Daniel 3:24 - ŊMALƐ KRƆŊKRƆŊ LƐ

²⁴ Maŋtsɛ Nebukadnezar naa kpɛ ehe, ni ete shi oya, ni ebi ejinafoi lɛ akɛ, “Ani jeee gbɔmɛi etɛ̃ wɔfimɔ ni wɔshɛrɛ amɛ wɔshwie la lɛ mli lɛ?” Ajinafoi lɛ here nɔ, ni amɛkɛɛ maŋtsɛ lɛ akɛ, “Nii, nakai ni.”

Ṅmãle̱ Kroṅkroṅ Le̱

²⁴ Ke̱ke̱ ni maṅtše̱ Nebukadnezar nā kpe̱ ehe, ni ete ši oyá, ni ekē̱ edšinafoi le̱ ake̱: Ani dšee mei etẽ wo̱fĩmo̱ wo̱wo la le̱ mli le̱? Ame̱here no̱ ni ame̱kē̱ maṅtše̱ le̱ ake̱: Eye̱ṅ, maṅtše̱!

Daniel 3:24 ပူးပေါင်းရင်းမြစ်များ

2 Kronika 22:4

Efee efɔŋ yɛ Yehowa hiɛ tamɔ Ahab fee lɛ, ejaakɛ etsɛ Yehoram gbele sɛɛ lɛ, Ahab we lɛ mli ajɛ ni awoɔ lɛ ŋaa ni naagbee mli aahu lɛ no kpãtã ehiɛ lɛ.

Daniel 3:17

Kɛji wɔNyɔŋmɔ lɛ ni wɔsɔ̃mɔɔ lɛ miisumɔ akɛ ehere wɔ yɛ flɔnɔɔ kɛ emli la ni miitso grigri lɛ mli lɛ, ebaahere wɔ; ni ebaahere wɔ yɛ odɛ̃ŋ hu.

Daniel 3:23

Nɛkɛ gbɔmɛi etɛ̃, ni ji Shadrak kɛ Meshak kɛ Abednego, nɛɛ yashwie flɔnɔɔ kɛ emli la ni tsoɔ grigri lɛ mli bɔ ni afimɔ amɛ lɛ nɔŋŋ.

Daniel 3:25

Nebukadnezar kɛɛ amɛ akɛ, “Miina gbɔmɛi ejwɛ yɛ la lɛ mli. Afimɔko amɛ, ni la lɛ efeee amɛ nɔ ko nɔ ko; ni mɔ ni gbe yi fee ejwɛ lɛ, su tamɔ bɔfo.”

Daniel 4:22

“Nii, bo ji nakai tso lɛ. Bo lɛ oda, ni ohe wa. Oda aahu kɛyashɛ ŋwɛi, ni ohewalɛ miiye je lɛ fɛɛ nɔ.

Daniel 4:27

No hewɔ lɛ, Maŋtsɛ, mɔ ŋaa ni mawo bo nɛɛ mli. Kpa eshafeemɔ koni ofee nɔ ni ja. Naa ohiafoi amɔbɔ akɛ aleenɔ no aaahã ohe ajɔ bo lo.”

Daniel 5:18

“Maŋtsɛ, Nyɔŋmɔ mɔ ni yɔɔ ŋwɛi shɔŋŋ lɛ hã otsɛ Nebukadnezar tsɔ̃ maŋtsɛ wulu ni yɔɔ hewalɛ kɛ agbojee kɛ anunyam kpeteŋkple;

Daniel 5:6

Maŋtsɛ lɛ hiɛ tsake amrɔ, ni etsui fã, ni eshe gbeyei bɔ sɔŋŋ ni etalɔiaŋ jɔ biɛɛ, ni enakutsei kpokpo.

Daniel 6:22

MiNyɔŋmɔ lɛ etsu ebɔfo lɛ kɛba, ni ebaŋamɔ jatai lɛ anaabu, ni no hewɔ lɛ, amɛyeko mi awui ko, ejaakɛ yɛ lɛ ehiɛ lɛ miyeɔ bem, ni bo Nii hu, mitɔ̃ko onɔ.”

Daniel 6:7

Nii, wɔ, omaŋtsɛyeli lɛ mli onukpai nɔkwɛlɔi lɛ kɛ lumɛi lɛ kɛ akutseiatsɛmɛi lɛ kɛ amraloi lɛ kɛ ajinafoi lɛ, wɔtee ajina, ni wɔkpɛ mli akɛ Nii, awo akpɔ ko, ni akwɛ akɛ aye akpɔ nɛɛ nɔ pɛpɛɛpɛ. Akpɔ nɛɛ afee akɛ kɛyaashi gbii nyɔŋmai etɛ̃ lɛ, mɔ fɛɛ mɔ ni baashi bo, Nii, osɛɛ, ni esɔle ebi nyɔŋmɔ ko loo gbɔmɔ adesa ko dɛŋ nɔ ko lɛ, ashɛ nakai mɔ lɛ afɔ̃ jatai abu lɛ mli.

Bɔfoi 12:13

Ni be ni Petro shi agbo lɛ, oblayoo ko ni atsɛɔ lɛ Roda lɛ ba toiboo;

Bɔfoi 26:13

ni shwane fintiŋŋ, be ni minyiɛ gbɛ lɛ nɔ lɛ, Maŋtsɛ, mina la ko ni kpɛɔ fe hulu jɛ ŋwɛi babɔle mi kɛ mɛi ni kɛ mi nyiɛ lɛ.

Bɔfoi 26:27

Nto oheɔ gbalɔi lɛ oyeɔ, Maŋtsɛ Agripa? Mile akɛ oheɔ oyeɔ.”

Bɔfoi 9:6

Ni ekɛ hekpokpomɔ kɛ ŋmiŋmi kɛɛ akɛ, “Nuŋtsɔ, mɛni otaoɔ akɛ mifee?” Ni Nuŋtsɔ lɛ kɛɛ lɛ akɛ, “Tee shi ni oya maŋ lɛ mli, ni aaatsɔ̃ɔ bo nɔ ni sa akɛ ofee.”

1 Samuel 17:55

Be ni Saul kwɛɔ David yisɛɛ be ni eyaa koni ekɛ Goliat ayakpe lɛ, ebi tatsɛ Abner akɛ, “Abner, namɔ bi ji nɛkɛ oblanyo nɛɛ?” Abner to he akɛ, “Nii, mina onane akɛ mileee,”