Daniel 2:48 - ŊMALƐ KRƆŊKRƆŊ LƐ

⁴⁸ Agbɛnɛ Maŋtsɛ Nebukadnezar wo Daniel nɔ, ni ehã lɛ gbɛnaa grɔŋŋ, ni ekekee lɛ nibii wuji babaoo hu, ni efee lɛ Babilon kpokpai lɛ anɔkwɛlɔ, asaŋ kɛ maŋtsɛ lɛ he ŋaawolɔi lɛ fɛɛ anukpa yɛ maŋtsɛwe lɛ.

Ṅmãle̱ Kroṅkroṅ Le̱

⁴⁸ Ke̱ke̱ ni maṅtše̱ le̱ fe Daniel gbomo agbo, *ni ekele̱ nii wudši babaō, ni ewole̱ no̱yelo̱ ye̱ Babel šikpoṅ le̱ fẽ no̱, ke̱ Babel nilelo̱i le̱ fẽ no̱ onukpa. *K. 8.

Daniel 2:48 ပူးပေါင်းရင်းမြစ်များ

2 Samuel 19:32

Barzilai egbɔ naakpa, eye afii nyɔŋmai kpaanyɔ. Niiatsɛ kpanaa ji lɛ, ni be mli ni Maŋtsɛ David yɔɔ Mahanaim lɛ, ebahãa lɛ niyenii.

2 Maŋtsɛmɛi 5:1

Siria maŋtsɛ lɛ yɛ asafoiatsɛnukpa ko ni atsɛɔ lɛ Naaman; gbɔmɔ wulu ji lɛ, ni enuŋtsɔ maŋtsɛ lɛ buɔ lɛ ejaakɛ lɛ enɔ Yehowa tsɔ̃ ehã Siriabii lɛ ye kunim. Eyɛŋ akɛ eji asraafonyo kãkãlɔ kpanaa nɛ, shi eeye kpiti.

Hiob 1:3

Eyɛ toi akpei kpawo kɛ yoomai akpei etɛ̃ kɛ tsinai akpe kɛ teji yei ohai enumɔ kɛ tsuji babaoo diɛŋtsɛ. No hewɔ lɛ, Hiob ji bokãgbɛbii lɛ ateŋ niiatsɛ fe fɛɛ.

Yeremia 5:5

Maya gbɔmɛi wuji lɛ aŋɔɔ koni mikɛ amɛ ayawie; ejaakɛ amɛ lɛ, amɛle jeŋba gbɛ ni Yehowa kpaa, ni ji amɛNyɔŋmɔ lɛ mla lɛ.” Shi amɛ fɛɛ kwa amɛkwa Yehowa nɔyeli lɛ. amɛtserɛ nɔyeli kpãi ni fimɔ amɛ lɛ.

Daniel 2:6

Shi kɛji nyɛnyɛ nyɛtsɔ̃ɔ mi nɔ lamɔ ni mila lɛ, ni nyɛtsɔ̃ɔ eshishi hu lɛ, no lɛ mibake nyɛ nibii babaoo; asaŋ mibawo nyɛhiɛ nyam hu jogbaŋŋ. Agbɛnɛ nyɛtsɔa mi nɔ lamɔ ni mila lɛ kɛ eshishi hu.”

Daniel 3:1

Maŋtsɛ Nebukadnezar hã afee shika amãgã ko ni ekwɔlɛ ji ninetalɔi nyɔŋmai ekpaa, kɛ elɛɛmɔ hu ninetalɔi ekpaa. Afee amãgã nɛɛ ama shi yɛ Dura ŋa lɛ nɔ yɛ Babilon kpokpai lɛ anɔ.

Daniel 3:12

Yudafoi lɛ ni oŋɔ amɛ oto Babilon kpokpai lɛ anɔ nitsumɔi lɛ anɔ lɛ yeee okpɔ nɛɛ nɔ. Gbɔmɛi nɛɛ ji Shadrak kɛ Meshak kɛ Abednego.”

Daniel 3:30

Kɛkɛ ni maŋtsɛ lɛ hã Shadrak kɛ Meshak kɛ Abednego gbɛnaa yɛ Babilon kpokpai lɛ anɔ.

Daniel 4:6

No hewɔ lɛ, mifã akɛ atsɛ nilelɔi ni yɔɔ Babilon shikpɔŋ lɛ nɔ lɛ fɛɛ kɛba mihiɛ, koni amɛbatsɔ̃ɔ mi lamɔ lɛ shishi.

Daniel 4:9

‘Belteshazar, klalɔi fɛɛ atsɛ, mile akɛ nyɔŋmɔi krɔŋkrɔŋi lɛ amumɔ yɛ omli, ni teemɔŋ sane ko teemɔŋ sane ko waaa hãaa bo; lamɔ ni mila lɛ nɛ; tsɔ̃ɔmɔ mi eshishi.’

