Daniel 4:34 - ŊMALƐ KRƆŊKRƆŊ LƐ

³⁴ Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Ṅmãle̱ Kroṅkroṅ Le̱

³⁴ Ni gbĩĩ le̱ ase̱ le̱ mi, Nebukadnezar, mihole mihĩeṅme̱ii ano̱ mikwe̱ ṅwei, ni midſẽṅmo̱ kũ se̱ ba mimli ekoṅ, ni midšie moni yo̱ ṅwei šoṅṅ te yi, ni mikafo ni miwo moni hĩo̱ ši ke̱-yašio̱ nāno̱ le̱ hĩe nyam; edšake̱ *eno̱yeli le̱ nāno̱ no̱yeli ni, ni emaṅtše̱yeli le̱ ye̱ ke̱-dše̱ yino̱ ke̱-yaä yino̱. *K. 5.

Daniel 4:34 ပူးပေါင်းရင်းမြစ်များ

2 Samuel 22:31

Nyɔŋmɔ lɛ, shwamɔ ko bɛ enifeemɔ he; ni ewooo shi ni efee yaka. Etsɔ̃ɔ tamɔ tsɛŋ ehãa mɛi fɛɛ ni baa lɛ abo lɛ.

1 Kronika 29:10

Kɛkɛ ni Maŋtsɛ David jie Yehowa yi yɛ asafo muu lɛ fɛɛ hiɛ ekɛɛ akɛ, “Aaajie oyi, Bo Yehowa, ni ji wɔtsɛ Yakob Nyɔŋmɔ lɛ, kɛjɛ naanɔ kɛyashi naanɔ.

1 Kronika 29:13

No hewɔ lɛ, wɔNyɔŋmɔ, wɔmiida bo shi, ni wɔmiijie ogbɛi ni hiɛ yɔɔ nyam lɛ yi.

Hiob 1:21

Ekɛɛ akɛ, “Yayai mikɛjɛ minyɛ musuŋ miba, ni yayai mikɛaaku misɛɛ kɛaatee. Yehowa ni ŋɔ hã, ni Yehowa ebaŋɔ kɛtee; aaajie Yehowa gbɛi lɛ yi kɛ̃!”

Lalai 10:16

Yehowa ji maŋtsɛ kɛjɛ naanɔ kɛyaashi naanɔ. Jeŋmaji lɛ ahiɛ aaakpãtã kɛaaje eshikpɔŋ lɛ nɔ.

Lalai 102:24

Mikɛɛ akɛ, “Oo miNyɔŋmɔ, Bo mɔ ni oyɔɔ kɛjɛ yinɔ kɛmiiya yinɔi fɛɛ lɛ, kaaŋɔ mi kɛmiiya yɛ miwala be lɛ teŋ tuuŋtu.

Lalai 107:15

Esa akɛ amɛda Yehowa shi yɛ esuɔmɔ ni tsakeee kɛ enaakpɛɛnii ni etsuɔ ehãa gbɔmɛi adesai abii lɛ ahewɔ.

Lalai 107:22

Hã amɛshã shidaa afɔlei, ni amɛkɛ nyamɔ lalai agba enitsumɔi lɛ.

Lalai 107:31

Esa akɛ amɛda Yehowa shi yɛ esuɔmɔ ni tsakeee kɛ enaakpɛɛnii ni etsuɔ ehãa gbɔmɛi adesai abii lɛ hewɔ.

Lalai 107:8

Esa akɛ amɛda Yehowa shi, yɛ esuɔmɔ ni tsakeee lɛ hewɔ, yɛ enaakpɛɛnii ni etsuɔ ehãa gbɔmɛi abii lɛ hewɔ.

Lalai 111:7

Eninenaa nitsumɔi lɛ, anɔkwale kɛ jalɛ saneyeli ni; ni ekpɔi lɛ fɛɛ lɛ anɔkwale ni.

Lalai 121:1

Miiwo mihiɛ nɔ makwɛ gɔji lɛ; nɛgbɛ miyelikɛbuamɔ aaajɛ aba?

