Daniel 3:1 - ŊMALƐ KRƆŊKRƆŊ LƐ

¹ Maŋtsɛ Nebukadnezar hã afee shika amãgã ko ni ekwɔlɛ ji ninetalɔi nyɔŋmai ekpaa, kɛ elɛɛmɔ hu ninetalɔi ekpaa. Afee amãgã nɛɛ ama shi yɛ Dura ŋa lɛ nɔ yɛ Babilon kpokpai lɛ anɔ.

Ṅmãle̱ Kroṅkroṅ Le̱

¹ Ni maṅtše̱ Nebukadnezar fe šika amãgã ni ekwo̱le̱ dši ninetalo̱i nyoṅmai-ekpa ni elē̱mo̱ dši ninetalo̱i ekpa, ni eke̱-mã ši ye̱ Dura ṅā le̱ no̱ ye̱ Babel šikpoṅ le̱ no.

Daniel 3:1 ပူးပေါင်းရင်းမြစ်များ

1 Maŋtsɛmɛi 12:28

No hewɔ lɛ, be ni maŋtsɛ lɛ ejwɛŋ sane lɛ he sɛɛ lɛ, efee shika tsinabii amãgãi enyɔ, ni ekɛɛ emaŋbii lɛ akɛ, “Shii abɔ ni nyɛyaa Yerusalɛm nyɛyajaa lɛ efa. Ao Israel, naa onyɔŋmɔi ni yajie bo kɛjɛ Ijipt shikpɔŋ lɛ nɔ lɛ!”

Ester 1:1

Maŋtsɛ Ahashwerosh ye shikpɔji oha kɛ nyɔŋmai enyɔ kɛ kpawo anɔ akɛ maŋtsɛ kɛjɛ India aahu kɛyashi Etiopia.

Lalai 135:15

Jeŋmaji lɛ amãgãi lɛ jwiɛtɛi kɛ shika ni, gbɔmɛi aninenaa nitsumɔi ni.

2 Mose 20:23

Nyɛkafea mihenɔ jwiɛtɛi loo shika amãgãi; nyɛkafea eko eko nyɛhãa nyɛhe koni nyɛja amɛ nyɛfata mihe.

2 Mose 32:31

Ni Mose ku esɛɛ etee Yehowa ŋɔɔ, ni ekɛɛ, “Ao, maŋ nɛɛ efee esha kpeteŋkple diɛŋtsɛ akɛ amɛfee shika amãgã amɛhã amɛhe.

Yesaia 2:20

Nakai gbi lɛ gbɔmɛi baasherɛ amɛshika amãgãi kɛ jwiɛtɛi amãgãi ni amɛfee amɛhã amɛhe ni amɛjaa lɛ amɛshwie amɛhã obishii kɛ aputupatai.

Yesaia 30:22

Kɛkɛ lɛ nyɛaabule nyɛmãgãi ni ashwie he jwiɛtɛi kɛ amãgãi ni ashwie he shika lɛ hu. Nyɛaashɛrɛ amɛ nyɛshwie tamɔ nibii ni ahe tseee; nyɛaakɛɛ akɛ, “Aloo amɛ ashwie kɛje wɔhiɛ.”

Yesaia 46:6

Mɛi ni fɔseɔ shika kɛjɛɔ flɔtɔ mli shwieɔ shi, ni amɛŋmɛɔ jwiɛtɛi yɛ nsɛni mli lɛ, amɛbɔɔ shikaŋaalɔ apaa, ni efeɔ nyɔŋmɔ ko ehãa amɛ, ni amɛhoɔ amɛkotoɔ shi, ni amɛjaa lɛ.

Yeremia 10:9

Akɛ jwiɛtɛi ni atswia jɛɔ Tarshish baa, ni akɛ shika jeɔ Ufaz baa. Tsoŋaalɔ kɛ shikaŋaalɔ ninenaa nitsumɔi ni. Abuɔ amɛ mama bluu kɛ mama afaseo tsuru, ŋaalɔi ni ahe esa aninenaa nitsumɔ sɔŋŋ ni.

Yeremia 16:20

Aso gbɔmɔ adesa aaanyɛ nyɔŋmɔi efee ehã lɛ diɛŋtsɛ ehe? Nɔ ni eeefee lɛ jeee nyɔŋmɔ ni.”

