Daniel 2:4 - ŊMALƐ KRƆŊKRƆŊ LƐ

⁴ Amɛto he yɛ Aram wiemɔ mli akɛ, “Nii, oyi ana wala kɛya naanɔ! Jajemɔ lamɔ lɛ otsɔ̃ɔ wɔ, otsuji, ni wɔɔtsɔ̃ɔ bo shishi.”

Ṅmãle̱ Kroṅkroṅ Le̱

⁴ Ni Kaldeamei le̱ ke̱ maṅtše̱ le̱ wie ye̱ Aram wiemo̱ mli ame̱kē̱: *Maṅtše̱, oyi ana wala ke̱-ya nāno̱! Dšadšemo̱ lamõ le̱ otšõ otšũdši, ni wo̱o̱tšŏ liši. *3,9.

Daniel 2:4 ပူးပေါင်းရင်းမြစ်များ

1 Mose 31:47

Laban wo tɛ ku lɛ Yegar-Sahaduta; shi Yakob lɛ, ewo lɛ Galed.

1 Mose 41:8

Leebi lɛ etsui bɔ̃i yeli. Enɛ hewɔ lɛ, etsu ayatsɛ Ijipt nifeelɔi lɛ kɛ nilelɔi lɛ fɛɛ kɛba, ni egba amɛ elamɔ lɛ; shi amɛteŋ mɔ ko mɔ ko nyɛɛɛ Farao lamɔ lɛ shishi etsɔ̃ɔ.

1 Maŋtsɛmɛi 1:25

Ejaakɛ ŋmɛnɛ gbi nɛɛ eyiŋ etee, ni eyagbe tsinai kɛ kooloi ni ewo fɔ kɛ toi babaoo; ni ekpee maŋtsɛbii lɛ fɛɛ kɛ ta lɛ nɔ asafoiatsɛmɛi lɛ kɛ Osɔfo Abiatar; ni naa, amɛtara ehiɛ amɛmiiyeyee nii, ni amɛmiinunuu dãi. Ni amɛmiibɔ oshe akɛ, ‘Maŋtsɛ Adonia yi ana wala.’

1 Maŋtsɛmɛi 1:31

Kɛkɛ ni Batsheba kɛ ehiɛ bu shi, ni ekoto maŋtsɛ lɛ, ni ekɛɛ, “Minuŋtsɔ maŋtsɛ yi ana wala kɛya naanɔ!”

2 Maŋtsɛmɛi 18:26

Kɛkɛ ni Hilkia bi Eliakim kɛ Shebna kɛ Yoa kɛɛ Rabshake akɛ, “Ofainɛ, okɛ wɔ otsuji lɛ awie yɛ Arambii awiemɔ mli, ejaakɛ wɔnuɔ; shi okɛ wɔ akawie Hebribii awiemɔ, ejaakɛ mɛi ni yɔɔ gbogbo lɛ nɔ lɛ miibo toi.”

Ezra 4:7

Asaŋ Artashasta yinɔ lɛ Bislam kɛ Mitredat kɛ Tabeel kɛ enanemɛi ni eshwɛ lɛ ŋmã wolo yahã Artashasta, Persia maŋtsɛ lɛ. Aŋmã wolo lɛ yɛ Siriabii aniŋmãa mli, ni atsɔ̃ɔ shishi hu yɛ Siria wiemɔ mli.

Nehemia 2:3

ni mikɛɛ, “Maŋtsɛ yi ana wala kɛya naanɔ! Nii, mɛɛba ni esaaa akɛ mihiɛ afee mɔbɔmɔbɔ be ni maŋ ni ji he ni mitsɛmɛi asaŋi yɔɔ lɛ etsɔ̃ amaŋfɔ̃, ni ashã ehe agboi lɛ?”

Yesaia 36:11

Kɛkɛ ni Eliakim kɛ Shebna kɛ Yoa kɛɛ Asiria maŋtsɛ tsulɔnukpa lɛ akɛ, “Ofainɛ, okɛ otsuji awie yɛ Aram wiemɔ mli moŋ, ejaakɛ wɔnuɔ no hu. Okɛ wɔ akawie yɛ Hebri wiemɔ mli yɛ maŋbii ni jwere gbogbo lɛ nɔ lɛ atoiŋ.”

Yesaia 44:25

Mɔ ni hãa amalelɔi agbalɛi feɔ yaka, ni ehãa klamɔi tsɔ̃ɔ kwashiai, mɔ ni kũɔ nilelɔi anaa, ni ehãa amɛnilee lɛ tsɔ̃ɔ kwashiai anii lɛ.

Daniel 1:4

Esa akɛ oblahii nɛɛ ahe yɛ fɛo, kpa ko kpa ko akahi amɛgbɔmɔtsei ahe; amɛyɛ tsɔsemɔ, amɛyɛ jwɛŋmɔ, ni amɛjwɛŋmɔŋ kã shi kɛhã nikasemɔ, koni atsɔse amɛ ni amɛsɔ̃mɔ yɛ maŋtsɛwe lɛ mli. Efã hu akɛ atsɔ̃ɔ amɛ Babilonbii awiemɔ lɛ kɛ amɛwoloŋ hu.

