Daniel 3:26 - ŊMALƐ KRƆŊKRƆŊ LƐ

²⁶ Kɛkɛ ni Maŋtsɛ Nebukadnezar tsi bɛŋkɛ flɔnɔɔ kɛ emli la grigri lɛ naa. Kɛkɛ ni ewo enaa nɔ, ni ekɛɛ, “Shadrak kɛ Meshak kɛ Abednego, Nyɔŋmɔ ŋwɛi flooflonyo lɛ tsuji, nyɛjea kpo yɛ la lɛ mli kɛbaa.” Kɛkɛ ni Shadrak kɛ Meshak kɛ Abednego je kpo yɛ la lɛ mli kɛba.

Ṅmãle̱ Kroṅkroṅ Le̱

²⁶ Ke̱ke̱ ni Nebukadnezar tši be̱ṅke̱ la ke̱ flõnõ ni tšoo̱ grigri le̱ nā, ni ewó enā no̱ ekē̱: Šadrak ke̱ Mešak ke̱ Abednego, nye Nyoṅmo̱ moni yo̱ ṅwei šoṅṅ le̱ tšũdši, nyedšea kpo ni nyebaä! Ke̱ke̱ ni Šadrak ke̱ Mešak ke̱ Abednego dše kpo ye̱ la le̱ mli.

Daniel 3:26 ပူးပေါင်းရင်းမြစ်များ

1 Mose 14:18

Ni Salem maŋtsɛ Melkizedek kɛ aboloo kɛ wain ba. Ŋwɛi Flooflo Nyɔŋmɔ lɛ osɔfo ji lɛ.

1 Maŋtsɛmɛi 8:51

Ejaakɛ omaŋ kɛ onii ni ojie amɛ kɛjɛ Ijipt shikpɔŋ lɛ nɔ, kɛjɛ dade flɔnɔɔ mli, ji amɛ.

Ezra 5:11

Hetoo ni amɛhã wɔ nɛ, ‘Ŋwɛi kɛ shikpɔŋ Nyɔŋmɔ lɛ tsuji ji wɔ. Wɔmiisaa shĩa ni Israel maŋtsɛ agbo ko ma ni egbe naa jeeŋmɔ afii babaoo nɛ lɛ.

Lalai 66:12

Ohã wɔhenyɛlɔi naanaa wɔnɔ; wɔtsɔ̃mɔ la kɛ fai amli, shi ojie wɔ kɛba he ni wɔfee shweshweeshwe yɛ.

Yesaia 28:16

No hewɔ lɛ, nɔ ni Nuŋtsɔ Nyɔŋmɔ kɛɔ nɛ, “Naa, mikɛ tɛ ko miima shi akɛ Zion shishitoo tɛ; eji tɛ ni aka akwɛ, koŋtɛ ni jara wa ni ma shi shiŋŋ; ni aŋma yɛ nɔ akɛ, ‘Mɔ ni heɔ yeɔ lɛ ehe kpokpoŋ.’ ”

Yesaia 52:12

Shi moŋ nyɛshĩŋ nyɛyaŋ yɛ hejojomɔ naa; ni asaŋ jeee yɛ foijee naa hu; ejaakɛ Yehowa baanyiɛ nyɛhiɛ ni Israel Nyɔŋmɔ lɛ baanyiɛ nyɛsɛɛ.

Yeremia 11:4

Kpãŋmɔ nɛɛ ji kpãŋmɔ ni mi kɛ nyɛtsɛmɛi lɛ kpãŋ, asaŋ ni miwo amɛ kitã yɛ he be ni mijie amɛ kɛjɛ Ijipt shikpɔŋ lɛ nɔ, he ni amɛhe dɔ la yɛ, tamɔ dade flɔnɔɔŋ lɛ. Mifã nyɛ akɛ nyɛbo migbee toi, ni nyɛye nibii ni mikɛɛ nyɛ lɛ fɛɛ nɔ, koni nyɛtsɔ̃ mimaŋ, ni mi hu matsɔ̃ nyɛNyɔŋmɔ,

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Daniel 3:17

Kɛji wɔNyɔŋmɔ lɛ ni wɔsɔ̃mɔɔ lɛ miisumɔ akɛ ehere wɔ yɛ flɔnɔɔ kɛ emli la ni miitso grigri lɛ mli lɛ, ebaahere wɔ; ni ebaahere wɔ yɛ odɛ̃ŋ hu.

