Daniel 4:37 - ŊMALƐ KRƆŊKRƆŊ LƐ

³⁷ “No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Ṅmãle̱ Kroṅkroṅ Le̱

³⁷ Nohewo̱ le̱ agbe̱ne̱ mi, Nebukadnezar, mīdšie ṅwei maṅtše̱ le̱ yi, ni mīwó eno̱, ni mīwo ehĩe nyam; edšake̱ enitšumo̱i fẽ le̱ ano̱kwale ni, ni egbe̱i hũ dša, ni *mei ní yo̱ hewō dšeṅ le̱ enyẽo̱ame̱ ši ebaä. *5,20. Luk. 1,51; 18,14.

Daniel 4:37 ပူးပေါင်းရင်းမြစ်များ

2 Kronika 33:19

Manase faikpamɔ lɛ kɛ bɔ ni Nyɔŋmɔ bo lɛ toi ehã lɛ, kɛ hei grɔŋŋi ni emamɔ jemawɔji ajamɔhei yɛ lɛ, kɛ wɔŋ koi kɛ amãgãi ni efeefee fɛɛ dani eje ehe sɛɛ, ni eba ehe shi ehã Yehowa lɛ, aŋmala yɛ Gbalɔi Ahe Saji Awolo lɛ mli.

Ester 6:10

Kɛkɛ ni maŋtsɛ lɛ kɛɛ Haman akɛ, “Ohe afee oya, koni oŋɔ atade kɛ okpɔŋɔ lɛ, ni oyafee bɔ ni okɛɛ lɛ pɛpɛɛpɛ ohã Mɔdekai, Yudanyo lɛ, ni taa maŋtsɛ koi lɛ shi lɛ. Okashi nɔ ko ni otsɔ̃ɔ akɛ afee lɛ ekoeko.”

Lalai 119:75

Oo Yehowa, mile akɛ okojomɔi lɛ ja, ni anɔkwayeli okɛgbala mitoi!

Lalai 99:4

Maŋtsɛ Ofe ni sumɔɔ jalɛ saneyeli, ohã jalɛ saneyeli ema shi; ni aafee nɔ ni ja yɛ Israel.

2 Mose 18:11

Kpaako mina mile akɛ Yehowa fe nyɔŋmɔi fɛɛ ejaakɛ eto Ijiptbii lɛ kpa, akɛni amɛwo amɛhe amɛhã Israelbii lɛ, ni Yehowa ba amɛ shi.”

2 Mose 8:4

Kɔkɔdenei lɛ aaatumɔ kɛnyiɛ bo diɛŋtsɛ kɛ omaŋbii kɛ otsuji lɛ fɛɛ anɔ tete.’ ”

Yesaia 23:9

Yehowa, Taiatsɛ lɛ, ni to nɛkɛ yiŋ. Eto yiŋ nɛɛ koni ekɛba amɛhe ni amɛwoɔ, yɛ hiɛnyam ni amɛna hewɔ lɛ shi, bɔ ni afee ni shikpɔŋ lɛ nɔ anunyam gbɔmɛi fɛɛ ahiɛ agboi.

Yesaia 5:16

Shi Yehowa, Taiatsɛ lɛ, jieɔ egbojee kpo kɛtsɔ̃ jalɛnii ni efeɔ nɔ, ni Nyɔŋmɔ Krɔŋkrɔŋ lɛ tsɔ̃ɔ akɛ ehe tse krɔŋkrɔŋ lɛɛlɛŋ kɛtsɔ̃ jalɛ sane ni eyeɔ lɛ nɔ.

Yeremia 50:29

“Nyɛtsɛa gãitsɛ̃lɔi lɛ nyɛwoa Babilon he, mɔ fɛɛ mɔ ni le gãitsɛ̃mɔ aya eko. Nyɛsaa maŋ lɛ yi kɛkpea; ni nyɛkahãa mɔ ko naa fɔijee hegbɛ. Bɔ ni Babilon fee mɛi komɛi lɛ nyɛkɛ lɛ ayea nakai nɔŋŋ, ejaakɛ ekɛ Yehowa, Israel Mɔ Krɔŋkrɔŋ lɛ, fũ daa.

Ezekiel 16:56

Te be mli ni okɛ hewoo yeɔ omle lɛ, onyɛmi yoo ni ji Sodom lɛ ji odaaŋ kotsa,

Ezekiel 16:63

Oookai enɛ ni ohiɛ aaagbo, ni okatswa odaaŋ dɔŋŋ yɛ ohiɛgbele lɛ hewɔ, be ni mikɛ nifɔɔjianii ni ofee lɛ fɛɛ efa bo lɛ,” Yehowa kɛɛ.

Daniel 4:26

Akɛ bɔfo saralɔ lɛ fã akɛ ashi tsoku kɛ eshishifã lɛ yɛ su lɛ mli lɛ, no tsɔ̃ɔ akɛ obaaku sɛɛ obaye omaŋtsɛ lɛ ekoŋŋ, kɛji ona oyoo akɛ Nyɔŋmɔ ji mɔ ni yeɔ je lɛ fɛɛ nɔ lɛ.

Daniel 4:3

“Kwɛ bɔ ni okadii ni Nyɔŋmɔ jieɔ etsɔ̃ɔ wɔ lɛ tsiitsii hã. Kwɛ bɔ ni enifeemɔ nii yɔɔ naakpɛɛ naakpa. Emaŋtsɛyeli lɛ, naanɔ maŋtsɛyeli ni, ni ejɛɔ yinɔ kɛyaa yinɔ!

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Daniel 5:4

Be ni amɛnuɔ dãa lɛ, amɛkafo nyɔŋmɔi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ fɛɛ.

Mateo 11:25

Nakai be lɛ mli lɛ Yesu kɛɛ, “Miijie oyi, Ataa; ŋwɛi kɛ shikpɔŋ Nuŋtsɔ, akɛ okɛ nii nɛɛ etee nilelɔi kɛ jwɛŋlɔi, ni ojie otsɔ̃ɔ abifabii.

Bɔfoi 17:24

Nyɔŋmɔ ni bɔ je lɛ kɛ emli nibii fɛɛ lɛ, lɛ ji ŋwɛi kɛ shikpɔŋ nuŋtsɔ lɛ; ehiii Sɔlemɔtsui ni akɛ niji ma amli,

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

Kpojiemɔ 15:3

Ni amɛla Nyɔŋmɔ tsulɔ Mose lala lɛ kɛ Toobi lɛ lala lɛ amɛkɛɛ, “Onitsumɔi lɛ dara ni amɛyɛ naakpɛɛ, Nuŋtsɔ Nyɔŋmɔ Ofe! Ogbɛi lɛ ja ni anɔkwale ni, bo jeŋmaji lɛ aMaŋtsɛ!

Kpojiemɔ 16:7

Ni minu afɔleshãa latɛ lɛ miikɛɛ, “Hɛɛ, Nuŋtsɔ Nyɔŋmɔ Ofe, anɔkwa kɛ jalɛ ji okojomɔi lɛ!”

1 Samuel 2:3

Nyɛkawiea kɛ henɔwomɔ nɛkɛ dɔŋŋ; nyɛkawiea kɛ hetsɔ̃ɔmɔ, ejaakɛ Yehowa lɛ, Nyɔŋmɔ nilelɔ ni, ni lɛ ekojoɔ adesai anifeemɔnii.