Daniel 4:27 - ŊMALƐ KRƆŊKRƆŊ LƐ

²⁷ No hewɔ lɛ, Maŋtsɛ, mɔ ŋaa ni mawo bo nɛɛ mli. Kpa eshafeemɔ koni ofee nɔ ni ja. Naa ohiafoi amɔbɔ akɛ aleenɔ no aaahã ohe ajɔ bo lo.”

Ṅmãle̱ Kroṅkroṅ Le̱

²⁷ Nohewo̱ te, maṅtše̱, hã miṅāwō le̱ asa ohĩe, ni oke̱ dšale̱ akũmo̱ ohe ešai le̱ aſie, ni oke̱ *ohĩafoi amo̱bo̱nale̱ akũmo̱ onišaianii le̱, ake̱ aleenõ no aahã ohedšole̱ le̱ se̱ atše̱ ahão lo. Abe̱i 19,17. Mat. 5,7; 19,21.

Daniel 4:27 ပူးပေါင်းရင်းမြစ်များ

1 Mose 11:4

Amɛkɛɛ akɛ, “Agbɛnɛ nyɛhãa wɔtoa maŋ wɔhãa wɔhe, ni emli mɔɔ yiteŋ ayashi ŋwɛi, ni wɔkɛhe gbɛi koni wɔkagbɛ wɔshwã shikpɔŋ muu lɛ fɛɛ nɔ.”

1 Maŋtsɛmɛi 21:29

“Ona bɔ ni Ahab humiɔ shi yɛ mihiɛ agbɛnɛ? Akɛni eba ehe shi yɛ mihiɛ hewɔ lɛ, mihaŋ efɔŋ lɛ aba yɛ eyinɔ nɛɛ; ebi yinɔ moŋ ni mahã efɔŋ lɛ aba ewe lɛ nɔ yɛ.”

Lalai 119:46

Majaje okpɔi lɛ yɛ maŋtsɛmɛi ahiɛ, ni mihiɛ gboŋ he;

Abe̱i 11:2

Kɛ hewoo ba pɛ, hiɛgbele nyiɛɔ esɛɛ, shi heshibalɔ lɛ nilelɔ ni.

Abe̱i 16:6

Anɔkwayeli nɔ Yehowa damɔɔ ni ekɛ eshai faa; ni mɔ ni sheɔ Yehowa gbeyei lɛ, ewiɔ ehe kɛjeɔ efɔŋ he.

Abe̱i 28:13

Mɔ ni tsimɔɔ etɔ̃mɔi anɔ lɛ, eshwereŋ; shi mɔ ni jajeɔ, ni efɔ̃ɔ efɔŋfeemɔ lɛ, anaa lɛ mɔbɔ.

Yesaia 10:13

Ejaakɛ ekɛɛ akɛ, “Mi diɛŋtsɛ mihewalɛ kɛ minilee naa mitsu enɛ yɛ, ejaakɛ mihiɛ kã shi, Mitsirɛ majimaji ahusui kɛtee sɛɛ, ni mishɔ̃shɔ̃ɔ amɛmli jwetri; mitsirɛ mɛi ni tara maŋtsɛ sɛii anɔ mitswia shi tamɔ tsina feɔ.

Yesaia 47:10

Onifɔɔjianii lɛ mli lɛ, efee bo akɛ oyɛ shweshweeshwe; ni okɛɛ ohe akɛ, “Mɔ ko enaaa mi.” Oŋaa kɛ onilee lɛ ha odu gbɛ, ni okɛɛ ohe akɛ, “Mi ji mi, ni mi, misɛɛ lɛ mɔ ko mɔ ko bɛ dɔŋŋ.”

Yesaia 47:8

No hewɔ lɛ, bo enɛ toi, bo ni onyaa jeŋ ŋɔɔmɔyeli he, ni ota shi ni ohe ejɔ bo, ni okɛɔ ohe akɛ, “Mi ji mi, ni mi, misɛɛ lɛ mɔ ko mɔ ko bɛ dɔŋŋ, mitsɔŋ okulafo, ni migboŋ bi hu.”

