Daniel 3:27 - ŊMALƐ KRƆŊKRƆŊ LƐ

²⁷ Amraloi lɛ kɛ lumɛi lɛ kɛ akutsei anɔkwɛlɔi lɛ kɛ maŋtsɛ lɛ ajinafoi lɛ bua amɛhe naa koni amɛbakwɛ nɛkɛ gbɔmɛi etɛ̃ nɛɛ. Amɛyiteŋ tsɔi ŋalako lɛ, amɛtadei lɛ he ko eshãko lɛ, lasu tete po ejeee fu yɛ amɛhe.

Ṅmãle̱ Kroṅkroṅ Le̱

²⁷ Ni maṅtše̱ le̱ amraloi le̱ ke̱ lume̱i le̱ ke̱ akutšei anukpai le̱ ke̱ maṅtše̱ le̱ adšinafoi le̱ bua ame̱he nā ni ame̱bakwe̱ ne̱ke̱ gbomei ne̱, ni ame̱na ake̱ la le̱ náá hewale̱ ko ye̱ ame̱gbomotšei ano̱, ni ame̱yiteṅ tšo̱i ṅălãã, ni ame̱tadei le̱ tšakee, asaṅ lasũ tete edšee fũ ye̱ ame̱he. Heb. 11,34.

Daniel 3:27 ပူးပေါင်းရင်းမြစ်များ

1 Maŋtsɛmɛi 13:28

Kɛkɛ ni eyiŋ etee, ni eyana gbonyo lɛ kã gbɛ lɛ nɔ; teji lɛ kɛ jata lɛ damɔ gbonyo lɛ masɛi; jata lɛ yeko gbonyo lɛ, ni esaa etserɛko teji lɛ.

2 Maŋtsɛmɛi 19:19

No hewɔ lɛ, agbɛnɛ, bo Yehowa, wɔNyɔŋmɔ, miikpa bo fai, heremɔ wɔyiwala kɛjɛ edɛŋ, koni shikpɔŋ lɛ nɔ maŋtsɛyelii fɛɛ ana ale akɛ bo, Yehowa, okome too pɛ ji Nyɔŋmɔ.”

Lalai 83:18

Hã amɛna amɛle akɛ bo mɔ ni ogbɛi ji Yehowa lɛ, bo pɛ ji Ofe yɛ shikpɔŋ lɛ nɔ fɛɛ.

Yesaia 26:11

Ao Yehowa, owo onine nɔ, shi kɛ̃lɛ amɛnaaa. Hã amɛna joomɔ ni ojoɔ yɛ omaŋbii ahe lɛ koni amɛhiɛ agboi. Hã la ni oto hã ohenyɛlɔi lɛ akpãtã amɛhiɛ.

Yesaia 43:2

Kɛji oofo faa ni mli kwɔ lɛ, mikɛ bo yɛ; ni oofo faa hu nu lɛ esuŋ bo; Kɛji onyiɛ la mli lɛ, eshaŋ bo, ni lalilɛi lɛ kpãtãŋ ohiɛ.

Daniel 3:21

No hewɔ lɛ, afimɔ amɛ kɛ amɛheboi kɛ flakai kɛ faii kɛ atadei krokomɛi lɛ fɛɛ ni ashɛrɛ amɛ ashwie flɔnɔɔ kɛ emli la grigri lɛ mli.

Daniel 6:23

Maŋtsɛ lɛ mii shɛ ehe naakpa, ni efã akɛ ajie Daniel yɛ bu lɛ mli. Ajie Daniel yɛ bu lɛ mli ni apilako ehe ko he ko, ejaakɛ ekɛ ehiɛ fɔ̃ eNyɔŋmɔ lɛ nɔ.

Daniel 6:7

Nii, wɔ, omaŋtsɛyeli lɛ mli onukpai nɔkwɛlɔi lɛ kɛ lumɛi lɛ kɛ akutseiatsɛmɛi lɛ kɛ amraloi lɛ kɛ ajinafoi lɛ, wɔtee ajina, ni wɔkpɛ mli akɛ Nii, awo akpɔ ko, ni akwɛ akɛ aye akpɔ nɛɛ nɔ pɛpɛɛpɛ. Akpɔ nɛɛ afee akɛ kɛyaashi gbii nyɔŋmai etɛ̃ lɛ, mɔ fɛɛ mɔ ni baashi bo, Nii, osɛɛ, ni esɔle ebi nyɔŋmɔ ko loo gbɔmɔ adesa ko dɛŋ nɔ ko lɛ, ashɛ nakai mɔ lɛ afɔ̃ jatai abu lɛ mli.

Mateo 10:30

Shi nyɛyiteŋtsɔ̃i po lɛ akane fɛɛ.

Bɔfoi 26:26

ejaakɛ maŋtsɛ lɛ ni miwieɔ kɛ ekãa mitsɔ̃ɔ lɛ nɛɛ lɛ le saji nɛɛ amli; ni mikpaaa shi akɛ nibii nɛɛ eko yɛ ni akɛtee lɛ; ejaakɛ jeee teemɔ he ko afee enɛ yɛ.

Bɔfoi 27:34

No hewɔ lɛ, miikpa nyɛ fai ni nyɛye nii ejaakɛ no aaahã nyɛyi ana wala, ejaakɛ nyɛteŋ mɔ ko yitsɔi kome ejeŋ eyiteŋ enyɔŋ shi.”

Hebribii 11:34

amɛgbe la hewalɛ, amɛje klantei anaa, amɛna hewalɛ kɛjɛ gbedemɔ mli, amɛhe wa yɛ ta mli, amɛwo mɛi kpɔ̃ji ata lɛ foi.