Daniel 3:19 - ŊMALƐ KRƆŊKRƆŊ LƐ

¹⁹ Kɛkɛ ni Maŋtsɛ Nebukadnezar mli wo la fe nine, ni ehiɛ tsake ewo Shadrak kɛ Meshak kɛ Abednego. Amrɔ nɔŋŋ pɛ ni efã akɛ awo flɔnɔɔ lɛ mli la koni edɔ toi kpawo fe bɔ ni ahãa edɔɔ daa lɛ.

Ṅmãle̱ Kroṅkroṅ Le̱

¹⁹ Ke̱ke̱ ni Nebukadnezar mli wo la naakpa, ni ehĩe tšake sro̱to ko ewo Šadrak, Mešak ke̱ Abednego, ni efã́ ake̱ ame̱hã flõnõ le̱ ado̱ toi kpawo fè be̱ni ahãa edo̱ö̱ dā le̱.

Daniel 3:19 ပူးပေါင်းရင်းမြစ်များ

1 Mose 31:2

Agbɛnɛ Yakob na akɛ gbii etɛ̃ nɛɛ Laban tseee ehiɛ ehãaa lɛ dɔŋŋ tamɔ sa lɛ.

Ester 3:5

Ni be ni Haman na akɛ Mɔdekai kulãaa shi haaa lɛ, ni ekotooo lɛ lɛ, Haman mli fu naakpa.

Ester 7:7

Maŋtsɛ lɛ te shi kɛ mlifu kɛshi okplɔ̃ lɛ he kɛtee trom ni yɔɔ maŋtsɛ we lɛ he lɛ mli. Haman na maŋtsɛ lɛ hiŋmɛi sha akɛ kɛji ena lɛ Haman lɛ efɔŋ lɛ, eeefee. No hewɔ lɛ, Haman te shi koni ekpa Maŋnyɛ Ester fai koni akɛ ewala ake lɛ.

Lalai 76:10

Gbɔmɔ adesã mlila tete aaajie oyi. Mɛi ni aaaje gbele mli yɛ ta lɛ mli lɛ, aaaye ogbii juji lɛ.

Abe̱i 16:14

Kɛji maŋtsɛ mli fu lɛ, gbele aaanyɛ ajɛ mli aba; shi nilelɔ jɔɔ maŋtsɛ tsui he.

Abe̱i 21:24

Mɔ ni woɔ ehe, ni etsɛɔ ehe, ni etsɔ̃ɔ ehe lɛ, atsɛɔ lɛ “hefɛoyelɔ.”

Yesaia 51:23

Maŋɔ maha nyɛhaolɔi lɛ, mɛi ni kɛɔ nyɛ akɛ, ‘Nyɛkamɔa shi koni wɔnyiɛa nyɛnɔ kɛhoa.’ Ni nyɛtsɔ tamɔ gbɛjegbɛ koni wɔnyiɛ nyɛnɔ lɛ.”

Daniel 2:12

Hetoo nɛɛ hã Maŋtsɛ Nebukadnezar mli fu, ni emli wo la naakpa. Kɛkɛ ni efã akɛ agbe nilelɔi ni yɔɔ maŋtsɛ he lɛ fɛɛ yɛ Babilon shikpɔŋ lɛ nɔ.

Daniel 3:13

Maŋtsɛ Nebukadnezar kɛ mlifu kɛ mlila fã akɛ ayaŋɔ Shadrak kɛ Meshak kɛ Abednego kɛba; ni ayaŋɔ gbɔmɛi nɛɛ kɛba maŋtsɛ lɛ hiɛ.

Daniel 3:20

Efã asraafoi hewalɔi komɛi hu akɛ amɛfimɔ Shadrak kɛ Meshak kɛ Abednego koni amɛyashɛrɛ amɛ amɛshwie flɔnɔɔ kɛ emli la ni tsoɔ grigri lɛ mli.

Daniel 5:6

Maŋtsɛ lɛ hiɛ tsake amrɔ, ni etsui fã, ni eshe gbeyei bɔ sɔŋŋ ni etalɔiaŋ jɔ biɛɛ, ni enakutsei kpokpo.

Daniel 6:24

Kɛkɛ ni maŋtsɛ lɛ fã, ni ayamɔmɔ mɛi ni yafolɔ Daniel naa hã maŋtsɛ lɛ kɛba, ni ashɛrɛ amɛ ashwie jatai abu lɛ mli, amɛ kɛ amɛbii kɛ amɛŋamɛi fɛɛ. Gbɔmɛi nɛɛ shɛɛɛ bu lɛ shishi tete ni jatai lɛ mɔmɔ amɛ ni amɛjwara amɛwui amli.

3 Mose 26:18

“Ni kɛji enɛɛmɛi fɛɛ asɛɛ lɛ, nyɛbooo mi toi lolo lɛ, no lɛ mibagbala nyɛtoi ekoŋŋ shii kpawo yɛ nyɛtɔ̃mɔi lɛ ahewɔ,

3 Mose 26:21

“Kɛji nyɛfeee nɔ ni mi mitaoɔ, ni nyɛtee nɔ nyɛbooo mi toi lɛ, mayanɔ magbala nyɛtoi shii kpawo fe tsutsu lɛ yɛ nyɛtɔ̃mɔi lɛ anaa.

3 Mose 26:24

no lɛ mi hu mate shi mawo nyɛ, ni magbala nyɛtoi shii kpawo fe tsutsu lɛ yɛ nyɛtɔ̃mɔi lɛ ahewɔ.

3 Mose 26:28

no lɛ mi hu mate shi mawo nyɛ kɛ mlila, ni magbala nyɛtoi shii kpawo fe tsutsu lɛ yɛ nyɛtɔ̃mɔi lɛ ahewɔ.

Bɔfoi 5:33

Shi be ni amɛnu lɛ ewo amɛmli la ni amɛto amɛyiŋ akɛ amɛaagbe amɛ.

Bɔfoi 7:54

Shi be ni amɛnu nɛkɛ wiemɔi nɛɛ lɛ, etsurɔ amɛtsuiiaŋ, ni amɛkpe amɛnyanyɔji ashishi kɛ mlifu.