Daniel 4:2

Esa mihiɛ akɛ okadii kɛ naakpɛɛ nibii ni Nyɔŋmɔ, ŋwɛi flooflonyo lɛ, efee yɛ mihe lɛ magba nyɛ.

Daniel 6:20

Be ni ebɛŋkɛ bu lɛ naa he ni Daniel yɔɔ lɛ, ewo egbee nɔ, ni ekɛ awerɛho gbee bo ekɛɛ akɛ, “Ao! Daniel, Nyɔŋmɔ hiɛkãalɔ lɛ tsulɔ, ani oNyɔŋmɔ lɛ ni osɔ̃mɔɔ lɛ daa lɛ enyɛ ejie bo yɛ jatai lɛ adɛŋ lo?”

Daniel 6:21

Daniel here maŋtsɛ lɛ nɔ, ni ekɛɛ lɛ akɛ, “Ao! Nii, oyi ana wala kɛya naanɔ!

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Bɔfoi 16:17

Enyiɛ wɔ kɛ Paulo sɛɛ ni ebolɔɔ akɛ, “Nɛkɛ gbɔmɛi nɛɛ, Nyɔŋmɔ ni yɔɔ ŋwɛi shɔŋŋ lɛ tsuji ji amɛ, ni amɛmiijaje yiwalaheremɔ gbɛ lɛ amɛmiitsɔ̃ɔ nyɛ.”

Bɔfoi 16:37

Shi Paulo kɛɛ amɛ akɛ, “Wɔ ni Romabii ji wɔ ni abuko wɔ fɔ lɛ, amɛyi wɔ yɛ jara nɔ, ni amɛwo wɔ tsuŋ hu; ni kpaako amɛshwieɔ wɔ nigii lo? Dabida, shi moŋ amɛ diɛŋtsɛ amɛba ni amɛbajie wɔ.”

Bɔfoi 27:23

Ejaakɛ nyɔɔŋ nɛɛ mli lɛ Nyɔŋmɔ mɔ nɔ ni mi ji kɛ mɔ hu ni misɔ̃mɔɔ lɛ bɔfo badamɔ mimasɛi

Galatabii 1:10

Ejaakɛ be nɛ lɛ, gbɔmɛi ahiɛ gbɛ mitaoɔ loo Nyɔŋmɔ hiɛ gbɛ? Aloo miitao gbɔmɛi ahiɛ masa? Ejaakɛ kɛ mikã he miitao masa gbɔmɛi ahiɛ lɛ, jeee Kristo tsulɔ ji mi.

5 Mose 4:20

Shi nyɛ lɛ, Yehowa yakpɔ̃ nyɛ yɛ Ijipt, kɛje dade flɔnɔɔ lɛ mli, koni nyɛbatsɔ̃ lɛ diɛŋtsɛ ewebii tamɔ bɔ ni nyɛyɔɔ ŋmɛnɛ gbi nɛɛ lɛ.

Yoshua 3:17

Be ni Israelbii lɛ fɛɛ nyiɛ shikpɔŋ gbiŋ nɔ kɛfoɔ faa lɛ, osɔfoi lɛ ni tere Yehowa Kpãŋmɔ Adeka lɛ wa damɔ shikpɔŋ gbiŋ nɔ yɛ Yordan teŋ tuuŋtu kɛyashi beyinɔ ni maŋ muu lɛ fɛɛ fo faa lɛ tã.

Yoshua 4:10

Osɔfoi lɛ ni tere Kpãŋmɔ Adeka lɛ wa damɔ shi yɛ Yordan teŋ kɛyashi beyinɔ ni agbe nɔ fɛɛ nɔ ni Yehowa fã Yoshua akɛ ekɛɛ maŋ lɛ koni afee lɛ naa, tamɔ bɔ ni Mose fã Yoshua lɛ pɛpɛɛpɛ. Israelbii lɛ ahe fee oya kɛfo faa lɛ.

Kpojiemɔ 19:5

Ni gbee ko jɛ maŋtsɛ sɛ̃i lɛ mli kɛɛ, “Nyɛjiea wɔNyɔŋmɔ lɛ yi, nyɛ mɛi ni ji etsuji lɛ fɛɛ kɛ nyɛ mɛi ni nyɛsheɔ lɛ gbeyei, mɛi bibii kɛ mɛi wuji lɛ fɛɛ!”