Daniel 2:7

Amɛha hetoo ekoŋŋ amɛkɛɛ akɛ, “Nii atsɔ̃ɔ wɔ lamɔ lɛ, ni wɔɔtsɔ̃ɔ lɛ eshishi.”

Daniel 3:9

Amɛyakɛɛ Maŋtsɛ Nebukadnezar akɛ, “Nii yi ana wala kɛya naanɔ.

Daniel 4:19

Daniel ni atsɛɔ lɛ Belteshazar hu lɛ he jɔ̃ ehe be kplaŋŋ, ni ehao. Maŋtsɛ lɛ kɛɛ lɛ akɛ, “Belteshazar, kaahã lamɔ lɛ loo eshishitsɔ̃ɔmɔ lɛ miihao bo.” Belteshazar here nɔ, ni ekɛɛ akɛ, “Minuŋtsɔ, mina ni kulɛ lamɔ nɛɛ kɛ eshishitsɔ̃ɔmɔ lɛ kɔɔ ohenyɛlɔi ahe, shi jeee bo.

Daniel 4:7

Kɛkɛ ni klamɔfoi lɛ kɛ ashwãifeelɔi lɛ kɛ ŋulamiiaŋkwɛlɔi lɛ bashɛ mihiɛ. Migba amɛ lamɔ lɛ, shi amɛnyɛɛɛ mi lamɔ lɛ shishi amɛtsɔ̃ɔ.

Daniel 4:9

‘Belteshazar, klalɔi fɛɛ atsɛ, mile akɛ nyɔŋmɔi krɔŋkrɔŋi lɛ amumɔ yɛ omli, ni teemɔŋ sane ko teemɔŋ sane ko waaa hãaa bo; lamɔ ni mila lɛ nɛ; tsɔ̃ɔmɔ mi eshishi.’

Daniel 5:10

Wiemɔ ni maŋtsɛ lɛ kɛ enukpai lɛ wieɔ yɛ asa lɛ nɔ lɛ hã jɛi fee hoo. Enɛ hã maŋnyɛ lɛ ba okplɔŋmɛɛ asa lɛ nɔ. Kɛkɛ ni maŋnyɛ lɛ wo enaa nɔ, ni ekɛɛ akɛ, “Nii, oyi ana wala kɛya naanɔ! Kaahao, ni kaahã nɔ ko miigba onaa.

Daniel 5:8

Kɛkɛ ni maŋtsɛ lɛ nilelɔi lɛ fɛɛ ka niŋmaa lɛ kanemɔ kɛ eshishitsɔ̃ɔmɔ, shi amɛteŋ mɔ ko mɔ ko kwraa nyɛɛɛ.

Daniel 6:21

Daniel here maŋtsɛ lɛ nɔ, ni ekɛɛ lɛ akɛ, “Ao! Nii, oyi ana wala kɛya naanɔ!

Daniel 6:6

No hewɔ lɛ, onukpai lɛ kɛ amraloi lɛ bua amɛhe naa kɛba maŋtsɛ lɛ ŋɔɔ, ni amɛbakɛɛ lɛ akɛ, “Maŋtsɛ Dario yi ana wala kɛya naanɔ!

Daniel 6:7

Nii, wɔ, omaŋtsɛyeli lɛ mli onukpai nɔkwɛlɔi lɛ kɛ lumɛi lɛ kɛ akutseiatsɛmɛi lɛ kɛ amraloi lɛ kɛ ajinafoi lɛ, wɔtee ajina, ni wɔkpɛ mli akɛ Nii, awo akpɔ ko, ni akwɛ akɛ aye akpɔ nɛɛ nɔ pɛpɛɛpɛ. Akpɔ nɛɛ afee akɛ kɛyaashi gbii nyɔŋmai etɛ̃ lɛ, mɔ fɛɛ mɔ ni baashi bo, Nii, osɛɛ, ni esɔle ebi nyɔŋmɔ ko loo gbɔmɔ adesa ko dɛŋ nɔ ko lɛ, ashɛ nakai mɔ lɛ afɔ̃ jatai abu lɛ mli.

Mateo 21:9

ni asafoi ni nyiɛ ehiɛ kɛ mɛi ni nyiɛ esɛɛ lɛ fɛɛ bolɔ amɛkɛɛ, “Hosiana David Bi lɛ! Ajɔɔ mɔ ni baa yɛ Nuŋtsɔ lɛ gbɛi mli lɛ! Hosiana yɛ ŋwɛi flooflo!”

1 Samuel 10:24

Kɛkɛ ni Samuel kɛɛ maŋbii lɛ fɛɛ akɛ, “Bɛ nyɛna mɔ ni Yehowa eŋɔ lɛ? Mɔ ko mɔ kɔ kɛ lɛ yeee egbɔ yɛ maŋbii lɛ fɛɛ ateŋ.”