Yeremia 29:7

Shi nyɛtaoa maŋ nɔ ni mihã aŋɔ nyɛ nom kɛtee lɛ nɔyaa kɛ eshweremɔ; ni nyɛsɔlea nyɛkpaa Yehowa fai nyɛhãa maŋ lɛ, ejaakɛ kɛji maŋ lɛ he jɔ lɛ lɛ, no dani nyɛ hu nyɛhe baajɔ nyɛ.

Yeremia 38:20

Yeremia to he akɛ, “Akɛ bo haŋ amɛ. Bo lɛ, ye wiemɔi ni Yehowa kɛtsɔ̃ minɔ ni mikɛ bo ewie lɛ anɔ kɛkɛ, ni ebaahi ehã bo, ni oyi aaana wala.

Ezekiel 18:7

Ewaaa mɔ yi; shi ekpaleɔ nyɔmɔtsɛ awabatoonii ehãa lɛ; ni etswaaa ojo; ehaaa mɔ ko nɔ ko, shi moŋ ehãa mɔ ni hɔmɔ miiye lɛ nii eyeɔ; asaŋ mɔ ni nyiɛ yayai lɛ ebuɔ lɛ mama.

Ezekiel 29:3

bɔ ni Nuŋtsɔ Nyɔŋmɔ kɛɔ nɛ, naa, mi kɛ bo ena, bo Farao ni ji, Ijipt Maŋtsɛ, bo baa wulu kpele ni yɔɔ efai lɛ amli ni oshwãa okɛɔ akɛ, ‘Nilo Faa lɛ, minɔ ni, ni mi mibɔ mihã mihe.’

Ezekiel 29:9

Ni maha Ijipt shikpɔŋ lɛ atsɔ̃ amaŋfɔ̃ kɛ olɛŋlɛ. No Ijiptbii kɛaale akɛ, mi, mi ji Yehowa. Akɛni okɛɛ akɛ, ‘Nilo Faa lɛ minɔ ni, ni mi mibɔ lɛ,’

Yoel 2:14

Ekolɛ Yehowa, nyɛNyɔŋmɔ lɛ, aaatsake ejwɛŋmɔ, ni eeejɔɔ nyɛŋmɔshinii, ni nyɛkɛ niyenii afɔle kɛ dãa afɔle aaabahã Yehowa, nyɛNyɔŋmɔ lɛ.

Amos 6:13

Nyɛnyaa yɛ Lo-Debar maŋ lɛ mli akɛ, “Ani jeee wɔ diɛŋtsɛ wɔhewalɛ mli wɔjɛ ni wɔshɔ̃ Karnaim maŋ lɛ?”

Yona 3:9

akɛ aleenɔ Yehowa hu aaatsake eyiŋ ni eto lɛ, ni eeeŋmɛɛ emli ni efu waa lɛ he, ni no aaahã wɔhiɛ akakpãtã lo!’ ”

Habakuk 1:11

Ni amɛfoɔ mli kɛhoɔ shwiaa kɛyaa tamɔ kɔɔyɔɔ, amɛ ji amɛhe efɔŋfeelɔi, ni hewalɛ ni amɛyɔɔ lɛ no ji nɔ ni amɛjaa.”

Zefania 2:15

Naa, maŋ lɛ ni emli fili lɛ, ni esusu akɛ eyɛ shweshweeshwe, ni no hewɔ lɛ, ekɛɛ ehe akɛ, “Mi ji mi, ni mi misɛɛ lɛ mɔ ko mɔ ko bɛ lɛ, te tɛŋŋ ni etsɔ̃ amaŋfɔ̃ kɛ kooloi kakawuai ashihilɛhe nɛɛ? Mɔ fɛɛ mɔ ni aaatsɔ̃ ehe kɛho lɛ aaahoso eyitso, ni ehe aaajɔ̃ ehe.”

Mateo 3:8

Belɛ nyɛwoa yibii ni sa tsuitsakemɔ mɔ!

Luka 11:41

Moŋ nyɛŋɔa nibii ni yɔɔ mli lɛ nyɛfea ejurɔ, ni nibii fɛɛ he aaatse ahã nyɛ.

