Daniel 4:32 - ŊMALƐ KRƆŊKRƆŊ LƐ

³² asaŋ aaashwie bo kɛje gbɔmɛi ateŋ kɛya ŋaŋ kooloi ateŋ koni okɛ amɛ ayahi shi. Obaakpe jwɛi tamɔ tsina afii kpaw, ni ooona oyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ gbɔmɛi amaŋtsɛyeli fɛɛ maŋtsɛyeli nɔ, asaŋ akɛ mɔ fɛɛ mɔ ni lɛ esumɔɔ lɛ lɛ ekɛ maŋtsɛyeli hãa.”

Ṅmãle̱ Kroṅkroṅ Le̱

³² ni aaſieo ye̱ gbomei ateṅ, ni ooyahĩ ṅãṅ koloi ateṅ, ni aaha oye dſe̱i tamo̱ tšinai, ní bei kpawo aaho oyi, ke̱-yaši beyino̱ ni *ooná ole ake̱ moni yo̱ ṅwei šoṅṅ le̱ ye̱ hewale̱ ye̱ gbomei amaṅtše̱yeli no̱, ni eṅõ-hãa mofẽmo ní esumoo̱! *5,21.

Daniel 4:32 ပူးပေါင်းရင်းမြစ်များ

2 Kronika 33:13

Nyɔŋmɔ bo Manase faikpamɔ lɛ toi, ni etsu he nii ehã lɛ. Ehã Manase ku esɛɛ kɛba Yerusalɛm ni ebatsa emaŋtsɛyeli lɛ nɔ. Enɛ hã Manase na nɔmimaa akɛ Yehowa lɛ ji Nyɔŋmɔ lɛɛlɛŋ.

Hiob 42:2

“Yehowa, mile akɛ onyɛɔ nɔ fɛɛ nɔ ofeɔ, ni oyiŋtoo ko bɛ ni aaanyɛ naa aku.

Hiob 9:12

Naa, nɔ ni etaoɔ lɛ ekɔɔ; namɔ aaanyɛ enaa atsi? Namɔ aaanyɛ akɛɛ lɛ akɛ, “Mɛni ofeɔ nɛɛ?

Lalai 115:3

WɔNyɔŋmɔ lɛ, Ŋwɛii amli ŋwɛi lɛ eyɔɔ; ni nɔ fɛɛ nɔ ni esumɔɔ lɛ, no efeɔ.

Lalai 135:6

Nɔ fɛɛ nɔ ni sa Yehowa hiɛ, yɛ ŋwɛi kɛ shikpɔŋ lɛ nɔ, yɛ ŋshɔ kɛ bui voovoi lɛ amli lɛ, no efeɔ.

2 Mose 8:10

Farao jie naa akɛ, “Wɔ”. Mose kɛɛ lɛ akɛ, “Aaafee bɔ ni obi lɛ koni okɛna ole akɛ mɔ ko mɔ ko bɛ ni tamɔ Yehowa wɔNyɔŋmɔ lɛ.

2 Mose 9:14

ejaakɛ agbɛnɛ lɛ mahã haomɔi srɔtoi fɛɛ aba bo diɛŋtsɛ kɛ otsuji lɛ kɛ omaŋbii lɛ anɔ koni okɛna ole akɛ mɔ ko mɔ ko bɛ ni tamɔ mi yɛ je lɛ mli fɛɛ.

2 Mose 9:29

Mose kɛɛ Farao akɛ, “Amrɔ pɛ ni maje kpo yɛ maŋ lɛ mli lɛ, mahole miniji anɔ matsɛ Yehowa, ni ŋwɛi shiimɔ lɛ kɛ nyɔŋmɔŋtɛi lɛ asɛɛ aaafo, ni eko eko baŋ dɔŋŋ, koni ona ole akɛ je lɛ Yehowa nɔ ni.

Yesaia 37:20

No hewɔ lɛ, agbɛnɛ, Ao wɔNyɔŋmɔ, heremɔ wɔ yɛ Asiria maŋtsɛ lɛ dɛŋ koni shikpɔŋ lɛ nɔ maŋtsɛyelii fɛɛ kɛna ale akɛ bo okoome ji Yehowa.”

Yesaia 40:15

Naa, majimaji lɛ tete tamɔ nu kɔi kome yɛ goga mli ha Yehowa, ebuɔ amɛ tamɔ nsɛni he mlu. Ŋshɔkpɔi lɛ tamɔ mlu kulibii yɛ ehiɛ.

Yesaia 40:17

Majimaji lɛ fɛɛ jeee nɔ ko nɔ ko, yɛ ehiɛ, ni ebuɔ amɛ akɛ yakanii, ni amɛjeee fɛifɛi hu yɛ ehiɛ.

Yesaia 45:3

Maŋɔ jwetrii ni aŋɔ tee duŋ mli kɛ ojarawa nibii ni akɛtee yɛ teemɔhei lɛ mahã bo, koni ona ole akɛ mi ji Yehowa, Israel Nyɔŋmɔ lɛ, mɔ ni kɛ ogbɛi tsɛ bo lɛ.

Yeremia 27:5

“Mi, Yehowa, mi mibɔ je lɛ kɛ gbɔmɛi kɛ kooloi bluublu ni yɔɔ shikpɔŋ lɛ nɔ yɛ mihewalɛ kpeteŋkple kɛ minineshiwalɛ naa; ni mikɛhãa mɔ ni misumɔɔ.

Daniel 2:21

Lɛ etsakeɔ bei kɛ yinɔi lɛ; ekpaa maŋtsɛmɛi, ni etoɔ maŋtsɛmɛi. Lɛ eduroɔ jwɛŋmɔ, ni eduroɔ nilelɔi niiashishinumɔ;

Daniel 4:31

Maŋtsɛ lɛ naa enyɔ̃ɔɔ shi, ni gbee ko gbɛɛ kɛjɛ ŋwɛi, ni ekɛɛ akɛ, “Maŋtsɛ Nebukadnezar, bo nɔ ni mikɛɔ bo nɛɛ toi! Ashɔ̃ maŋtsɛyeli lɛ yɛ odɛ̃ŋ;

Daniel 5:21

Ashwie lɛ kɛje adesai ateŋ; ejwɛŋmɔ tsɔ̃ tamɔ kooloo jwɛŋmɔ, ni eyahi ŋaŋ tejii ateŋ, ni ekpe jwɛi tamɔ tsina. Ŋwɛi bɔ nyɔ egbɔmɔtso nɔ aahu kɛyashi beyinɔ ni eyoo akɛ Nyɔŋmɔ ni yɔɔ ŋwɛi shɔŋŋ lɛ, eyɛ hewalɛ yɛ maŋtsɛyeli nɔ, ni mɔ ni esumɔɔ lɛ, lɛ maŋtsɛ ewoɔ.

Yoshua 4:24

koni je lɛŋ gbɔmɛi fɛɛ ana ale akɛ Yehowa yɛ hewalɛ, koni nyɛshe Yehowa, nyɛNyɔŋmɔ lɛ, gbeyei kɛya naanɔ.”