Daniel 4:18 - ŊMALƐ KRƆŊKRƆŊ LƐ

¹⁸ “Lamɔ ni mi, Nebukadnezar mila nɛ; agbɛnɛ, Belteshazar, tsɔ̃ɔmɔ mi shishi, ejaakɛ mimaŋtsɛyeli nɛɛ mli nilelɔi fɛɛ nyɛɛɛ eshishi amɛtsɔ̃ɔ mi, shi bo lɛ obaanyɛ, ejaakɛ nyɔŋmɔi krɔŋkrɔŋi lɛ amumɔ yɛ omli.”

Ṅmãle̱ Kroṅkroṅ Le̱

¹⁸ Ne̱ke̱ lamõ ne̱ mi, maṅtše̱ Nebukadnezar, mina; ni agbe̱ne̱ bo Beltešazar, tšõmo̱ šiši, edšake̱ mimaṅtše̱yeli le̱ mli nilelo̱i le̱ fẽ nyẽẽ atšõmi šiši; ši bo le̱ oonyẽ, edšake̱ nyoṅmo̱i kroṅkroṅi le̱ amumo̱ ye̱ omli!

Daniel 4:18 ပူးပေါင်းရင်းမြစ်များ

1 Mose 40:12

Yosef kɛɛ lɛ akɛ, “Naa olamɔ lɛ shishitsɔɔmɔ. Niji etɛ̃ lɛ damɔ shi hã gbii etɛ̃.

1 Mose 41:15

Farao kɛɛ Yosef akɛ, “Mila lamɔ ko, ni mɔ ko mɔ ko nyɛɛɛ mi shishi atsɔ̃ɔ. Minu ni akɛɛ yɛ ohe akɛ kɛji onu lamɔ ko lɛ, onyɛɔ shishi otsɔ̃ɔ.”

1 Mose 41:8

Leebi lɛ etsui bɔ̃i yeli. Enɛ hewɔ lɛ, etsu ayatsɛ Ijipt nifeelɔi lɛ kɛ nilelɔi lɛ fɛɛ kɛba, ni egba amɛ elamɔ lɛ; shi amɛteŋ mɔ ko mɔ ko nyɛɛɛ Farao lamɔ lɛ shishi etsɔ̃ɔ.

Yesaia 19:3

Mahã Ijiptbii awerɛ aho amɛhe fe nine, ni amɛyiŋtoi fɛɛ baafee yaka. Amɛbaaya amãgãi kɛ klamɔfoi kɛ sisai aŋɔɔ amɛyabi nii.

Daniel 1:20

Nilee fɛɛ nilee kɛ sane fɛɛ sane ni maŋtsɛ lɛ bi Daniel kɛ enyɛmimɛi lɛ, ena akɛ amɛle nii shii nyɔŋma toi abɔ fe emaŋtsɛyeli lɛ mli shikpɔji lɛ anɔ ninalɔi kɛ ashwãifeelɔi lɛ fɛɛ.

Daniel 2:38

Ewo bo hei fɛɛ ni gbɔmɛi adesai kɛ kooloi kɛ loofɔji yɔɔ lɛ nɔyelɔ. Amãgã lɛ shika yitso lɛ bo ni.

Daniel 2:7

Amɛha hetoo ekoŋŋ amɛkɛɛ akɛ, “Nii atsɔ̃ɔ wɔ lamɔ lɛ, ni wɔɔtsɔ̃ɔ lɛ eshishi.”

Daniel 5:15

Mikpee nilelɔi kɛ ashwãifeelɔi nɛɛ kɛba biɛ koni amɛbakane nɛkɛ niŋmaa nɛɛ ni amɛtsɔ̃ɔ mi eshishi; shi amɛnyɛɛɛ niŋmaa lɛ shishi amɛtsɔ̃ɔ.

Daniel 5:8

Kɛkɛ ni maŋtsɛ lɛ nilelɔi lɛ fɛɛ ka niŋmaa lɛ kanemɔ kɛ eshishitsɔ̃ɔmɔ, shi amɛteŋ mɔ ko mɔ ko kwraa nyɛɛɛ.

Amos 3:7

Eji anɔkwale akɛ Nuŋtsɔ Nyɔŋmɔ efeee nɔ ko ni ejieee eyiŋtoo lɛ kpo etsɔ̃ɔɔ etsuji gbalɔi lɛ.