Daniel 3:28 - ŊMALƐ KRƆŊKRƆŊ LƐ

²⁸ Maŋtsɛ Nebukadnezar kɛɛ akɛ, “Ajie Shadrak kɛ Meshak kɛ Abednego Nyɔŋmɔ lɛ yi, ejaakɛ etsu ebɔfo, ni ebahere etsuji lɛ ni kɛ amɛhiɛ fɔ̃ enɔ lɛ kɛje gbele mli. Amɛtse mifãmɔ lɛ hiɛ atua, ni amɛkã kitã akɛ nɔ ni amɛaaja he ko bii anyɔŋmɔ fe amɛNyɔŋmɔ lɛ amɛkɛ amɛwala moŋ baatse.

Ṅmãle̱ Kroṅkroṅ Le̱

²⁸ Ke̱ke̱ ni Nebukadnezar wó enā no̱ ni ekē̱: Adšie Šadrak, Mešak ke̱ Abednego Nyoṅmo̱ le̱ yi ake̱ *etšũ ebo̱fo, ni ebadšie etšũdši ni ṅõ ame̱hĩe ame̱fõ eno̱, ni ame̱tšake maṅtše̱ le̱ wiemo̱ le̱ hĩe, ni ame̱ṅò ame̱gbomotšei ame̱hã koni ame̱kasúmo̱ nyoṅmo̱ ko nyoṅmo̱ ko ní ame̱dšá-le̱, ake̱ dša ame̱-Nyoṅmo̱ le̱ ke̱ke̱ le̱! 6,23.

Daniel 3:28 ပူးပေါင်းရင်းမြစ်များ

1 Mose 9:26

Asaŋ ekɛɛ akɛ, “Yijiemɔ ahã Yehowa, Shem Nyɔŋmɔ lɛ, ni Kanaan atsɔ̃ Shem nyɔŋ.”

1 Kronika 5:20

Hagribii lɛ na mɛi yafata amɛhe yɛ ta mli, kɛ̃lɛ aye amɛ kɛ mɛi ni yafata amɛhe lɛ fɛɛ nɔ kunim, ejaakɛ Rubenbii lɛ kɛ Gadbii lɛ kɛ Bokãgbɛ Manasebii lɛ sɔle amɛtsɛ Naa Nyɔŋmɔ koni eye ebua amɛ yɛ ta lɛ mli. Naa Nyɔŋmɔ bo amɛsɔlemɔ lɛ toi ejaakɛ amɛkɛ amɛhiɛ fɔ enɔ.

2 Kronika 20:20

Yuda hii lɛ kɛ Yerusalɛm hii lɛ fã enɔ jetsɛremɔ leebi maŋkpa kɛtee Tekoa shiaŋa lɛ nɔ. Shi dani amɛfã lɛ Yehoshafat ho edamɔ shi ni ekɛ ta lɛ wie. Ekɛɛ amɛ akɛ, “Agoo! Yuda hii kɛ Yerusalɛm hii, nyɛhea Yehowa, nyɛNyɔŋmɔ lɛ, nyɛyea, ni nyɛbaanyɛ shi nyɛfi; ni nyɛhea gbalɔi lɛ hu nyɛyea, ni nyɛbaaye omanye.”

2 Kronika 32:21

Kɛkɛ ni Yehowa tsu bɔfo ko, ni ebagbe tabilɔi kãkãlɔi lɛ kɛ tatsɛmɛi lɛ kɛ asafoiatsɛmɛi lɛ fɛɛ ni yɔɔ Asiria maŋtsɛ lɛ tabilɔi lɛ ateŋ lɛ. No hewɔ lɛ, Asiria maŋtsɛ lɛ ku esɛɛ kɛtee eshikpɔŋ lɛ nɔ kɛ hiɛgbele. Ni be ni etee eyabote ejemawɔŋ lɛ we lɛ mli lɛ, lɛ diɛŋtsɛ emusuŋ bihii bamɔ lɛ klante, ni amɛgbe lɛ.

