Daniel 2:44 - ŊMALƐ KRƆŊKRƆŊ LƐ

⁴⁴ Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Ṅmãle̱ Kroṅkroṅ Le̱

⁴⁴ Ni ne̱ke̱ maṅtše̱mei ne̱ ayino̱ le̱, Nyoṅmo̱ ni yo̱ ṅwei le̱ aatē maṅtše̱yeli ko ši amã ši ni *efiteṅ doṅṅ ke̱-ate nāno̱, ni ašĩṅ maṅtše̱yeli ne̱ ahãṅ maṅ kroko; eedſăra †maṅtše̱yelii ne̱ fẽ wo̱tšo̱wo̱tšo̱, ni eekpãtã ame̱hĩe, ši le̱dientše̱ le̱ eedame̱ ši ke̱-ate nāno̱; *7,14. 27. Ies. 9,6. †1 Kor. 15,24. Kpods. 11,15.

Daniel 2:44 ပူးပေါင်းရင်းမြစ်များ

1 Mose 49:10

Maŋtsɛyeli ejeŋ Yuda dɛŋ, ni nɔyeli hu ejeŋ eshwiei adɛŋ; gbii abɔ ni jeŋmaji kɛ amɛ onia baa, ni amɛbaa amɛhe shi amɛhãa lɛ lɛ.

2 Samuel 7:13

Lɛ ji mɔ ni baama Sɔlemɔ we ehã mi ni mahã emaŋtsɛ sɛi lɛ ama shi shiŋŋ kɛya naanɔ.

2 Samuel 7:16

Mibahã owe lɛ kɛ omaŋtsɛyeli fɛɛ ama shi shiŋŋ daa kɛaatee naanɔ; omaŋtsɛ sɛi lɛ baama shi shiŋŋ kɛaatee naanɔ.’ ”

Lalai 145:13

Omaŋtsɛyeli lɛ, naanɔ maŋtsɛyeli ni; ni olumɔyeli lɛ hiɔ shi kɛyaa yinɔi fɛɛ nɔ.

Yesaia 60:12

Shi maji ni sɔmɔɔɔ bo lɛ aaakpãtã amɛhiɛ; nakai maji lɛ, kpãtãmɔ aaakpãtã amɛhiɛ butuu.

Ezekiel 37:25

Amɛaahi shikpɔŋ ni nyɛtsɛmɛi lɛ hi nɔ lɛ nɔ, shikpɔŋ ni mikɛhã mitsulɔ Yakob lɛ. Amɛ kɛ amɛbii kɛ amɛbii abii baahi nɔ kɛya naanɔ; ni mitsulɔ David baaye amɛnɔ lumɔ kɛya naanɔ.

Daniel 2:28

Shi moŋ Nyɔŋmɔ ko yɛ ŋwɛi ni ejieɔ teemɔŋ nibii kpo etsɔ̃ɔ; ni lɛ ji mɔ ni ejie nɔ ni baaba wɔsɛɛ lɛ etsɔ̃ɔ Maŋtsɛ Nebukadnezar lɛ. Lamɔ lɛ ni ola, ni ji ninaa ni ajie atsɔ̃ɔ bo be ni okã osaa lɛ nɔ, lɛ nɛ,

Daniel 2:34

Ohiɛ amãgã nɛɛ kwɛmɔ kɛkɛ ni tɛ ko ni jeee gbɔmɔ adesa nine ta he tse kɛjɛ he ko ni ebatswa amãgã lɛ nane dade fã kɛ su fã lɛ nɔ, ni ejwra naji lɛ wɔtsɔwɔtsɔ.

Daniel 2:35

Kɛkɛ ni amãgã lɛ he dade lɛ kɛ su lɛ kɛ akɔɔble lɛ kɛ jwiɛtɛi lɛ kɛ shika lɛ hu fɛɛ tswɛm jwara wɔtsɔwɔtsɔ, ni amɛfuflu, ni amɛtsɔ tamɔ abelenaashaji ni bua gbo abeleshaahe. Kɛkɛ ni kɔɔyɔɔ loo fɛɛ kɛtee, ni eshwɛɛɛ amɛhe nɔ ko nɔ ko. Shi tɛ lɛ ni batswa amãgã lɛ da, ni etsɔ̃ gɔŋ kpeteŋkple, ni ekpele jeŋ fɛɛ.

Daniel 2:37

Maŋtsɛ, bo ji maŋtsɛmɛi amaŋtsɛ. Nyɔŋmɔ ni yɔɔ ŋwɛi lɛ, ni to bo nakai, ni eduro bo hewalɛ kɛ agbojee kɛ anunyam fɛɛ.

