Daniel 4:33 - ŊMALƐ KRƆŊKRƆŊ LƐ

³³ Nɔ ni gbee lɛ wie lɛ ba mli yɛ Maŋtsɛ Nebukadnezar nɔ amrɔ lɛ nɔŋŋ. Ashwie lɛ kɛje gbɔmɛi ateŋ, ni ekpe jwɛi tamɔ tsina. Ŋwɛi bɔ nyɔ egbɔmɔtso nɔ kɛyashi beyinɔ ni eyi tsɔi tsa kusuu tamɔ okropɔŋ tsɛji, ni ewaobii anaa tsa oookɛɛ loofɔlɔ waobii anaa.

Ṅmãle̱ Kroṅkroṅ Le̱

³³ Nakai ṅmle̱tſā le̱ no̱ noṅṅ wiemo̱ le̱ ba mli ye̱ Nebukadnezar no̱; ni aſiele̱ yo̱ gbomei ateṅ, ni eye dſe̱i tamo̱ tšinai, ni ṅwei bó̱ fo̱ egbomotšo le̱, ke̱-yaši beyino̱ ní eyitšo̱i tša tamo̱ okropoṅ tše̱dši, ni elamii kũ tamo̱ lofõdši awābii ana.

Daniel 4:33 ပူးပေါင်းရင်းမြစ်များ

Hiob 20:5

akɛ efɔŋfeelɔi anyamɔ sɛɛ etsɛɛɛ, ni mɛi ni sheee Nyɔŋmɔ gbeyei amiishɛɛ yeɔ hiŋmɛitswaa kɛkɛ!

Yesaia 30:14

Ekuumɔ lɛ aaafee tamɔ gbɛshɔ̃lɔ gbɛ ni ajwara lɛ wɔtsɔwɔtsɔ bɔ ni anaaa eŋɛsuko kome po nɛkɛ kɛkɛ yɛ ekoi lɛ amli ni aaanyɛ akɛje la yɛ latɛ mli, aloo akɛyɛ nu yɛ dudɔ mli tete.”

Daniel 4:25

Abaashwie bo kɛjɛ gbɔmɛi ateŋ, ni obaaya oyahi ŋaŋ kooloi ateŋ, ni obaakpe jwɛi tamɔ tsina. Ŋwɛi bɔ baanyɔ onɔ yɛ jwɛiaŋ, afii kpawo, kɛyaashi beyinɔ ni oooyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ adesa maŋtsɛyeli fɛɛ maŋtsɛyeli nɔ; asaŋ mɔ fɛɛ mɔ ni lɛ esumɔɔ lɛ, lɛ ekɛ maŋtsɛyeli hãa.

Daniel 4:32

asaŋ aaashwie bo kɛje gbɔmɛi ateŋ kɛya ŋaŋ kooloi ateŋ koni okɛ amɛ ayahi shi. Obaakpe jwɛi tamɔ tsina afii kpaw, ni ooona oyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ gbɔmɛi amaŋtsɛyeli fɛɛ maŋtsɛyeli nɔ, asaŋ akɛ mɔ fɛɛ mɔ ni lɛ esumɔɔ lɛ lɛ ekɛ maŋtsɛyeli hãa.”

Daniel 5:21

Ashwie lɛ kɛje adesai ateŋ; ejwɛŋmɔ tsɔ̃ tamɔ kooloo jwɛŋmɔ, ni eyahi ŋaŋ tejii ateŋ, ni ekpe jwɛi tamɔ tsina. Ŋwɛi bɔ nyɔ egbɔmɔtso nɔ aahu kɛyashi beyinɔ ni eyoo akɛ Nyɔŋmɔ ni yɔɔ ŋwɛi shɔŋŋ lɛ, eyɛ hewalɛ yɛ maŋtsɛyeli nɔ, ni mɔ ni esumɔɔ lɛ, lɛ maŋtsɛ ewoɔ.

Daniel 5:5

Be ni amɛta niyeniiashi lɛ, trukaa lɛ gbɔmɔ nine je kpo, ni ebaŋma nii yɛ asa lɛ gbogbo lɛ he, he ni akɛ kaaloo esha lɛ, yɛ kanetso ni ma shi lɛ ŋlɛnɔ. Maŋtsɛ Belshazar miikwɛ nine lɛ be ni eŋmãa nii lɛ.

1 Tesalonikabii 5:2

Ejaakɛ nyɛ diɛŋtsɛ nyɛle krɛdɛɛ akɛ Nuŋtsɔ lɛ Gbi lɛ baaba tamɔ julɔ baa nyɔɔŋ lɛ.