Ezra 1:3

Yehowa webii ni yɔɔ nyɛteŋ lɛ, Yehowa efã amɛteŋ mɔ fɛɛ mɔ koni efã kɛya Yerusalɛm yɛ Yuda, koni ayama Yehowa, Israel Nyɔŋmɔ lɛ, shĩa lɛ; lɛ Nyɔŋmɔ mɔ ni ajaa yɛ Yerusalɛm lɛ, we lɛ.

Ezra 6:11

Asaŋ miiwo akpɔ akɛ mɔ fɛɛ mɔ ni aaatsake fãmɔ ni mifã nɛɛ hiɛ lɛ, ajie etsu nɔ mplaŋ ni agbɔ naa akɛtsu emli. Ahã eshĩa lɛ atsɔ̃ tumo.

Lalai 103:20

Oo, nyɛ ebɔfoi ni he wa, ni nyɛyeɔ ewiemɔ lɛ nɔ, ni nyɛboɔ egbee toi, nyɛjiea Yehowa yi!

Lalai 147:11

Shi moŋ Yehowa naa mɛi ni sheɔ lɛ gbeyei lɛ ahe miishɛɛ, kɛ mɛi hu ni kɛ amɛhiɛ fɔ̃ɔ esuɔmɔ ni sɛɛ efooo lɛ nɔ lɛ.

Lalai 33:18

Yehowa hiŋmɛii yɛ mɛi ni sheɔ lɛ gbeyei ni amɛhiɛ kã esuɔmɔ ni sɛɛ efooo lɛ nɔ lɛ ahe.

Lalai 33:21

Emli wɔnaa miishɛɛ yɛ, ejaakɛ egbɛi krɔŋkrɔŋ lɛ nɔ wɔhiɛ kã.

Lalai 34:22

Yehowa hereɔ etsuji ayiwala; ni mɛi ni baa lɛ abo lɛ, ebuŋ amɛteŋ mɔ ko mɔ ko fɔ.

Lalai 62:8

Nyɛ maŋbii, nyɛkɛ nyɛhiɛ afɔ̃a Nyɔŋmɔ nɔ be fɛɛ be; nyɛfɔsea nyɛtsuiiaŋ saji fɛɛ nyɛshwiea ehiɛ; ejaakɛ Nyɔŋmɔ ji wɔbobaahe.

2 Mose 20:5

“Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

Yesaia 12:2

Naa Nyɔŋmɔ ji miyiwalaherelɔ. Mihiɛ baakã enɔ, ni misheŋ gbeyei ejaakɛ Nuŋtsɔ Nyɔŋmɔ ji mihewalɛ kɛ milala, ni lɛ nɔŋŋ etsɔ̃ miyiwalaheremɔ.

Yesaia 37:36

Yehowa bɔfo ko tee Asiria tabilɔi lɛ ashitoohe lɛ mli, ni eyagbe mɛi akpei oha kɛ nyɔŋmai kpaanyɔ kɛ enumɔ. Be ni ate shi leebi maŋkpa lɛ, naa gbɔmɛi lɛ jwere shi ni amɛgboi.

Yesaia 50:10

Nyɛteŋ namɔ sheɔ Yehowa gbeyei? Namɔ boɔ etsulɔ lɛ gbee toi? Kɛji mɔ lɛ nyiɛ duŋ mli, ni la etsooo hãaa lɛ po, hã ekɛ ehiɛ afɔ Yehowa gbɛi lɛ nɔ, ni ekɛ ehe akpasa eNyɔŋmɔ lɛ.

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Daniel 3:25

Nebukadnezar kɛɛ amɛ akɛ, “Miina gbɔmɛi ejwɛ yɛ la lɛ mli. Afimɔko amɛ, ni la lɛ efeee amɛ nɔ ko nɔ ko; ni mɔ ni gbe yi fee ejwɛ lɛ, su tamɔ bɔfo.”

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Daniel 6:16

No hewɔ lɛ, maŋtsɛ lɛ fã, ni atee ayaŋɔ Daniel kɛba, ni ashɛ lɛ afɔ̃ jatai abu lɛ mli. Maŋtsɛ lɛ kɛɛ Daniel akɛ, “ONyɔŋmɔ lɛ ni osɔmɔɔ anɔkwale mli lɛ; lɛ eeejie bo.”