Daniel 2:48

Agbɛnɛ Maŋtsɛ Nebukadnezar wo Daniel nɔ, ni ehã lɛ gbɛnaa grɔŋŋ, ni ekekee lɛ nibii wuji babaoo hu, ni efee lɛ Babilon kpokpai lɛ anɔkwɛlɔ, asaŋ kɛ maŋtsɛ lɛ he ŋaawolɔi lɛ fɛɛ anukpa yɛ maŋtsɛwe lɛ.

Daniel 2:49

Daniel bi maŋtsɛ lɛ, ni maŋtsɛ lɛ ŋɔ Shadrak kɛ Meshak kɛ Abednego eto Babilon kpokpai lɛ anɔ nitsumɔi lɛ anɔ; shi Daniel lɛ, lɛ lɛ ehi maŋtsɛwe lɛ.

Daniel 3:14

Maŋtsɛ Nebukadnezar kɛɛ amɛ akɛ, “Shadrak kɛ Meshak kɛ Abednego, ani eyɛ mli anɔkwale akɛ nyɛsɔmɔ̃ɔɔ minyɔŋmɔi lɛ, ni nyɛjaaa shika amãgã lɛ ni mifee mima shi lɛ lo?

Daniel 3:30

Kɛkɛ ni maŋtsɛ lɛ hã Shadrak kɛ Meshak kɛ Abednego gbɛnaa yɛ Babilon kpokpai lɛ anɔ.

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Daniel 5:4

Be ni amɛnuɔ dãa lɛ, amɛkafo nyɔŋmɔi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ fɛɛ.

Hosea 2:8

Te eŋɔɔɔ nɔ akɛ mi ji mɔ ni hã lɛ abele kɛ wain kɛ mu kɛ jwiɛtɛi kɛ shika lɛ fɛɛ ni amɛkɛjaa jemawɔŋ Baal lɛ.

Hosea 8:4

“Amɛto maŋtsɛmɛi, shi jeee mi minɔ amɛtsɔ̃; ni amɛhole lumɛi hu ni mileee mli eko kwraa. Amɛkɛ amɛjwiɛtɛi kɛ amɛshika fee amãgãi ni baakpãtã amɛ nɔŋŋ amɛhiɛ.

Habakuk 2:19

Kpoo hã bo mɔ ni okɛɔ tso akɛ, “Ohiɛ atsɛ̃!” Ni okɛɔ tɛ mumui hu akɛ, “Tee shi!” Ani amãgã baanyɛ ejie ninaa atsɔ̃ɔ bo? Naa, akɛ shika kɛ jwiɛtɛi baaha ehe nɛ, shi moŋ wala kome nɛkɛ bɛ emli.

Bɔfoi 17:29

Shi kɛ Nyɔŋmɔ shwiei ji wɔ lɛ, esaaa akɛ wɔsusuɔ akɛ Nyɔŋmɔ su lɛ tamɔ shika loo jwiɛtɛi loo tɛ ko ni gbɔmɔ kɛ eŋaa kɛ ejwɛŋmɔ fee.

Bɔfoi 19:26

Ni nyɛsaa nyɛmiina ni nyɛmiinu akɛ jeee Efeso nɛɛ kɛkɛ, shi moŋ shwɛ fioo ni Asia fɛɛ lɛ, Paulo nɛɛ ehã mɛi babaoo ayiŋ etsɔ̃, ni ekpale amɛ; ekɛɔ akɛ nii ni akɛ niji fee lɛ jeee nyɔŋmɔi ni.

5 Mose 7:25

Nyɛmamɔa amɛnyɔŋmɔi ni ji amãgãi lɛ anaa la nyɛshãa. Nyɛhiɛ akakɔ̃a jwiɛtɛi loo shika ni yɔɔ nibii nɛɛ ahe lɛ anɔ ni nyɛŋɔ eko nyɛhã nyɛhe, koni no akafee kaa miihã nyɛ, ejaakɛ musu nii ni hã Yehowa, nyɛNyɔŋmɔ lɛ.

Kpojiemɔ 9:20

Ni gbɔmɛi ni shwɛ ni nɛkɛ haomɔi nɛɛ egbeee amɛ lɛ, amɛtsakeee amɛtsui yɛ amɛdiɛŋtsɛ amɛnine naa nitsumɔi lɛ ahe. Amɛfɔ̃ɔɔ mumɔi fɔ̃ji kɛ shika kɛ jwiɛtɛi kɛ ayawa kɛ tɛ kɛ tso amãgãi ni nyɛɛɛ amɛna nii loo amɛnu nii loo amɛnyiɛ lɛ ajamɔ.