Daniel 2:45 - ŊMALƐ KRƆŊKRƆŊ LƐ

⁴⁵ Bɔ ni ona tɛ ko ni jeee gbɔmɔ adesa nine ni kpɔ lɛ kɛjɛ gɔŋ ko he, ni ebafuflu amãgã ni akɛ dade kɛ akɔɔble kɛ su kɛ jwiɛtɛi kɛ shika fee lɛ, Nyɔŋmɔ kpeteŋkple lɛ ejie nɔ ni baaba wɔsɛɛ ko lɛ etsɔ̃ɔ bo, Nii. Lamɔ ni migba Nii nɛɛ, eji anɔkwale; ni eshishi ni mitsɔ̃ɔ lɛ hu yɛ mli nyɔŋma shiishi.”

Ṅmãle̱ Kroṅkroṅ Le̱

⁴⁵ take̱ bo̱ni ona ake̱ *te̱ le̱ tše ke̱-dše̱ goṅ le̱ no̱ bagbẽ ši ni dšee nine sa he, ni edſăra dade le̱ ke̱ akō̱ble le̱ ke̱ sũ le̱ ke̱ dſie̱te̱i le̱ ke̱ šika le̱. — Nyoṅmo̱ agbo le̱ edšie noni baba wó̱se̱ etšõ maṅtše̱, ni lamõ le̱ ye̱ mli, ni ešišitšõmo̱ le̱ hũ mã ši šiṅṅ. *K. 34.

Daniel 2:45 ပူးပေါင်းရင်းမြစ်များ

1 Mose 41:26

Tsinai kpakpai kpawo lɛ damɔ shi hã afii kpakpai kpawo, ni abele sɛɛbii kpakpai kpawo lɛ hu damɔ shi hã afii kpakpai kpawo, lamɔ lɛ lamɔ kome ni.

1 Mose 41:28

Enɛ ji nɔ ni mikɛɛ Farao akɛ Nyɔŋmɔ etsɔ̃ɔ Farao nɔ ni ebaafee lɛ.

1 Mose 41:32

Akɛni akɛ lamɔi srɔtoi enyɔ nɛɛ miitsɔ̃ɔ Farao nɔ koome lɛ nɔŋŋ lɛ, etsɔ̃ɔ akɛ Nyɔŋmɔ yiŋtoo lɛ baaba mli lɛɛlɛŋ, ni etsɛŋ ni ebaaba mli.

2 Samuel 7:22

Anɔkwa, oda kpeteŋkple, Ofe, ejaakɛ mɔ ko mɔ ko kɛ bo yeee egbɔ, ni asaŋ yɛ nii fɛɛ ni wɔnu kɛ wɔtoi lɛ naa lɛ, osɛɛ lɛ nyɔŋmɔ ko nyɔŋmɔ ko bɛ.

1 Kronika 16:25

Ejaakɛ Yehowa je agbo, ni esa yijiemɔ kpeteŋkple ni esa gbeyeishemɔ fe nyɔŋmɔi srɔtoi fɛɛ.

Nehemia 4:14

Kɛkɛ ni mikwɛ bɔ ni nibii yɔɔ hãa, ni mikɛɛ maŋ lɛ mli abladei lɛ kɛ nɔyelɔi lɛ kɛ mɛi ni eshwɛ lɛ fɛɛ akɛ, “Nyɛkashea henyɛlɔi lɛ agbeyei; shi moŋ nyɛkaia Nuŋtsɔ kpeteŋkple ni he yɔɔ gbeyei lɛ, ni nyɛwua nyɛhãa nyɛnyɛmimɛi kɛ nyɛbihii kɛ nyɛbiyei kɛ nyɛŋamɛi kɛ nyɛshĩaiaŋ lɛ.”

