Daniel 4:25 - ŊMALƐ KRƆŊKRƆŊ LƐ

²⁵ Abaashwie bo kɛjɛ gbɔmɛi ateŋ, ni obaaya oyahi ŋaŋ kooloi ateŋ, ni obaakpe jwɛi tamɔ tsina. Ŋwɛi bɔ baanyɔ onɔ yɛ jwɛiaŋ, afii kpawo, kɛyaashi beyinɔ ni oooyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ adesa maŋtsɛyeli fɛɛ maŋtsɛyeli nɔ; asaŋ mɔ fɛɛ mɔ ni lɛ esumɔɔ lɛ, lɛ ekɛ maŋtsɛyeli hãa.

Ṅmãle̱ Kroṅkroṅ Le̱

²⁵ aaſieo ye̱ gbomei ateṅ, ni ooyahĩ ṅăṅ koloi ateṅ, ni aahã oye dſe̱i tamo̱ tšinai, ni ṅwei bó̱ aafo̱o, ni bei kpawo aaho oyi, ke̱-yaši beyino̱ ni oole ake̱ moni yo̱ ṅwei šoṅṅ te ye̱ hewale̱ ye̱ gbomei amaṅtše̱yeli no̱, ni eṅõ-hãa mofẽmo ní esumoo̱.

Daniel 4:25 ပူးပေါင်းရင်းမြစ်များ

Lalai 103:19

Yehowa lɛ, ekɛ emaŋtsɛ sɛi lɛ ma shi shiŋŋ yɛ ŋwɛi; ni lɛ eyeɔ jeŋ fɛɛ nɔ.

Lalai 106:20

Amɛŋɔ anunyam lɛ ni sa Nyɔŋmɔ lɛ amɛhã tsina ni kpeɔ jwɛi amãgã lɛ moŋ.

Lalai 75:7

Nyɔŋmɔ ji kojolɔ! Ebaa mɔ ko shi, ni ewoɔ mɔ ko nɔ.

Lalai 83:18

Hã amɛna amɛle akɛ bo mɔ ni ogbɛi ji Yehowa lɛ, bo pɛ ji Ofe yɛ shikpɔŋ lɛ nɔ fɛɛ.

Yeremia 27:5

“Mi, Yehowa, mi mibɔ je lɛ kɛ gbɔmɛi kɛ kooloi bluublu ni yɔɔ shikpɔŋ lɛ nɔ yɛ mihewalɛ kpeteŋkple kɛ minineshiwalɛ naa; ni mikɛhãa mɔ ni misumɔɔ.

Daniel 2:21

Lɛ etsakeɔ bei kɛ yinɔi lɛ; ekpaa maŋtsɛmɛi, ni etoɔ maŋtsɛmɛi. Lɛ eduroɔ jwɛŋmɔ, ni eduroɔ nilelɔi niiashishinumɔ;

Daniel 2:37

Maŋtsɛ, bo ji maŋtsɛmɛi amaŋtsɛ. Nyɔŋmɔ ni yɔɔ ŋwɛi lɛ, ni to bo nakai, ni eduro bo hewalɛ kɛ agbojee kɛ anunyam fɛɛ.

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Daniel 4:16

Ebaaye afii kpawo, ni abaatsake egbɔmɔ adesa jwɛŋmɔ ni yɔɔ emli lɛ, ni abaahã lɛ kooloo jwɛŋmɔ.

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 4:2

Esa mihiɛ akɛ okadii kɛ naakpɛɛ nibii ni Nyɔŋmɔ, ŋwɛi flooflonyo lɛ, efee yɛ mihe lɛ magba nyɛ.