Lalai 123:1

Oo, bo miwoɔ mihiɛ nɔ mikwɛɔ, bo mɔ ni ota maŋtsɛ sɛi nɔ yɛ ŋwɛi amli ŋwɛi lɛ.

Lalai 145:13

Omaŋtsɛyeli lɛ, naanɔ maŋtsɛyeli ni; ni olumɔyeli lɛ hiɔ shi kɛyaa yinɔi fɛɛ nɔ.

Lalai 146:10

Yehowa baaye maŋtsɛ kɛaatee naanɔ, Zion, oNyɔŋmɔ lɛ aaaye maŋtsɛ kɛaatee yinɔi fɛɛ nɔ. Nyɛjiea Yehowa yi!

Lalai 50:14

Ŋɔɔ shidaa afɔle ohã Nyɔŋmɔ; koni oye oshi ni owo ŋwɛi flooflonyo lɛ nɔ;

Lalai 66:7

Eeye maŋtsɛ kɛ hewalɛ kɛmiiya naanɔ, ni ehiŋmɛii kã majimaji fɛɛ ahe. Atuatselɔi akawo amɛhe nɔ!

Lalai 7:17

Mada Yehowa shi yɛ ejalɛ naa, ni mala majie Yehowa, Ŋwɛi flooflonyo lɛ gbɛi lɛ yi.

Lalai 9:2

Ohewɔ lɛ manya; ni mimli aaafli mi. Bo Ofe ni oyɔɔ ŋwɛi flooflo, mala, ni majie ogbɛi lɛ yi.

Lalai 92:1

Ehi akɛ ada Yehowa shi, ni ala kɛjie, bo Ŋwɛi flooflonyo lɛ, ogbɛi lɛ yi.

Yesaia 13:11

Mibagbala je lɛ toi yɛ emli nifɔɔjianii hewɔ, ni mibagbala mɛi fɔ̃ji atoi yɛ amɛnɔshai lɛ ahewɔ. Mibaha hewolɔi ahetsɔ̃ɔmɔ lɛ sɛɛ afo, ni mibaba yiwalɔi ahenɔwomɔ lɛ shi.

Yesaia 2:11

Gbi ko miiba, ni nakai gbi lɛ nɔ lɛ, aaaba gbɔmɔ adesa hewoo kɛ henɔwomɔ fɛɛ shi, ni gbi lɛ Yehowa koome pɛ hiɛ baaba nyam, ni aaawo enɔ.

Yesaia 24:15

No hewɔ lɛ, nyɛwoa Yehowa hiɛ nyam yɛ bokãgbɛ. Ŋshɔnaa maji, nyɛwoa Yehowa, Israel Nyɔŋmɔ lɛ, gbɛi lɛ hiɛ nyam.

Yeremia 10:10

Shi Yehowa ji anɔkwa Nyɔŋmɔ. Lɛ ji Nyɔŋmɔ hiɛkãalɔ kɛ Naanɔ Maŋtsɛ lɛ. Emlifu hãa shikpɔŋ hosoɔ, ni maji nyɛɛɛ emlila lɛ naa adamɔ.

Yāfó 3:38

Ekpakpa kɛ efɔŋ fɛɛ lɛ, jeee Ŋwɛi Flooflonyo lɛ daaŋ ejeɔ?

Daniel 12:7

Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 4:2

Esa mihiɛ akɛ okadii kɛ naakpɛɛ nibii ni Nyɔŋmɔ, ŋwɛi flooflonyo lɛ, efee yɛ mihe lɛ magba nyɛ.

Daniel 4:26

Akɛ bɔfo saralɔ lɛ fã akɛ ashi tsoku kɛ eshishifã lɛ yɛ su lɛ mli lɛ, no tsɔ̃ɔ akɛ obaaku sɛɛ obaye omaŋtsɛ lɛ ekoŋŋ, kɛji ona oyoo akɛ Nyɔŋmɔ ji mɔ ni yeɔ je lɛ fɛɛ nɔ lɛ.

