Daniel 2:47 - ŊMALƐ KRƆŊKRƆŊ LƐ

⁴⁷ Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Ṅmãle̱ Kroṅkroṅ Le̱

⁴⁷ Maṅtše̱ le̱ here Daniel no̱ ni ekē̱: Le̱le̱ṅ ake̱ nye-Nyoṅmo̱ le̱ *dši nyoṅmo̱i a-Nyoṅmo̱ ke̱ maṅtše̱mei anuṅtšo̱ ke̱ tēmo̱sãdši akpodšielo̱, ake̱ noni onyẽ odšie ne̱ke̱ tēmosane ne̱ kpo ne̱. *3,29. Ios. 2,11. Lal 86,8. Ies. 52,8. 9.

Daniel 2:47 ပူးပေါင်းရင်းမြစ်များ

1 Mose 41:39

No hewɔ lɛ, Farao kɛɛ Yosef akɛ, “Akɛni Nyɔŋmɔ ejie enɛ fɛɛ kpo etsɔ̃ɔ bo lɛ, belɛ, mɔ ko mɔ ko bɛ ni hiɛ kã shi ni le nii tamɔ bo.

2 Maŋtsɛmɛi 5:15

Kɛkɛ ni Naaman ku esɛɛ eba Nyɔŋmɔ gbɔmɔ lɛ ŋɔɔ ekoŋŋ, lɛ kɛ emɛi ni nyiɛ esɛɛ lɛ fɛɛ. Eba ni ebadamɔ shi yɛ Elisha hiɛ, ni ekɛɛ lɛ akɛ, “Naa, kpaako mina mile akɛ shikpɔŋ lɛ nɔ fɛɛ lɛ, nyɔŋmɔ ko nyɔŋmɔ ko bɛ ni tamɔ Israel Nyɔŋmɔ lɛ; no hewɔ lɛ, ofainɛ ni ohe otsulɔ dɛŋ nikeenii ko.”

Hiob 12:19

Ekpɔlɔɔ osɔfoi ahewulamɔnii yɛ amɛhe, ni ebaa mɛi ni hiɛ hewalɛ shi.

Lalai 136:2

Oo, nyɛdaa nyɔŋmɔi aNyɔŋmɔ lɛ shi; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 136:3

Oo, nyɛdaa nuŋtsɔmɛi aNuŋtsɔ lɛ shi; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 72:11

Maŋtsɛmɛi fɛɛ aaakoto lɛ, majimaji fɛɛ kwa aaasɔmɔ lɛ.

Lalai 82:1

Naa Nyɔŋmɔ ta ŋwɛi gwabɔɔ wulu lɛŋ; eta nyɔŋmɔi lɛ ateŋ eekojo.

Lalai 96:4

Ejaakɛ Yehowa je agbo, ni esa yijiemɔ babaoo, ni esa akɛ asheɔ lɛ gbeyei fe nyɔŋmɔi fɛɛ.

Ezekiel 26:7

Bɔ ni Nuŋtsɔ Yehowa kɛɔ nɛ, “Naa, maha Babilon maŋtsɛ Nebukadnezar, ni ji maŋtsɛmɛi amaŋtsɛ lɛ, kɛ okpɔŋɔi kɛ shwiilii kɛ okpɔŋɔnɔtalɔi kɛ asraafoi babaoo ajɛ kooyigbɛ abatua Tiro.

Daniel 11:36

“Siria maŋtsɛ lɛ baafee nɔ ni lɛ etsui taoɔ, ni ebaawo ehe nɔ. Ebaatsɛ ehe agbo fe nyɔŋmɔ fɛɛ nyɔŋmɔ, ni eeewie hepupuumɔ wiemɔ tete eshi nyɔŋmɔi aNyɔŋmɔ Ofe lɛ. Ebaaya nɔ nɛkɛ aahu kɛyaashi Nyɔŋmɔ emiŋ ŋɔɔ dɔŋŋ, ni agbɛnɛ Nyɔŋmɔ baagbala etoi. Nɔ ni Nyɔŋmɔ eto akɛ ebaafee lɛ lɛ, ebaana efee lɛ.