Daniel 6:26

Miiwo kitã akɛ mɔ fɛɛ mɔ ni yɔɔ minɔyeli nɛɛ he fɛɛ he lɛ, ehe akpokpo, ni eshe Daniel Nyɔŋmɔ lɛ gbeyei.” “Lɛ ji Nyɔŋmɔ hiɛkãalɔ lɛ, mɔ ni yɛ kɛmiiya naanɔ lɛ; anyɛŋ emaŋtsɛyeli hiɛ akpãtã, ni ehewalɛ lɛ sɛɛ efoŋ.

Mateo 4:10

Kɛkɛ ni Yesu kɛɛ lɛ akɛ, “Jee mihiɛ, Satan! Ejaakɛ aŋma akɛ, ‘Nuŋtsɔ oNyɔŋmɔ lɛ oja, ni lɛ kɛkɛ osɔ̃mɔ!’ ”

Bɔfoi 4:19

Shi Petro kɛ Yohane here nɔ ni amɛkɛɛ amɛ akɛ, “Kɛ eja gbɛ yɛ Nyɔŋmɔ hiɛ akɛ abo nyɛ moŋ toi fe Nyɔŋmɔ lɛ, nyɛkojoa.

Bɔfoi 5:19

Shi nyɔɔŋ lɛ Nuŋtsɔ lɛ bɔfo bagbele tsu lɛ shinai lɛ, ni ejie amɛ ekɛɛ,

Romabii 12:1

No hewɔ lɛ, anyɛmimɛi, mikɛ Nyɔŋmɔ mlitsɔlɛ miikpa nyɛ fai akɛ nyɛŋɔ nyɛgbɔmɔtsei lɛ nyɛdamɔ shi akɛ afɔle ni hiɛ kã ni he tse ni sa Nyɔŋmɔ hiɛ; enɛ ji jamɔ ni sa.

1 Korintobii 13:3

Ni kɛji mikɛ minii fɛɛ kuma mɛi, ni kɛji mikɛ migbɔmɔtso hã ni ashã mi, shi mibɛ suɔmɔ lɛ, no lɛ minaaa sɛɛ ko.

Filipibii 1:20

Migbɛkwɛmɔ kɛ hiɛnɔkãmɔ kɛkɛ ji akɛ mihiɛ akagbo yɛ nɔ ko nɔ ko mli, shi moŋ, bɔ ni afeɔ daa lɛ, nakai agbɛnɛ hu akɛ ekãa fɛɛ aaawo Kristo hiɛ nyam yɛ migbɔmɔtso mli, yɛ wala mli jio, gbele mli jio.

Hebribii 1:14

Ani amɛ fɛɛ lɛ, jeee mumɔ bɔfoi ni sɔ̃mɔɔ ji amɛ, ni atsuɔ amɛ ni amɛbasɔ̃mɔ mɛi ni nine baashɛ yiwalaheremɔ lɛ nɔ akɛ amɛgboshinii lɛ?

Hebribii 11:37

atswia amɛ tɛi, akɛ akpalala gbala amɛmli, aka amɛ, akɛ klante gbe amɛ; ahã amɛwo too gwantɛŋi kɛ too abotiai awoji kɛnyiɛ, ohĩa hia amɛ, awa amɛ yi, afee amɛ niseniianii;

1 Petro 1:21

Nyɛtsɔ̃ enɔ nyɛheɔ Nyɔŋmɔ, mɔ ni tee lɛ shi kɛjɛ gbohii ateŋ ni ewo ehiɛ nyam lɛ nɔ nyɛyeɔ lɛ, no hewɔ lɛ, nyɛhemɔkɛyeli kɛ nyɛhiɛnɔkãmɔ yɛ Nyɔŋmɔ mli.

Kpojiemɔ 12:11

Ni amɛ lɛ, amɛkɛ Toobi lɛ lá lɛ kɛ amɛ diɛŋtsɛ amɛdaseyeli wiemɔ lɛ eye enɔ kunim, ni amɛdɔɔɔ amɛwala he kɛyashi gbele mli tete.