Daniel 4:2 - ŊMALƐ KRƆŊKRƆŊ LƐ

² Esa mihiɛ akɛ okadii kɛ naakpɛɛ nibii ni Nyɔŋmɔ, ŋwɛi flooflonyo lɛ, efee yɛ mihe lɛ magba nyɛ.

Ṅmãle̱ Kroṅkroṅ Le̱

² Okadii ke̱ nākpe̱nii ní Nyoṅmo̱ ní yo̱ ṅwei šoṅṅ le̱ efe ye̱ mihe le̱, esa mihĩe ake̱ madšadše matšõ.

Daniel 4:2 ပူးပေါင်းရင်းမြစ်များ

Hiob 7:14

kɛkɛ lɛ okɛ lamɔi miiwo mihe gbeyei, ni okɛ ninai hãa ŋmiŋmi mɔɔ mi.

Lalai 51:14

Oo Naa Nyɔŋmɔ, bo miyiwalaheremɔ Nyɔŋmɔ, kpɔ̃ mi kɛjɛ lashishwiemɔ he fɔyeli mli, ni mala waa kɛjaje okpɔ̃mɔ lɛ.

Lalai 65:9

Ohãa nu nɛɔ shikpɔŋ lɛ nɔ, ni okɛtsɔ̃ɔ bɔ ni odɔɔ ehe ohãa, ni ebaa nii babaoo. Nyɔŋmɔ faa lɛ eyi tɔ kɛ nu. Ohãa abele baa hãa gbɔmɛi, ejaakɛ nakai ji bɔ ni oto.

Lalai 66:16

Nyɛbaa, nyɛ mɛi fɛɛ ni sheɔ Nyɔŋmɔ gbeyei, ni magba nyɛ nɔ ni efee ehã mi!

Lalai 71:18

Belɛ migbɔlɛ kɛ miwaŋjee nɛɛ mli lɛ, Oo Nyɔŋmɔ, kaakwa mi, kɛyaashi majaje ohewalɛ lɛ matsɔ̃ɔ yinɔbii ni baa lɛ.

Daniel 2:1

Nebukadnezar maŋtsɛyeli afi ni ji enyɔ lɛ nɔ lɛ, ela lamɔi komɛi. Lamɔi nɛɛ hã etsui bɔ̃i yeli, ni wɔ tserɛ yɛ ehiɛ.

Daniel 3:26

Kɛkɛ ni Maŋtsɛ Nebukadnezar tsi bɛŋkɛ flɔnɔɔ kɛ emli la grigri lɛ naa. Kɛkɛ ni ewo enaa nɔ, ni ekɛɛ, “Shadrak kɛ Meshak kɛ Abednego, Nyɔŋmɔ ŋwɛi flooflonyo lɛ tsuji, nyɛjea kpo yɛ la lɛ mli kɛbaa.” Kɛkɛ ni Shadrak kɛ Meshak kɛ Abednego je kpo yɛ la lɛ mli kɛba.

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 4:24

“Nii, ninaa lɛ shishi nɛ; ni no ji yiŋ ni mɔ ni yɔɔ ŋwɛi shɔŋŋ lɛ eto yɛ minuŋtsɔ maŋtsɛ he.

Daniel 4:25

Abaashwie bo kɛjɛ gbɔmɛi ateŋ, ni obaaya oyahi ŋaŋ kooloi ateŋ, ni obaakpe jwɛi tamɔ tsina. Ŋwɛi bɔ baanyɔ onɔ yɛ jwɛiaŋ, afii kpawo, kɛyaashi beyinɔ ni oooyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ adesa maŋtsɛyeli fɛɛ maŋtsɛyeli nɔ; asaŋ mɔ fɛɛ mɔ ni lɛ esumɔɔ lɛ, lɛ ekɛ maŋtsɛyeli hãa.

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Daniel 5:18

“Maŋtsɛ, Nyɔŋmɔ mɔ ni yɔɔ ŋwɛi shɔŋŋ lɛ hã otsɛ Nebukadnezar tsɔ̃ maŋtsɛ wulu ni yɔɔ hewalɛ kɛ agbojee kɛ anunyam kpeteŋkple;

Daniel 6:27

Jielɔ kɛ herelɔ ji lɛ; etoɔ okadii, ni efeɔ naakpɛɛ nii yɛ ŋwɛi kɛ shikpɔŋ lɛ nɔ. Ehere Daniel yɛ jatai lɛ adɛŋ.”

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Yohane 4:48

Kɛkɛ ni Yesu kɛɛ lɛ akɛ, “Kɛ nyɛnaaa okadii kɛ naakpɛɛnii lɛ, nyɛheee nyɛyeee.”

Yoshua 7:19

Kɛkɛ ni Yoshua kɛɛ Akan akɛ, “Mibi, wo Yehowa, Israel Nyɔŋmɔ lɛ, hiɛ nyam, ni asaŋ jiemɔ eyi. Jajemɔ otsɔ̃ɔ mi nɔ ni ofee; kaashiu mi sane nɔ.”