Daniel 3:4 - ŊMALƐ KRƆŊKRƆŊ LƐ

⁴ sɔ̃ɔlɔ ko bo waa ni ekɛɛ akɛ, “Shikpɔji kɛ maji srɔtoi anɔ bii kɛ nyɛ mɛi ni nyɛwieɔ wiemɔi srɔtoi fɛɛ,

Ṅmãle̱ Kroṅkroṅ Le̱

⁴ Ke̱ke̱ ni šie̱lo̱ le̱ bo wā ake̱: Nye mãdši ke̱ asafoi ke̱ wiemo̱i! ākē̱nye ake̱:

Daniel 3:4 ပူးပေါင်းရင်းမြစ်များ

Ester 8:9

Sane nɛɛ ba yɛ nyɔŋ ni ji etɛ̃ ni ji nyɔŋ ni atsɛɔ lɛ Siwan lɛ nɔ gbi ni ji nyɔŋmai enyɔ kɛ etɛ̃ lɛ nɔ. Mɔdekai tsɛ maŋtsɛ lɛ woloŋmalɔi lɛ kɛkpe; ni amɛŋmã wolo lɛ bɔ ni Mɔdekai fã akɛ amɛŋmã lɛ pɛpɛɛpɛ, ni akɛtee ayahã Yudafoi lɛ kɛ amraloi lɛ kɛ lumɛi lɛ kɛ shikpɔji srɔtoi lɛ anɔ onukpai lɛ kɛjɛ India aahu kɛbashi Kush. Fɛɛ fee shikpɔji oha kɛ nyɔŋmai enyɔ kɛ kpawo. Shikpɔŋ fɛɛ shikpɔŋ lɛ aŋmã ewolo lɛ yɛ lɛ eniŋmãa mli, ni maŋ fɛɛ maŋ lɛ aŋmã ewolo lɛ yɛ lɛ diɛŋtsɛ ewiemɔ mli. Yudafoi lɛ hu awolo lɛ aŋmã yɛ amɛniŋmãa kɛ amɛwiemɔ mli.

Yesaia 40:9

Ao Zion, miishɛɛ saneshiɛlɔ, kwɔɔ kɛya gɔŋ ni kwɔ ko nɔ. Yerusalɛm, miishɛɛ saneshiɛlɔ, wo ogbee nɔ kɛ hewalɛ, wo nɔ, kaashe gbeyei! Kɛɛmɔ Yuda maji lɛ akɛ “Naa, nyɛNyɔŋmɔ lɛ miiba!”

Yesaia 58:1

Yehowa kɛɛ akɛ, “Bolɔmɔ waa! Kaaha onaa miiba shi. Wo ogbee nɔ tamɔ tɛtɛrɛmantɛrɛ. Jajemɔ mimaŋbii lɛ ahe eshai lɛ otsɔɔ amɛ; tsɔɔmɔ Israel we lɛ amɛhe eshai lɛ.

Daniel 3:10

Nii, bɛ owo akpɔ akɛ be fɛɛ be ni tɛtɛrɛmantɛrɛi kɛ koofɛŋ kɛ bɛji kɛ saŋkui kɛ obentai kɛ lalai srɔtoi lɛ aaagbɛɛ pɛ, mɔ fɛɛ mɔ akula shi koni eja shika amãgã lɛ,

Daniel 3:3

Amraloi lɛ kɛ lumɛi lɛ kɛ amraloi asɛɛmɛi lɛ kɛ akutsei anɔkwɛlɔi lɛ kɛ maŋtsɛ he ŋaawolɔi lɛ kɛ kojolɔi kɛ nitoohei anɔkwɛlɔi lɛ kɛ kpokpai lɛ anɔ nitsulɔi lɛ fɛɛ ba amãgã ni Maŋtsɛ Nebukadnezar ehã afee lɛ naagbelemɔ kɛ ekpojiemɔ lɛ. Be ni gbɔmɛi nɛɛ eyabua shi yɛ amãgã lɛ hiɛ lɛ,

Daniel 3:7

No hewɔ lɛ, amrɔ pɛ ni asafo lɛ fɛɛ nu koofɛŋ kɛ saŋku kɛ kete kɛ obenta kɛ bɛji kɛ lalai srɔtoi lɛ agbɛɛmɔ lɛ, amɛho amɛkula shi, ni amɛja shika amãgã ni Maŋtsɛ Nebukadnezar kɛma shi lɛ.

Daniel 4:1

Maŋtsɛ Nebukadnezar ŋma eyahã mɛi fɛɛ ni yɔɔ majimaji kɛ jakui fɛɛ ni yɔɔ shikpɔŋ muu lɛ fɛɛ nɔ, yɛ amɛwiemɔi amli akɛ, “Nyɛhea omanye!

Daniel 4:14

Ebo waa, ni ekɛɛ akɛ, ‘Nyɛtoa tso lɛ nyɛfɔ̃a shi, ni nyɛfolɔa eniji lɛ; nyɛkpaa eyi bai lɛ nyɛshwiea shi, ni nyɛgbɛa eyibii lɛ nyɛshwãa koni ŋaŋ kooloi lɛ ajo foi yɛ shishi aya, ni loofɔji lɛ hu aje eniji lɛ anɔ aya.

Daniel 6:25

Enɛ sɛɛ lɛ Maŋtsɛ Dario ŋmã wolo ekɛmaje majimaji kɛ asafoi kɛ je lɛ mli wiemɔi srɔtoi ashikpɔji anɔ bii fɛɛ akɛ, “Nyɛhea omanye!

Hosea 5:11

Efraim kã piŋmɔ mli. Nyɔŋmɔ ebu lɛ fɔ ejaakɛ etswa efai shi akɛ eyaanyiɛ yaka nii asɛɛ.

Mika 6:16

Enɛ baaba mli, ejaakɛ Maŋtsɛ Omri nibii gbohii lɛ kɛ ebi Ahab nibii fɔ̃ji lɛ, nomɛi anɔ nyɛtsa. No hewɔ lɛ, mahã nyɛmaji lɛ atsɔ̃ amaŋfɔ̃, ni abuŋ nyɛ, ni aaabo nyɛ ‘tsia’!”

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.