Daniel 2:37 - ŊMALƐ KRƆŊKRƆŊ LƐ

³⁷ Maŋtsɛ, bo ji maŋtsɛmɛi amaŋtsɛ. Nyɔŋmɔ ni yɔɔ ŋwɛi lɛ, ni to bo nakai, ni eduro bo hewalɛ kɛ agbojee kɛ anunyam fɛɛ.

Ṅmãle̱ Kroṅkroṅ Le̱

³⁷ Bo maṅtše̱ dši *maṅtše̱mei amaṅtše̱, ni ṅwei Nyoṅmo̱ le̱ eṅõ maṅtše̱yeli ke̱ hewale̱ ke̱ no̱yeli ke̱ anumnyam ehão; *Ezek. 26,7.

Daniel 2:37 ပူးပေါင်းရင်းမြစ်များ

1 Maŋtsɛmɛi 4:24

Solomon ye shikpɔji fɛɛ ni yɔɔ Eufrate Faa lɛ anaigbɛ, kɛjɛ Tifsa aahu kɛyashwie Gaza, lɛ nɔ. Eye maŋtsɛmɛi fɛɛ ni yɔɔ Eufrate Faa lɛ anaigbɛ lɛ nɔ. Solomon na toiŋjɔlɛ yɛ ehewɔhewɔ maji lɛ fɛɛ amli.

2 Maŋtsɛmɛi 25:28

Maŋtsɛ Ewil-merodak kɛ Maŋtsɛ Yehoiakin wieɔ kɛ naajɔlɛ, ni ehã lɛ gbɛhe ni kwɔ fe maŋtsɛmɛi krokomɛi ni kɛ Yehoiakin yɔɔ nomŋɔɔ mli yɛ Babilon lɛ anɔ.

2 Kronika 36:23

“Koresh, Persia Maŋtsɛ, famɔ nɛ, ‘Yehowa ni ji Ŋwɛi Nyɔŋmɔ lɛ, ehã mitsɔ̃ je lɛ fɛɛ maŋtsɛ. Efã mi akɛ miyama Sɔlemɔ we mihã lɛ yɛ Yerusalɛm yɛ Yuda shikpɔŋ lɛ nɔ. Naa, nyɛ mɛi fɛɛ ni ji Nyɔŋmɔ webii lɛ, nyɛyaa Yuda; ni Yehowa, ni ji Yuda Nyɔŋmɔ lɛ aaabu nyɛhe, ni ekɛ nyɛ aaahi shi.’ ”

Ezra 1:2

“Bɔ ni Koresh, Persia maŋtsɛ lɛ, kɛɛ nɛ, ‘Yehowa ŋwɛi Nyɔŋmɔ lɛ etu shikpɔŋ lɛ nɔ maŋtsɛyelii fɛɛ ewo midɛŋ, ni efã mi akɛ miyama shĩa mihã lɛ yɛ Yerusalɛm yɛ Yuda shikpɔŋ lɛ nɔ.

Ezra 7:12

“Artashasta, maŋtsɛmɛi amaŋtsɛ lɛ, ŋmã ehã osɔfo Ezra ni ji mlatsɔɔlɔ ni le ŋwɛi Nyɔŋmɔ lɛ mla lɛ mli jogbaŋŋ lɛ.

Lalai 62:11

Minu ni Nyɔŋmɔ ekɛɛ fe shii abɔ akɛ Lɛ edɛŋ hewalɛ fɛɛ yɔɔ.

Abe̱i 8:15

Minɔ maŋtsɛmɛi tsɔ̃ɔ yeɔ maŋtsɛ, ni nɔyelɔi hu woɔ jalɛ mla.

Yesaia 10:8

ejaakɛ nɔ ni ekɛɔ ji akɛ, “Ani mitatsɛmɛi lɛ jeee maŋtsɛmɛi sɔŋŋ ni?

Yesaia 47:5

Ao Babilon, ta shi kpoo yɛ duŋ mli, ejaakɛ atsɛŋ bo nɔyelihei amaŋnyɛ dɔŋŋ.

Yeremia 28:14

ejaakɛ mi, Yehowa Taiatsɛ, Israel Nyɔŋmɔ lɛ, mikɛ dade apã efɔ̃ nɛkɛ majimaji nɛɛ fɛɛ akuɛ koni amɛsɔ̃mɔ Babilon Maŋtsɛ Nebukadnezar. Mikɛ jwɛiiaŋ kooloi tete ehã lɛ.”

Yeremia 34:1

Yehowa kɛ Yeremia wie be mli ni Babilon Maŋtsɛ Nebukadnezar kɛ lɛ diɛŋtsɛ etabilɔi lɛ fɛɛ kɛ tabilɔi krokomɛi ni jɛ jeŋ maji fɛɛ ni yɔɔ enɔyeli shishi kɛ mɛi krokomɛi fɛɛ eba, ni amɛ kɛ Yerusalɛm kɛ ehe maji lɛ fɛɛ miiwu ta lɛ.

Ezekiel 26:7

Bɔ ni Nuŋtsɔ Yehowa kɛɔ nɛ, “Naa, maha Babilon maŋtsɛ Nebukadnezar, ni ji maŋtsɛmɛi amaŋtsɛ lɛ, kɛ okpɔŋɔi kɛ shwiilii kɛ okpɔŋɔnɔtalɔi kɛ asraafoi babaoo ajɛ kooyigbɛ abatua Tiro.

