Daniel 4:30 - ŊMALƐ KRƆŊKRƆŊ LƐ

³⁰ ekɛɛ akɛ, “Kwɛ Babilon maŋ nɛɛ dalɛ. Mikɛ mihewalɛ tswa lɛ ma shi akɛ maŋtsɛmaŋ; ni eeye mihewalɛ lɛ kɛ agbojee he odase.”

Ṅmãle̱ Kroṅkroṅ Le̱

³⁰ ni maṅtše̱ le̱ wó enā no̱ ni ekē̱: Ani dšee Babel kpeteṅkple le̱ ní mimã ní etšṍ maṅtše̱we ye̱ mihewale̱ kpeteṅkple le̱ nā hã minumnyam le̱ yidšiemo̱ le̱ ne̱! Abe̱i 16,13. Bo̱f. 12,23.

Daniel 4:30 ပူးပေါင်းရင်းမြစ်များ

1 Mose 10:10

Eje emaŋtsɛyeli shishi yɛ Babilon kɛ Erek kɛ Akad. Maji nɛɛ fɛɛ lɛ Babilon shikpɔŋ lɛ nɔ amɛyɔɔ.

Ester 1:4

Maŋtsɛ Ahashwerosh kɔ nyɔji ekpaa, ni ekɛjie emaŋtsɛyeli lɛ he nibii ni woɔ ehiɛ nyam, asaŋ ni tsɔ̃ɔ egbojee lɛ kpo etsɔ̃ɔ maŋ.

Lalai 104:1

Oo, misusuma, jiemɔ Yehowa yi! Oo Yehowa, miNyɔŋmɔ, oda naakpa! Owula naakpa kɛ woo kɛ agbojee.

Lalai 49:20

Gbɔmɔ adesa nyɛŋ ehi enunyam shihilɛ mli sɔŋŋ; etamɔ kooloo ni hiɛ kpãtãa pɛpɛɛpɛ.

Lalai 73:8

Amɛyeɔ mɛi ahe fɛo, ni nishaianii he amɛwieɔ; amɛfaa amɛhe amɛwieɔ, ni mɛi apiŋmɔ pɛ he amɛjwɛŋɔ.

Abe̱i 11:2

Kɛ hewoo ba pɛ, hiɛgbele nyiɛɔ esɛɛ, shi heshibalɔ lɛ nilelɔ ni.

Abe̱i 16:18

Hewoo tsɔ̃ɔ hiɛkpãtãmɔ hiɛ; ni hetsɔ̃ɔmɔ mumɔ tsɔ̃ɔ shigbeemɔ hiɛ.

Abe̱i 29:23

Gbɔmɔ hewoo nɔŋŋ aaaba lɛ shi; shi mɔ ni baa ehe shi yɛ mumɔ mli lɛ, aaawo ehiɛ nyam.

Yesaia 13:19

Babilon, maŋtsɛyelii amli oje lɛ ni ji Babilonbii anunyam kɛ shwãanii lɛ, baatsɔ tamɔ Sodom kɛ Gomora be ni Nyɔŋmɔ butu amɛ lɛ.

Ezekiel 29:3

bɔ ni Nuŋtsɔ Nyɔŋmɔ kɛɔ nɛ, naa, mi kɛ bo ena, bo Farao ni ji, Ijipt Maŋtsɛ, bo baa wulu kpele ni yɔɔ efai lɛ amli ni oshwãa okɛɔ akɛ, ‘Nilo Faa lɛ, minɔ ni, ni mi mibɔ mihã mihe.’

Daniel 4:31

Maŋtsɛ lɛ naa enyɔ̃ɔɔ shi, ni gbee ko gbɛɛ kɛjɛ ŋwɛi, ni ekɛɛ akɛ, “Maŋtsɛ Nebukadnezar, bo nɔ ni mikɛɔ bo nɛɛ toi! Ashɔ̃ maŋtsɛyeli lɛ yɛ odɛ̃ŋ;

Habakuk 1:11

Ni amɛfoɔ mli kɛhoɔ shwiaa kɛyaa tamɔ kɔɔyɔɔ, amɛ ji amɛhe efɔŋfeelɔi, ni hewalɛ ni amɛyɔɔ lɛ no ji nɔ ni amɛjaa.”

Luka 14:11

Ejaakɛ mɔ fɛɛ mɔ ni woɔ ehe nɔ lɛ, aaaba lɛ shi, ni mɔ ni baa ehe shi lɛ, aaawo enɔ.”

Luka 14:9

ni mɔ ni bakpee bo kɛ lɛ fɛɛ lɛ akaba ni ebakɛɛ bo akɛ, ‘Hã mɔ nɛ gbɛ!’ No lɛ okɛ hiɛgbele aaayata shishi gbɛ.

1 Korintobii 10:31

No hewɔ lɛ, nii nyɛyeɔ jio, nii nyɛnuɔ jio, aloo nɔ kroko nyɛfeɔ jio, nyɛfea fɛɛ nyɛkɛwoa Nyɔŋmɔ hiɛ nyam.

1 Petro 5:5

Nakai nɔŋŋ nyɛ oblahii kɛ oblayei, nyɛbaa nyɛhe shi nyɛhãa onukpai lɛ. Ni nyɛ fɛɛ nyɛbabaa nyɛhe shi nyɛhãa nyɛhe ni nyɛkɛ heshibaa afee mama nyɛŋmɔa nyɛhɛ, ejaakɛ ŋmalɛ lɛ kɛɛ, “Nyɔŋmɔ kuɔ hewolɔi anaa, shi eduroɔ heshibalɔi.”

Kpojiemɔ 14:8

Ni bɔfo kroko ni ji enyɔ nyiɛ klɛŋklɛŋ bɔfo lɛ sɛɛ ni ekɛɛ, “Egbee shi, Babilon maŋ kpeteŋkple lɛ egbee shi, ejaakɛ ehã jeŋmaji fɛɛ enu ejwamaŋbɔɔ ni naa wa lɛ dãa lɛ eko.”

Kpojiemɔ 16:19

Ni maŋ kpeteŋkple lɛ mli gbala etɛ̃, ni jeŋmaji lɛ amaji lɛ fɛɛ wule, ni akai Babilon kpeteŋkple lɛ yɛ Nyɔŋmɔ hiɛ, koni akɛ emlifu ni naa wa lɛ dãa kpulu lɛ ahã lɛ.

Kpojiemɔ 17:5

Ni aŋma gbɛi ko ni ji teemɔ sane yɛ ehiɛŋtso nɔ, “Babilon kpeteŋkple lɛ, shikpɔŋ lɛ nɔ ajwamãŋi lɛ kɛ nihiinii lɛ anyɛ lɛ.”

Kpojiemɔ 18:10

Ni amɛaakɛɛ, “Ao! Ao! Maŋ kpeteŋkple lɛ, Babilon, maŋ ni he wa lɛ! Ejaakɛ ŋmɛlɛtswaa kome mli ni okojomɔ eba nɛɛ!”

Kpojiemɔ 18:21

Ni bɔfo ko ni he wa wo tɛ ko ni tamɔ wiɛ wulu, ni eshɛ efɔ̃ ŋshɔŋ ni ekɛɛ, “Nɛkɛ aaatsi Babilon maŋ kpeteŋkple lɛ atswa shi waa, ni anaŋ lɛ kwraa dɔŋŋ.