Bɔfoi 24:25

Shi be ni ewieɔ jalɛ kɛ henɔkwɛmɔ kɛ kojomɔ ni baaba lɛ he lɛ, Felike she gbeyei pam, ni ekɛɛ lɛ akɛ, “Agbɛnɛ yaa fɛɛ da; shi kɛ mina mihe dekã jiŋŋ, matsɛ bo ekoŋŋ.”

Bɔfoi 26:20

shi moŋ mijaje mitsɔ̃ɔ mɛi ni yɔɔ Damasko lɛ tsutsu, kɛ mɛi ni yɔɔ Yerusalɛm kɛ Yuda shikpɔŋ lɛ nɔ fɛɛ, kɛ jeŋmaji lɛ hu akɛ amɛtsake amɛtsui ni amɛkpale kɛba Nyɔŋmɔ ŋɔɔ ni amɛtsu nii ni sa tsuitsakemɔ.

Bɔfoi 8:22

No hewɔ lɛ, agbɛnɛ shwa ohe yɛ onɔsha nɛɛ hewɔ, ni okpa Nyɔŋmɔ fai, akɛ aleenɔ akɛ otsuiŋ jwɛŋmɔ lɛ aaafa bo lo.

2 Korintobii 5:11

No hewɔ lɛ, akɛni wɔle Nuŋtsɔ lɛ he ni yɔɔ gbeyei lɛ, wɔwieɔ wɔtsɔ̃ɔ gbɔmɛi; shi wɔ lɛ wɔyɛ faŋŋ yɛ Nyɔŋmɔ hiɛ; ni mihiɛ kã nɔ akɛ wɔyɛ faŋŋ yɛ nyɛhenilee mli hu.

Galatabii 5:13

Ejaakɛ heyeli mli atsɛ nyɛ kɛba, anyɛmimɛi; shi nyɛheyeli lɛ kɛkɛ ni nyɛkahãa etsɔ̃a hegbɛ ehã heloo lɛ taomɔnii, shi moŋ nyɛtsɔa suɔmɔ nɔ nyɛsɔ̃mɔsɔ̃mɔa nyɛhe.

Galatabii 5:22

Shi Mumɔ lɛ yibii ji suɔmɔ, miishɛɛ, hejɔlɛ, tsuishitoo, mlihilɛ, ejurɔfeemɔ, hemɔkɛyeli,

Galatabii 5:6

Ejaakɛ Kristo Yesu mli lɛ, jeee ketiafoo, ni asaŋ jeee foo hu ni nyɛɔ nɔ ko efeɔ, shi moŋ hemɔkɛyeli ni tsɔ̃ɔ suɔmɔ nɔ etsuɔ nii lɛ.

Efesobii 4:28

Mɔ ni juɔ lɛ ekaju dɔŋŋ, shi ebɔ mɔdɛŋ ni ekɛ lɛ diɛŋtsɛ eniji atsu nitsumɔ kpakpa, koni ena nɔ ko ni ekɛhã mɔ ni ehia lɛ lɛ.

5 Mose 24:13

Kpalemɔ ohã lɛ kɛji hulu yaanyɔ shi, bɔ ni afee ni ohiafo lɛ ana ehebo lɛ ebu kɛwɔ koni eda bo shi; ni osane baasa Yehowa, oNyɔŋmɔ lɛ hiɛ.

5 Mose 32:27

Shi mishe gbeyei akɛ amɛhenyɛlɔi aaashwã ni amɛaaŋɔ nɔ ni eba lɛ ekroko ni amɛaakɛɛ akɛ, ‘Wɔ ni wɔye amɛnɔ kunim lɛ, jeee Yehowa ni fee amɛ enɛ.’

5 Mose 8:17

No hewɔ lɛ, nyɛkwɛa ni ahia koni nyɛkakɛɛ yɛ nyɛtsuiŋ yɛ he akɛ, ‘Wɔ diɛŋtsɛ wɔhewalɛ kɛ nyɛmɔ naa hã wɔshwere nɛkɛ nɛɛ.’

1 Petro 4:8

Shi titri lɛ nyɛsuɔmɔ ni nyɛkɛsumɔsumɔɔ nyɛhe lɛ mli awa, ejaakɛ suɔmɔ haa eshai babaoo nɔ.