Daniel 4:3

“Kwɛ bɔ ni okadii ni Nyɔŋmɔ jieɔ etsɔ̃ɔ wɔ lɛ tsiitsii hã. Kwɛ bɔ ni enifeemɔ nii yɔɔ naakpɛɛ naakpa. Emaŋtsɛyeli lɛ, naanɔ maŋtsɛyeli ni, ni ejɛɔ yinɔ kɛyaa yinɔ!

Daniel 4:32

asaŋ aaashwie bo kɛje gbɔmɛi ateŋ kɛya ŋaŋ kooloi ateŋ koni okɛ amɛ ayahi shi. Obaakpe jwɛi tamɔ tsina afii kpaw, ni ooona oyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ gbɔmɛi amaŋtsɛyeli fɛɛ maŋtsɛyeli nɔ, asaŋ akɛ mɔ fɛɛ mɔ ni lɛ esumɔɔ lɛ lɛ ekɛ maŋtsɛyeli hãa.”

Daniel 4:36

“Be ni mihiɛ etserɛ mi sɛɛ lɛ, woo ni awoɔ mi kɛ migbojee kɛ mimaŋtsɛyeli lɛ he anunyam te shi ekoŋŋ. Misɔ̃ɔlɔi kɛ maŋ onukpai lɛ tao misɛɛgbɛ, ni amɛhere mi atuu akɛ maŋtsɛ ekoŋŋ. Amɛkɛ maŋtsɛ hewalɛ lɛ wo midɛŋ ekoŋŋ, ni amɛbu mi akɛ lumɔ fe tsutsu lɛ po.

Daniel 5:18

“Maŋtsɛ, Nyɔŋmɔ mɔ ni yɔɔ ŋwɛi shɔŋŋ lɛ hã otsɛ Nebukadnezar tsɔ̃ maŋtsɛ wulu ni yɔɔ hewalɛ kɛ agbojee kɛ anunyam kpeteŋkple;

Daniel 5:21

Ashwie lɛ kɛje adesai ateŋ; ejwɛŋmɔ tsɔ̃ tamɔ kooloo jwɛŋmɔ, ni eyahi ŋaŋ tejii ateŋ, ni ekpe jwɛi tamɔ tsina. Ŋwɛi bɔ nyɔ egbɔmɔtso nɔ aahu kɛyashi beyinɔ ni eyoo akɛ Nyɔŋmɔ ni yɔɔ ŋwɛi shɔŋŋ lɛ, eyɛ hewalɛ yɛ maŋtsɛyeli nɔ, ni mɔ ni esumɔɔ lɛ, lɛ maŋtsɛ ewoɔ.

Daniel 6:26

Miiwo kitã akɛ mɔ fɛɛ mɔ ni yɔɔ minɔyeli nɛɛ he fɛɛ he lɛ, ehe akpokpo, ni eshe Daniel Nyɔŋmɔ lɛ gbeyei.” “Lɛ ji Nyɔŋmɔ hiɛkãalɔ lɛ, mɔ ni yɛ kɛmiiya naanɔ lɛ; anyɛŋ emaŋtsɛyeli hiɛ akpãtã, ni ehewalɛ lɛ sɛɛ efoŋ.

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Daniel 9:14

No hewɔ lɛ, Yehowa, wɔNyɔŋmɔ, enɛ hewɔ ni ohã efɔŋ nɛɛ eba wɔnɔ nɛɛ, ejaakɛ bo lɛ jalɔ ji bo yɛ nii fɛɛ ni ofeɔ gbɛfaŋ; shi wɔ lɛ wɔbooo bo toi.

Yona 1:14

Enɛ hã amlakui lɛ sɔle amɛtsɛ Yehowa, ni amɛkɛɛ akɛ, “Ao, Yehowa, wɔmiikpa bo fai, kaahã wɔhiɛ miikpãtã yɛ nuu nɛɛ wala hewɔ. Ela yi sɔ̃ akatere wɔ, ejaakɛ Yehowa, wɔle akɛ bo lɛ, ofeɔ nɔ ni osumɔɔ.”