Daniel 2:43

Bɔ ni ona dade ni efutu su ni akpɔtɔ mli lɛ, nakai maŋtsɛyeli nɛɛ mli nɔyelɔi lɛ awekui srɔtoi lɛ kɛ amɛhe baabote gbãlãshihilɛ mli moŋ nɛ; shi no tsaŋ amɛ tamɔ bɔ ni dade nyɛɛɛ ekɛ su atsa lɛ.

Daniel 4:3

“Kwɛ bɔ ni okadii ni Nyɔŋmɔ jieɔ etsɔ̃ɔ wɔ lɛ tsiitsii hã. Kwɛ bɔ ni enifeemɔ nii yɔɔ naakpɛɛ naakpa. Emaŋtsɛyeli lɛ, naanɔ maŋtsɛyeli ni, ni ejɛɔ yinɔ kɛyaa yinɔ!

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Daniel 6:26

Miiwo kitã akɛ mɔ fɛɛ mɔ ni yɔɔ minɔyeli nɛɛ he fɛɛ he lɛ, ehe akpokpo, ni eshe Daniel Nyɔŋmɔ lɛ gbeyei.” “Lɛ ji Nyɔŋmɔ hiɛkãalɔ lɛ, mɔ ni yɛ kɛmiiya naanɔ lɛ; anyɛŋ emaŋtsɛyeli hiɛ akpãtã, ni ehewalɛ lɛ sɛɛ efoŋ.

Daniel 6:27

Jielɔ kɛ herelɔ ji lɛ; etoɔ okadii, ni efeɔ naakpɛɛ nii yɛ ŋwɛi kɛ shikpɔŋ lɛ nɔ. Ehere Daniel yɛ jatai lɛ adɛŋ.”

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Daniel 8:25

Eŋaalee lɛ hewɔ lɛ, kɛtsɔ̃ enɔ lɛ lakamɔ baafa pii, ni ebaawo ehe nɔ. Ebaakpãtã mɛi babaoo ahiɛ, be mli ni amɛleee amɛhe be. Ebaate shi ewo jeŋ fɛɛ Lumɔi alumɔ lɛ; shi abaakpãtã ehiɛ, be mli ni adesa nine etako ehe tete.

Mika 4:7

Ni mikɛ akpaketsɛmɛi ni yɔɔ maŋsɛɛ shɔŋŋ, kɛ maŋ, mɛi ni eshwɛ lɛ baaje shishi, ni mafee amɛ maŋ ni da agbo. Ni Yehowa aaaye amɛnɔ maŋtsɛ yɛ Zion Gɔŋ lɛ nɔ kɛaajɛ nakai be lɛ kɛaatee naanɔ fɛɛ.”

Hagai 2:22

ni mibakpa maŋtsɛmɛi fɛɛ, ni mibafo amɛlumɔyeli sɛɛ. Mibakpãtã tayaa shwiilii kɛ shwiilii lɛ amlitaralɔi fɛɛ ahiɛ, ni mahã amɛkpɔŋɔnɔtalɔi lɛ adɔ amɛhe amɛgbegbee amɛ sɔŋŋ amɛhe.

Hagai 2:7

Mibahoso je lɛ mli majimaji lɛ, ni abaaloo amɛmli jwetrii lɛ kɛaaba biɛ mikɛbawo Sɔlemɔ we lɛ mli, ni eeeyi obɔ̃ tɔ kɛ anunyam sɔŋŋ.

Mateo 28:18

Ni Yesu ba ekɛ amɛ bawie ekɛɛ, “Aŋɔ hegbɛ fɛɛ ahã mi yɛ ŋwɛi kɛ shikpɔŋ nɔ.

Yohane 12:34

Asafo lɛ here lɛ nɔ akɛ, “Wɔ lɛ wɔnu yɛ Mla lɛ mli akɛ Kristo lɛ hiɔ shi kɛyaa naanɔ; ni te feɔ tɛŋŋ ni bo lɛ okɛɔ akɛ ja awo Gbɔmɔ Bi lɛ nɔ lɛ? Namɔ ji nɛkɛ Gbɔmɔ Bi nɛɛ?”

Hebribii 12:28

No hewɔ lɛ, akɛni wɔna maŋtsɛyeli ni anyɛŋ ahoso lɛ, nyɛhãa wɔdaa shi ni wɔkɛsɔ̃mɔ Nyɔŋmɔ bɔ ni sa ehiɛ kɛ woo kɛ gbeyeishemɔ!

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 2:27

tamɔ bɔ ni mi hu mina kɛjɛ miTsɛ ŋɔɔ lɛ, ni ekɛ dadetso aaakpala amɛ ni eeejwara amɛ tamɔ ajwaraa su gbɛi;