Daniel 3:7 - ŊMALƐ KRƆŊKRƆŊ LƐ

⁷ No hewɔ lɛ, amrɔ pɛ ni asafo lɛ fɛɛ nu koofɛŋ kɛ saŋku kɛ kete kɛ obenta kɛ bɛji kɛ lalai srɔtoi lɛ agbɛɛmɔ lɛ, amɛho amɛkula shi, ni amɛja shika amãgã ni Maŋtsɛ Nebukadnezar kɛma shi lɛ.

Ṅmãle̱ Kroṅkroṅ Le̱

⁷ Nohewo̱ le̱ amrõ pe̱ ni mãdši le̱ fẽ nu kōfẽṅ le̱ ke̱ ble̱ le̱ ke̱ sankũ le̱ ke̱ kete le̱ ke̱ obentá le̱ ke̱ dšõ̀i sro̱toi le̱ fẽ agbē̱mo̱ le̱, mãdši le̱ ke̱ asafoi le̱ ke̱ wiemo̱i le̱ fẽ ho-kũla ši, ni ame̱dšá šika amãgã ní maṅtše̱ Nebukadnezar ke̱-mã ši le̱.

Daniel 3:7 ပူးပေါင်းရင်းမြစ်များ

Yeremia 51:7

Babilon tamɔ shika kpulu yɛ Yehowa dɛŋ, ni kɛtsɔ̃ enɔ lɛ ehã jeŋ maji fɛɛ tɔrɔ dãa; jeŋ maji lɛ nu edɛŋ wain lɛ eko, no hewɔ lɛ, jeŋ maji lɛ ye sɛkɛ.

Daniel 2:46

Kɛkɛ ni Maŋtsɛ Nebukadnezar kɛ ehiɛ bu shi, ni eja Daniel, ni efã akɛ ashã afɔle kɛ tsofakɛŋma ahã Daniel.

Daniel 3:10

Nii, bɛ owo akpɔ akɛ be fɛɛ be ni tɛtɛrɛmantɛrɛi kɛ koofɛŋ kɛ bɛji kɛ saŋkui kɛ obentai kɛ lalai srɔtoi lɛ aaagbɛɛ pɛ, mɔ fɛɛ mɔ akula shi koni eja shika amãgã lɛ,

Daniel 3:4

sɔ̃ɔlɔ ko bo waa ni ekɛɛ akɛ, “Shikpɔji kɛ maji srɔtoi anɔ bii kɛ nyɛ mɛi ni nyɛwieɔ wiemɔi srɔtoi fɛɛ,

Daniel 3:5

nyɛbaanu tɛtɛrɛmantɛrɛ gbɛɛmɔ he, kɛkɛ lɛ koofɛŋ kɛ saŋku kɛ kete kɛ obenta kɛ bɛji kɛ lalai srɔtoi baagbɛɛ kɛnyiɛ sɛɛ. Lalai lɛ he ni nyɛaanu nɔŋŋ lɛ, nyɛkulaa shi nyɛjaa amãgã lɛ ni Maŋtsɛ Nebukadnezar efee ema shi lɛ.

Daniel 3:6

Mɔ fɛɛ mɔ ni kulaaa shi koni eja amãgã lɛ, nakai ŋmɛlɛtswaa lɛ mli nɔŋŋ lɛ abaashɛ lɛ afɔ̃ flɔnɔɔ kɛ emli la ni miitso grigri mli.”

Daniel 3:8

Babilonbii komɛi tsɔ̃ amãgã nɛɛ jamɔ lɛ nɔ, ni amɛfo Yudafoi lɛ anaa.

Bɔfoi 14:16

Yinɔi ni eho lɛ amli lɛ ehã jeŋmaji lɛ fɛɛ nyiɛ amɛ diɛŋtsɛ amɛgbɛi lɛ anɔ,

1 Yohane 5:19

Wɔle akɛ wɔjɛ Nyɔŋmɔ mli, ni jeŋ muu lɛ fɛɛ yɛ efɔŋ nɔyeli shishi.

Kpojiemɔ 12:9

Ni ashɛ drako kpeteŋkple lɛ ni ji blema onufu lɛ ni atsɛɔ lɛ Abonsam loo Satan lɛ ni shishiuɔ jeŋ muu lɛ fɛɛ lɛ afɔ̃ shikpɔŋ lɛ nɔ, ni ashɛrɛ ebɔfoi lɛ hu ashwie afata ehe.

Kpojiemɔ 13:14

Ni ekɛ okadii ni ahã lɛ hegbɛ akɛ efee yɛ kooloo lɛ hiɛ lɛ shishiuɔ mɛi ni yɔɔ shikpɔŋ lɛ nɔ lɛ, ni ekɛɔ mɛi ni yɔɔ shikpɔŋ lɛ nɔ lɛ akɛ amɛfee amãgã amɛhã kooloo lɛ ni klante naa pilamɔ yɔɔ ehe ni ehiɛ kã lɛ.

Kpojiemɔ 13:3

Ni mina eyitsei lɛ ateŋ ekome tamɔ nɔ ni epila gbele pilamɔ, ni atsa egbele pilamɔ lɛ, ni shikpɔŋ muu lɛ fɛɛ nyiɛ kooloo lɛ sɛɛ ni amɛnaa ekpɛ amɛhe,

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 17:8

Kooloo lɛ ni ona lɛ be ko mli lɛ eyɛ, shi amrɔ nɛɛ ebɛ, ni ebaajɛ bu kwɔŋkwɔŋ lɛ mli eje kpo kɛya hiɛkpãtãmɔ mli. Ni mɛi ni yɔɔ shikpɔŋ lɛ nɔ ni aŋmako amɛgbɛii yɛ wala wolo lɛ mli kɛjɛ jeŋ shishijee lɛ anaa aaakpɛ amɛhe kɛ amɛna kooloo lɛ akɛ be ko mli lɛ, eyɛ shi amrɔ nɛɛ ebɛ, ni ebaaba lɛ.

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.