛ ahã mɛi ni jɛ nomŋɔɔ mli kɛba lɛ akɛ amɛbua amɛhe naa kɛbakpe yɛ Yerusalɛm.

Ezra 4:1

Agbɛnɛ be ni Yuda kɛ Benyamin henyɛlɔi lɛ nu akɛ mɛi ni jɛ nomŋɔɔ mli ba lɛ miima Sɔlemɔtsu amɛha Yehowa, Israel Nyɔŋmɔ lɛ,

Ezra 6:16

Kɛkɛ ni Israelbii lɛ, osɔfoi kɛ Levibii lɛ kɛ mɛi ni eshwɛ ni aŋɔ amɛ nom lɛ ye gbi ni agbeleɔ Nyɔŋmɔ We lɛ naa lɛ akɛ gbijurɔ. Amɛye lɛ kɛ mliflimɔ.

Daniel 1:1

Yuda Maŋtsɛ Yehoiakim maŋtsɛyeli afi ni ji etɛ̃ lɛ nɔ lɛ, Babilon Maŋtsɛ Nebukadnezar fã ta kɛba, ni ebasa Yerusalɛm maŋ lɛ yi.

Daniel 1:2

Nuŋtsɔ lɛ hã eye Maŋtsɛ Yehoiakim nɔ kunim. Kɛkɛ ni emɔ Yehoiakim kɛ nomii komɛi hu, ni eloo Nyɔŋmɔ We lɛ mli nibii lɛ ekomɛi, ni ekɛ nomii lɛ kɛ nibii nɛɛ tee Babilon shikpɔŋ lɛ nɔ, ni ekɛ nibii lɛ yawo enyɔŋmɔ lɛ we lɛ mli nitoohe lɛ.

Daniel 1:21

Daniel sɔ̃mɔ yɛ maŋtsɛwe lɛ mli aahu kɛyashi afi nɔ ni Persia Maŋtsɛ Koresh baye Babilon nɔ kunim lɛ.

Daniel 1:6

Oblahii ni ahala lɛ ateŋ mɛi komɛi ji Daniel kɛ Hanania kɛ Mishael kɛ Azaria. Amɛ fɛɛ amɛjɛ Yuda akutso lɛ mli.

Daniel 2:25

Kɛkɛ ni Ariok nyiɛ Daniel hiɛ kɛtee Maŋtsɛ Nebukadnezar hiɛ oya, ni Ariok kɛɛ lɛ akɛ, “Maŋtsɛ, miyana nuu ko yɛ Yudabii nomii lɛ ateŋ ni ebaanyɛ etsɔ̃ɔ Maŋtsɛ elamɔ lɛ shishi.”

Daniel 2:48

Agbɛnɛ Maŋtsɛ Nebukadnezar wo Daniel nɔ, ni ehã lɛ gbɛnaa grɔŋŋ, ni ekekee lɛ nibii wuji babaoo hu, ni efee lɛ Babilon kpokpai lɛ anɔkwɛlɔ, asaŋ kɛ maŋtsɛ lɛ he ŋaawolɔi lɛ fɛɛ anukpa yɛ maŋtsɛwe lɛ.

Daniel 5:11

Nuu ko yɛ omaŋtsɛyeli nɛɛ mli ni nyɔŋmɔi krɔŋkrɔŋi lɛ amumɔ yɔɔ emli. Otsɛ yinɔ lɛ gbɔmɔ nɛɛ jie hiɛshikãmɔ kɛ nilee kɛ jwɛŋmɔ kpo tamɔ nyɔŋmɔi lɛ anilee yɔɔ lɛ. No hewɔ lɛ, otsɛ, Maŋtsɛ Nebukadnezar, wo lɛ woloŋlelɔi kɛ klamɔfoi kɛ ashwãifeelɔi kɛ ŋulamiiaŋkwɛlɔi fɛɛ anukpa.

Daniel 5:14

Minu ohe akɛ nyɔŋmɔi krɔŋkrɔŋi lɛ amumɔ ni yɔɔ omli lɛ naa wa naakpa; anaa akɛ ohiɛ kã shi, ni ole nii, ni oyɛ jwɛŋmɔ hu pam.

Daniel 5:18

“Maŋtsɛ, Nyɔŋmɔ mɔ ni yɔɔ ŋwɛi shɔŋŋ lɛ hã otsɛ Nebukadnezar tsɔ̃ maŋtsɛ wulu ni yɔɔ hewalɛ kɛ agbojee kɛ anunyam kpeteŋkple;

Daniel 5:2

Be mli ni anuɔ dãa lɛ, Belshazar fã akɛ ayahole shika kɛ jwiɛtɛi kpuji lɛ ni etsɛ Maŋtsɛ Nebukadnezar yaloo yɛ Yerusalɛm Sɔlemɔ we lɛ kɛba, koni lɛ, maŋtsɛ lɛ, kɛ enukpai lɛ kɛ eŋãmɛi lɛ kɛ ehemɛi lɛ kɛnu dãa.

Daniel 6:13

Amɛhere nɔ, ni amɛkɛɛ maŋtsɛ lɛ akɛ, “Naa, Daniel, Yuda nomii lɛ ateŋ mɔ kome lɛ, ebuuu bo, Nii, kɛ akpɔ ni owo lɛ fɛɛ; ni no hewɔ lɛ, esɔleɔ shii etɛ̃ daa gbi.”

Daniel 8:1

Maŋtsɛ Belshazar yinɔ afi ni ji etɛ̃ lɛ nɔ lɛ, ajie ninaa ko ekoŋŋ atsɔ̃ɔ mi, Daniel, yɛ klɛŋklɛŋ ninaa lɛ sɛɛ.

Daniel 8:27

Sane nɛɛ hã, mi Daniel, mifee vii; ni mihe ye be saŋŋ; kɛkɛ ni mite shi, ni mitee miyatsa nitsumɔ ni maŋtsɛ kɛwo midɛŋ lɛ nɔ. Mihe jɔ̃ mihe yɛ ninaa nɛɛ hewɔ; ni minuuu shishi.

Yohane 7:1

Enɛ sɛɛ lɛ, Yesu kpa shi yɛ Galilea. Esumɔɔɔ akɛ eyakpaa shi yɛ Yudea, ejaakɛ Yudafoi lɛ miitao lɛ agbe.

Yohane 7:3

No hewɔ lɛ, enyɛmimɛi lɛ kɛɛ lɛ akɛ, “Jee biɛ ni oya Yudea, koni okaselɔi lɛ hu ana onitsumɔi ni otsuɔ lɛ.