Daniel 2:19

Ajie teemɔŋ sane lɛ shishi atsɔ̃ɔ Daniel yɛ ninaa mli nyɔɔŋ, ni Daniel jie Nyɔŋmɔ ni yɔɔ ŋwɛi lɛ yi.

Daniel 2:22

ejieɔ saji ni mli kwɔlɔ kɛ nibii ni akɛtee kpo etsɔ̃ɔ; ele nii ni yɔɔ duŋ mli, ni he ni eyɔɔ lɛ jɛi la yɔɔ.

Daniel 2:28

Shi moŋ Nyɔŋmɔ ko yɛ ŋwɛi ni ejieɔ teemɔŋ nibii kpo etsɔ̃ɔ; ni lɛ ji mɔ ni ejie nɔ ni baaba wɔsɛɛ lɛ etsɔ̃ɔ Maŋtsɛ Nebukadnezar lɛ. Lamɔ lɛ ni ola, ni ji ninaa ni ajie atsɔ̃ɔ bo be ni okã osaa lɛ nɔ, lɛ nɛ,

Daniel 2:29

“Be mli ni Maŋtsɛ kã shi ni ewɔɔ lɛ, ela nibii ni baaba wɔsɛɛ; ni Nyɔŋmɔ mɔ ni jieɔ teemɔŋ nibii akpo lɛ miihã ole nɔ ni baaba lɛ.

Daniel 2:30

Mi lɛ jeee minii ni mile fe adesai fɛɛ hewɔ ni ajie nɛkɛ teemɔŋ sane nɛɛ shi atsɔ̃ɔ mi; shi moŋ bɔ ni afee ni atsɔ̃ɔ Nii, oyitsoŋ saji lɛ kɛ lamɔ ni ola lɛ shishi.

Daniel 2:37

Maŋtsɛ, bo ji maŋtsɛmɛi amaŋtsɛ. Nyɔŋmɔ ni yɔɔ ŋwɛi lɛ, ni to bo nakai, ni eduro bo hewalɛ kɛ agbojee kɛ anunyam fɛɛ.

Daniel 3:15

Agbɛnɛ kɛji nyɛfee kralo nyɛto akɛ kɛji nyɛnu koofɛŋ lɛ kɛ blɛ kɛ saŋku kɛ kete kɛ obenta kɛ lalai srɔtoi lɛ agbɛɛmɔ lɛ, nyɛaaho nyɛkula shi, ni nyɛja amãgã ni mifee lɛ, belɛ no lɛ sane etã. Shi kɛji nyɛjaaa lɛ lɛ, amrɔ lɛ nɔŋŋ lɛ abaashɛrɛ nyɛ ashwie flɔnɔɔ kɛ emli la ni miitso grigri lɛ mli! Mɛɛ nyɔŋmɔ nyɛsusuɔ akɛ aaanyɛ nyɛyiwala ahere yɛ mi midɛŋ?”

Daniel 3:28

Maŋtsɛ Nebukadnezar kɛɛ akɛ, “Ajie Shadrak kɛ Meshak kɛ Abednego Nyɔŋmɔ lɛ yi, ejaakɛ etsu ebɔfo, ni ebahere etsuji lɛ ni kɛ amɛhiɛ fɔ̃ enɔ lɛ kɛje gbele mli. Amɛtse mifãmɔ lɛ hiɛ atua, ni amɛkã kitã akɛ nɔ ni amɛaaja he ko bii anyɔŋmɔ fe amɛNyɔŋmɔ lɛ amɛkɛ amɛwala moŋ baatse.

Daniel 3:29

“No hewɔ lɛ, miiwo akpɔ akɛ mɔ fɛɛ mɔ ni aaawie Shadrak kɛ Meshak kɛ Abednego Nyɔŋmɔ lɛ he wiemɔ fɔŋ ko lɛ, he fɛɛ he maŋ loo shikpɔŋ nɔ ni mɔ lɛ jɛ, loo wiemɔ fɛɛ wiemɔ ni mɔ lɛ wieɔ lɛ, atserɛ egbɔmɔtso mli mɛnyɛmɛnyɛ, asaŋ afite eshĩa hu koni jɛi atsɔ tumo. AmɛNyɔŋmɔ lɛ sɛɛ lɛ nɔ ko kwraa bɛ dɔŋŋ ni baanyɛ ehere gbɔmɔ yiwala tamɔ nɛkɛ.”