Nehemia 9:32

“WɔNyɔŋmɔ, oje agbo! Ohe wa, ohe yɛ gbeyei, ni onaa mɔbɔ; kɛji okɛ mɔ ko kpãŋ ni owo shi lɛ, oyeɔ nɔ. Kɛjɛ Asiria maŋtsɛmɛi lɛ ayinɔ kɛbashi ŋmɛnɛ lɛ, kaahã amanehulu ni ba wɔ kɛ wɔmaŋtsɛmɛi kɛ wɔnukpai kɛ wɔsɔfoi kɛ wɔgbalɔi kɛ wɔtsɛmɛi lɛ kɛ omaŋ lɛ fɛɛ nɔ lɛ, miifee sane bibioo yɛ ohiɛ.

Hiob 36:26

Naa, Nyɔŋmɔ da, shi wɔleee lɛ; ni wɔnyɛŋ efii ni eye wɔkane.

Lalai 135:5

Ejaakɛ mile akɛ Yehowa je agbo, ni wɔNuŋtsɔ lɛ, efe nyɔŋmɔi fɛɛ.

Lalai 145:3

Yehowa je agbo; ni esa yijiemɔ babaoo, ni egbojee lɛ anaaa naa.

Lalai 2:9

Okɛ dade dɛhiɛmɔtso aaakumɔ amɛ wɔtsɔwɔtsɔ, ni ooojwara amɛ tamɔ gbɛshɔ̃lɔ gbɛ.”

Lalai 48:1

Yehowa je agbo, ni esa yijiemɔ kpele, yɛ wɔNyɔŋmɔ lɛ maŋ lɛŋ, yɛ egɔŋ krɔŋkrɔŋ lɛ nɔ.

Lalai 96:4

Ejaakɛ Yehowa je agbo, ni esa yijiemɔ babaoo, ni esa akɛ asheɔ lɛ gbeyei fe nyɔŋmɔi fɛɛ.

Yesaia 28:16

No hewɔ lɛ, nɔ ni Nuŋtsɔ Nyɔŋmɔ kɛɔ nɛ, “Naa, mikɛ tɛ ko miima shi akɛ Zion shishitoo tɛ; eji tɛ ni aka akwɛ, koŋtɛ ni jara wa ni ma shi shiŋŋ; ni aŋma yɛ nɔ akɛ, ‘Mɔ ni heɔ yeɔ lɛ ehe kpokpoŋ.’ ”

Daniel 2:24

No hewɔ lɛ, Daniel yiŋ etee Ariok, mɔ ni maŋtsɛ efã lɛ akɛ ekpãtã Babilon nilelɔi lɛ ahiɛ lɛ ŋɔɔ. Eyakɛɛ lɛ akɛ, “Kaakpãtã nilelɔi lɛ ahiɛ, shi moŋ okɛ mi aya maŋtsɛ ŋɔɔ, ni matsɔ̃ɔ maŋtsɛ elamɔ lɛ shishi.”

Daniel 2:28

Shi moŋ Nyɔŋmɔ ko yɛ ŋwɛi ni ejieɔ teemɔŋ nibii kpo etsɔ̃ɔ; ni lɛ ji mɔ ni ejie nɔ ni baaba wɔsɛɛ lɛ etsɔ̃ɔ Maŋtsɛ Nebukadnezar lɛ. Lamɔ lɛ ni ola, ni ji ninaa ni ajie atsɔ̃ɔ bo be ni okã osaa lɛ nɔ, lɛ nɛ,

Daniel 2:29

“Be mli ni Maŋtsɛ kã shi ni ewɔɔ lɛ, ela nibii ni baaba wɔsɛɛ; ni Nyɔŋmɔ mɔ ni jieɔ teemɔŋ nibii akpo lɛ miihã ole nɔ ni baaba lɛ.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 8:25

Eŋaalee lɛ hewɔ lɛ, kɛtsɔ̃ enɔ lɛ lakamɔ baafa pii, ni ebaawo ehe nɔ. Ebaakpãtã mɛi babaoo ahiɛ, be mli ni amɛleee amɛhe be. Ebaate shi ewo jeŋ fɛɛ Lumɔi alumɔ lɛ; shi abaakpãtã ehiɛ, be mli ni adesa nine etako ehe tete.