Daniel 1:2

Nuŋtsɔ lɛ hã eye Maŋtsɛ Yehoiakim nɔ kunim. Kɛkɛ ni emɔ Yehoiakim kɛ nomii komɛi hu, ni eloo Nyɔŋmɔ We lɛ mli nibii lɛ ekomɛi, ni ekɛ nomii lɛ kɛ nibii nɛɛ tee Babilon shikpɔŋ lɛ nɔ, ni ekɛ nibii lɛ yawo enyɔŋmɔ lɛ we lɛ mli nitoohe lɛ.

Daniel 2:31

“Nii, olamɔ lɛ mli lɛ ona amãgã kpeteŋkple ko; amãgã nɛɛ da, ni eekpɛ waa, ni ema ohiɛ, ni kɛji ookwɛ lɛ ehe yɛ gbeyei naakpa.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 4:19

Daniel ni atsɛɔ lɛ Belteshazar hu lɛ he jɔ̃ ehe be kplaŋŋ, ni ehao. Maŋtsɛ lɛ kɛɛ lɛ akɛ, “Belteshazar, kaahã lamɔ lɛ loo eshishitsɔ̃ɔmɔ lɛ miihao bo.” Belteshazar here nɔ, ni ekɛɛ akɛ, “Minuŋtsɔ, mina ni kulɛ lamɔ nɛɛ kɛ eshishitsɔ̃ɔmɔ lɛ kɔɔ ohenyɛlɔi ahe, shi jeee bo.

Daniel 4:22

“Nii, bo ji nakai tso lɛ. Bo lɛ oda, ni ohe wa. Oda aahu kɛyashɛ ŋwɛi, ni ohewalɛ miiye je lɛ fɛɛ nɔ.

Daniel 4:25

Abaashwie bo kɛjɛ gbɔmɛi ateŋ, ni obaaya oyahi ŋaŋ kooloi ateŋ, ni obaakpe jwɛi tamɔ tsina. Ŋwɛi bɔ baanyɔ onɔ yɛ jwɛiaŋ, afii kpawo, kɛyaashi beyinɔ ni oooyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ adesa maŋtsɛyeli fɛɛ maŋtsɛyeli nɔ; asaŋ mɔ fɛɛ mɔ ni lɛ esumɔɔ lɛ, lɛ ekɛ maŋtsɛyeli hãa.

Daniel 4:3

“Kwɛ bɔ ni okadii ni Nyɔŋmɔ jieɔ etsɔ̃ɔ wɔ lɛ tsiitsii hã. Kwɛ bɔ ni enifeemɔ nii yɔɔ naakpɛɛ naakpa. Emaŋtsɛyeli lɛ, naanɔ maŋtsɛyeli ni, ni ejɛɔ yinɔ kɛyaa yinɔ!

Daniel 4:32

asaŋ aaashwie bo kɛje gbɔmɛi ateŋ kɛya ŋaŋ kooloi ateŋ koni okɛ amɛ ayahi shi. Obaakpe jwɛi tamɔ tsina afii kpaw, ni ooona oyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ gbɔmɛi amaŋtsɛyeli fɛɛ maŋtsɛyeli nɔ, asaŋ akɛ mɔ fɛɛ mɔ ni lɛ esumɔɔ lɛ lɛ ekɛ maŋtsɛyeli hãa.”

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Daniel 5:18

“Maŋtsɛ, Nyɔŋmɔ mɔ ni yɔɔ ŋwɛi shɔŋŋ lɛ hã otsɛ Nebukadnezar tsɔ̃ maŋtsɛ wulu ni yɔɔ hewalɛ kɛ agbojee kɛ anunyam kpeteŋkple;

Daniel 7:14

Ahã lɛ nɔyeli kɛ anunyam kɛ maŋtsɛyeli hewalɛ koni majimaji kɛ asafoi srɔtoi kɛ wiemɔi srɔtoi ashikpɔji anɔ bii fɛɛ asɔ̃mɔ lɛ. Emaŋtsɛyeli lɛ naanɔ maŋtsɛyeli ni, ni esɛɛ efoŋ; ni mɔ ko mɔ ko nyɛŋ hiɛ akpãtã.

Hosea 8:10

Amɛbɔ majimaji apaa moŋ, shi agbɛnɛ mibabua amɛnaa kɛkpe, ni magbala amɛtoi. Biɛ be kukuoo mli lɛ amɛbaakpa maŋtsɛmɛi kɛ lumɛi too.

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Yohane 19:11

Yesu here nɔ akɛ, “Kɛjeee ŋwɛi ajɛ akɛhã bo lɛ, kulɛ onaŋ hewalɛ ko yɛ minɔ. No hewɔ lɛ, mɔ ni jie mi wo odɛ̃ŋ lɛ he esha lɛ da fe onɔ lɛ.”

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 19:16

Ni aŋma gbɛi ko yɛ etade kɛ egboŋ nɔ akɛ, “Maŋtsɛmɛi aMaŋtsɛ kɛ Nuŋtsɔmɛi aNuŋtsɔ.”

Kpojiemɔ 4:11

“WɔNuŋtsɔ kɛ wɔNyɔŋmɔ, osa akɛ oŋɔ anunyam kɛ woo kɛ hewalɛ lɛ, ejaakɛ bo obɔ nii fɛɛ, ni osuɔmɔ naa abɔ amɛ ni amɛyɔɔ wala.”

Kpojiemɔ 5:12

ni amɛkɛ gbee wulu kɛɛ akɛ, “Toobi ni agbe lɛ sa hewalɛ kɛ nifalɛ kɛ nilee kɛ nyɛmɔ kɛ woo kɛ anunyam kɛ jɔɔmɔ.”