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 4:25

Abaashwie bo kɛjɛ gbɔmɛi ateŋ, ni obaaya oyahi ŋaŋ kooloi ateŋ, ni obaakpe jwɛi tamɔ tsina. Ŋwɛi bɔ baanyɔ onɔ yɛ jwɛiaŋ, afii kpawo, kɛyaashi beyinɔ ni oooyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ adesa maŋtsɛyeli fɛɛ maŋtsɛyeli nɔ; asaŋ mɔ fɛɛ mɔ ni lɛ esumɔɔ lɛ, lɛ ekɛ maŋtsɛyeli hãa.

Daniel 4:32

asaŋ aaashwie bo kɛje gbɔmɛi ateŋ kɛya ŋaŋ kooloi ateŋ koni okɛ amɛ ayahi shi. Obaakpe jwɛi tamɔ tsina afii kpaw, ni ooona oyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ gbɔmɛi amaŋtsɛyeli fɛɛ maŋtsɛyeli nɔ, asaŋ akɛ mɔ fɛɛ mɔ ni lɛ esumɔɔ lɛ lɛ ekɛ maŋtsɛyeli hãa.”

Daniel 5:11

Nuu ko yɛ omaŋtsɛyeli nɛɛ mli ni nyɔŋmɔi krɔŋkrɔŋi lɛ amumɔ yɔɔ emli. Otsɛ yinɔ lɛ gbɔmɔ nɛɛ jie hiɛshikãmɔ kɛ nilee kɛ jwɛŋmɔ kpo tamɔ nyɔŋmɔi lɛ anilee yɔɔ lɛ. No hewɔ lɛ, otsɛ, Maŋtsɛ Nebukadnezar, wo lɛ woloŋlelɔi kɛ klamɔfoi kɛ ashwãifeelɔi kɛ ŋulamiiaŋkwɛlɔi fɛɛ anukpa.

Amos 3:7

Eji anɔkwale akɛ Nuŋtsɔ Nyɔŋmɔ efeee nɔ ko ni ejieee eyiŋtoo lɛ kpo etsɔ̃ɔɔ etsuji gbalɔi lɛ.

1 Korintobii 14:25

aaajie etsuiŋ teemɔnii akpo faŋŋ, ni no aaahã ekɛ ehiɛ abu shi eja Nyɔŋmɔ, ni eeejaje akɛ, “Nyɔŋmɔ yɛ nyɛteŋ lɛɛlɛŋ.”

5 Mose 10:17

Ejaakɛ Yehowa, nyɛNyɔŋmɔ lɛ, lɛ ji nyɔŋmɔi fɛɛ aNyɔŋmɔ kɛ nuŋtsɔmɛi anuŋtsɔ; lɛ ji Nyɔŋmɔ Ofe ni je agbo, ni he yɔɔ gbeyei lɛ; mɔ ni kwɛɛɛ hiɛiaŋ, ni asaŋ eheee nyɔɔŋnii lɛ.

1 Timoteo 6:15

nɔ ni nɔyelɔ kome ni yɔɔ hewalɛ ni ajɔɔ lɛ, maŋtsɛmɛi aMaŋtsɛ kɛ nuŋtsɔmɛi aNuŋtsɔ lɛ baahã aba mli yɛ lɛ diɛŋtsɛ ebe ni sa mli lɛ.

Yoshua 22:22

“Ofe Koome, Nyɔŋmɔ Yehowa lɛ, lɛ ele wɔyitsoŋ eto, nɔ̃ hewɔ ni wɔfee nakai; no hewɔ lɛ, Israel hu ana ale. Kɛji Yehowa hiɛ atua ni wɔtse, aloo ŋmɛɛmɔ ni wɔŋmɛɛ hemɔkɛyeli ni wɔyɔɔ yɛ emli lɛ he, hewɔ ni wɔfee nɔ ni wɔfee nɛɛ lɛ, nyɛkɛ wɔhe akakea wɔ ŋmɛnɛ gbi nɛɛ,

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 19:16

Ni aŋma gbɛi ko yɛ etade kɛ egboŋ nɔ akɛ, “Maŋtsɛmɛi aMaŋtsɛ kɛ Nuŋtsɔmɛi aNuŋtsɔ.”