Hagai 2:22

ni mibakpa maŋtsɛmɛi fɛɛ, ni mibafo amɛlumɔyeli sɛɛ. Mibakpãtã tayaa shwiilii kɛ shwiilii lɛ amlitaralɔi fɛɛ ahiɛ, ni mahã amɛkpɔŋɔnɔtalɔi lɛ adɔ amɛhe amɛgbegbee amɛ sɔŋŋ amɛhe.

Zakaria 12:3

Nakai be lɛ mli lɛ mahã Yerusalɛm atsɔ̃ tɛ ni tsii mahã maji ni bɔle lɛ lɛ. Maŋ fɛɛ maŋ ni aaaka tɛ nɛɛ nɔ womɔ lɛ aaapila. Ni shikpɔŋ lɛ nɔ majimaji krokomɛi fɛɛ aaafee ekome amɛte shi amɛwo Yerusalɛm.

Maleaki 1:11

Kɛjɛ hulu shitee mli aahu kɛyashi eshinyɔɔ mli lɛ, mɛi miikafo mi yɛ jeŋ majimaji amli. Ni aashãshãa tsofakɛŋma aahã mi, ni akɛ nibii ni ahe tsetsee miishãshãa afɔle miihã mi, ejaakɛ migbɛi ehehe yɛ jeŋ majimaji lɛ anɔ.

Mateo 21:24

Shi Yesu here nɔ ni ekɛɛ amɛ akɛ, “Mi hu mibabi nyɛ sane kome, ni kɛji nyɛtsɔ̃ɔ mi lɛ, mi hu matsɔ̃ɔ nyɛ nɔ hegbɛ ni mikɛfeɔ nibii nɛɛ.

Mateo 24:35

Ŋwɛi kɛ shikpɔŋ baaho aya, shi miwiemɔi lɛ hoŋ eyaŋ.”

Luka 17:20

Ni Farisifoi lɛ bi lɛ akɛ, “Te be ni Nyɔŋmɔ maŋtsɛyeli lɛ baaba lɛ?” Eto he ehã amɛ akɛ, “Nyɔŋmɔ maŋtsɛyeli lɛ baaa tamɔ nɔ ko ni anaa;

5 Mose 10:17

Ejaakɛ Yehowa, nyɛNyɔŋmɔ lɛ, lɛ ji nyɔŋmɔi fɛɛ aNyɔŋmɔ kɛ nuŋtsɔmɛi anuŋtsɔ; lɛ ji Nyɔŋmɔ Ofe ni je agbo, ni he yɔɔ gbeyei lɛ; mɔ ni kwɛɛɛ hiɛiaŋ, ni asaŋ eheee nyɔɔŋnii lɛ.

Kpojiemɔ 1:19

No hewɔ lɛ, ŋmaa nii ni ona lɛ kɛ nii ni yɔɔ kɛ nii ni baaba yɛ nii nɛɛ asɛɛ lɛ.

Kpojiemɔ 19:17

Ni mina bɔfo ko damɔ hulu mli, ni ebo kɛ gbee ni wa ekɛɛ loofɔji ni filikiɔ yɛ ŋwɛi teŋ lɛ fɛɛ akɛ, “Nyɛbaa ni nyɛbabuaa nyɛhe naa yɛ Nyɔŋmɔ okplɔ̃ kpeteŋkple lɛ he,

Kpojiemɔ 4:1

Nii nɛɛ asɛɛ lɛ mikwɛ, ni naa, shinaa ko ni agbele yɛ ŋwɛi; ni klɛŋklɛŋ gbee ni minu ni tamɔ tɛtɛrɛmantɛrɛ ni kɛ mi wie lɛ kɛɛ, “Kwɔɔ kɛba biɛ nɛɛ, ni matsɔ̃ɔ bo nii ni sa akɛ aba mli yɛ nii nɛɛ asɛɛ.”