Daniel 5:11

Nuu ko yɛ omaŋtsɛyeli nɛɛ mli ni nyɔŋmɔi krɔŋkrɔŋi lɛ amumɔ yɔɔ emli. Otsɛ yinɔ lɛ gbɔmɔ nɛɛ jie hiɛshikãmɔ kɛ nilee kɛ jwɛŋmɔ kpo tamɔ nyɔŋmɔi lɛ anilee yɔɔ lɛ. No hewɔ lɛ, otsɛ, Maŋtsɛ Nebukadnezar, wo lɛ woloŋlelɔi kɛ klamɔfoi kɛ ashwãifeelɔi kɛ ŋulamiiaŋkwɛlɔi fɛɛ anukpa.

Daniel 5:16

Minu ohe akɛ onyɛɔ onaa teemɔŋ nibii, ni otsɔ̃ɔ shishi. Kɛji ooonyɛ niŋmaa nɛɛ okane koni otsɔ̃ɔ mi eshishi lɛ, abaawula bo kɛ lumɔ atade afaseo kɛ shika kɔsɔŋkɔsɔ kuɛnii, ni obaatsɔ nɔyelɔ ni ji etɛ̃ yɛ maŋtsɛyeli lɛ mli.”

Daniel 5:29

Maŋtsɛ Belshazar fã amrɔ lɛ nɔŋŋ, akɛ awula Daniel kɛ lumɔ atade afaseo, kɛ shika kɔsɔŋkɔsɔ kuɛnii hu; asaŋ ashiɛ akɛ Daniel ji nɔyelɔ ni ji etɛ̃ yɛ maŋtsɛyeli lɛ mli.

Daniel 5:7

Maŋtsɛ lɛ bo waa akɛ ayaŋɔ ashwãifeelɔi lɛ kɛ klalɔi lɛ kɛ ŋulamiiaŋkwɛlɔi lɛ abahã lɛ. Be ni Babilon nilelɔi nɛɛ ba lɛ, maŋtsɛ lɛ kɛɛ amɛ akɛ, “Mɔ ni baanyɛ gbogbo nɛɛ he niŋmaa nɛɛ ekane, ni asaŋ etsɔ̃ɔ mi eshishi lɛ, abaawula lɛ kɛ lumɔ atade afaseo kɛ shika kɔsɔŋkɔsɔ kuɛnii. Ebaatsɔ̃ nɔyelɔ ni ji etɛ̃ yɛ mimaŋtsɛyeli lɛ mli.”

Daniel 8:27

Sane nɛɛ hã, mi Daniel, mifee vii; ni mihe ye be saŋŋ; kɛkɛ ni mite shi, ni mitee miyatsa nitsumɔ ni maŋtsɛ kɛwo midɛŋ lɛ nɔ. Mihe jɔ̃ mihe yɛ ninaa nɛɛ hewɔ; ni minuuu shishi.

4 Mose 24:11

No hewɔ lɛ, kuu osɛɛ ni oya omaŋ. Mito miyiŋ akɛ majuro bo; shi Yehowa etsi juromɔ ni majuro bo lɛ naa.”

1 Samuel 17:25

Wiemɔ fo shi fee sɛɛ yɛ Israelbii lɛ ateŋ akɛ, “Bɛ nyɛmiina nuu lɛ ni efã kpo lɛ, eeba ebabɔ Israel ahora. Naa, mɔ ni baanyɛ lɛ egbe lɛ maŋtsɛ baahã mɔ lɛ atsɔ̃ niiatsɛ wulu, asaŋ maŋtsɛ kɛ ebiyoo baahã lɛ gbãlã; no sɛɛ hu lɛ abaahã lɛ kɛ eweku fɛɛ akpa toowoo yɛ Israel.”

1 Samuel 2:8

Eteɔ ohiafo shi kɛjɛɔ mlu mli, ni ewoɔ mɔ ni efi lɛ nɔ yɛ tumo nɔ, koni amɛ kɛ abladei atara shi, ni amɛna sɛii ni yɔɔ nyam anɔ amɛtara, ejaakɛ je lɛ shishitoo lɛ enɔ ni, ni lɛ etswa je lɛ ema nɔ.

1 Samuel 25:2

Nuu ko hi shi yɛ Moan, shi enitsumɔhe yɛ Karmel. Niiatsɛ kpanaa ji lɛ; eyɛ too gwantɛŋi akpei etɛ̃ kɛ abotiai hu akpe, ni eeku etoi lɛ ahe tsɔi be nɛɛ mli yɛ Karmel.