Mika 4:7

Ni mikɛ akpaketsɛmɛi ni yɔɔ maŋsɛɛ shɔŋŋ, kɛ maŋ, mɛi ni eshwɛ lɛ baaje shishi, ni mafee amɛ maŋ ni da agbo. Ni Yehowa aaaye amɛnɔ maŋtsɛ yɛ Zion Gɔŋ lɛ nɔ kɛaajɛ nakai be lɛ kɛaatee naanɔ fɛɛ.”

Luka 1:33

Ni eeeye Yakob we lɛ nɔ maŋtsɛ kɛaatee naanɔ. Ni emaŋtsɛyeli lɛ sɛɛ efoŋ.”

Luka 18:13

Shi toohelɔ lɛ damɔ sɛɛ shɔŋŋ, ni emiii ni ewoɔ ehiɛ nɔ kɛya ŋwɛi tete; shi moŋ eshimɔ etsitsi ni ekɛɛ, ‘Nyɔŋmɔ, okɛ mi ni ji eshafeelɔ lɛ akpãtã!’

Yohane 5:26

Ejaakɛ bɔ ni Tsɛ lɛ yɔɔ wala yɛ lɛ diɛŋtsɛ emli lɛ, nakai nɔŋŋ ehã Bi lɛ wala yɛ lɛ diɛŋtsɛ emli.

5 Mose 32:4

“Tɛsaa ji lɛ, enitsumɔ hi pɛpɛɛpɛ, ejaakɛ nibii fɛɛ ni efeɔ lɛ ja. Nyɔŋmɔ anɔkwafo ji lɛ; nɔ sha ko bɛ ehe; jalɔ kɛ anɔkwafo ji lɛ.

1 Timoteo 1:17

Shi naanɔi aMaŋtsɛ lɛ, mɔ ni gbooo, mɔ ni anaaa, mɔ ni ji Nyɔŋmɔ kome lɛ, aŋɔ woo kɛ anunyam ahã kɛyashi naanɔi anaanɔ. Amen!

1 Timoteo 6:16

Lɛ ekome eyɔɔ naanɔ shihilɛ ni gbele bɛ mli, ni ehiɔ la ni anyɛŋ abɛŋkɛ mli; gbɔmɔ ko gbɔmɔ ko enako lɛ dã, ni enyɛŋ lɛ ena hu lɛ. Enɔ ji woo kɛ naanɔ hewalɛ lɛ. Amen!

Kpojiemɔ 10:6

ni etsɛ mɔ ni hiɛ kã kɛyaa naanɔi anaanɔ ni bɔ ŋwɛi kɛ nii ni yɔɔ mli lɛ kɛ shikpɔŋ kɛ nii ni yɔɔ mli lɛ kɛ ŋshɔ kɛ nii ni yɔɔ mli lɛ gbɛi ekɛkã kitã akɛ, “Be ko be ko bɛ dɔŋŋ,

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 4:10

onukpai nyɔŋmai enyɔ kɛ ejwɛ lɛ hoɔ gbeɔ shi yɛ mɔ ni ta maŋtsɛ sɛ̃i lɛ nɔ lɛ hiɛ, ni amɛjaa mɔ ni hiɛ kã kɛyaa naanɔi anaanɔ lɛ, ni amɛshɛrɛɔ amɛkekrei lɛ amɛshwieɔ maŋtsɛ sɛ̃i lɛ hiɛ amɛkɛɔ akɛ,

Kpojiemɔ 4:9

Ni be ni hiɛkãalɔi lɛ ŋɔɔ anunyam kɛ agbojee kɛ shidaa amɛhãa mɔ ni ta maŋtsɛ sɛ̃i lɛ nɔ ni ehiɛ kã kɛyaa naanɔi anaanɔ lɛ,