Daniel 2:35 - ŊMALƐ KRƆŊKRƆŊ LƐ

³⁵ Kɛkɛ ni amãgã lɛ he dade lɛ kɛ su lɛ kɛ akɔɔble lɛ kɛ jwiɛtɛi lɛ kɛ shika lɛ hu fɛɛ tswɛm jwara wɔtsɔwɔtsɔ, ni amɛfuflu, ni amɛtsɔ tamɔ abelenaashaji ni bua gbo abeleshaahe. Kɛkɛ ni kɔɔyɔɔ loo fɛɛ kɛtee, ni eshwɛɛɛ amɛhe nɔ ko nɔ ko. Shi tɛ lɛ ni batswa amãgã lɛ da, ni etsɔ̃ gɔŋ kpeteŋkple, ni ekpele jeŋ fɛɛ.

Ṅmãle̱ Kroṅkroṅ Le̱

³⁵ Ke̱ke̱ ni dade le̱ ke̱ sũ le̱ ke̱ akō̱ble le̱ ke̱ dſie̱te̱i le̱ ke̱ šika le̱ fẽ-tſẽm dſăra wo̱tšo̱wo̱tšo̱, ni ame̱tšṍmo̱ tamo̱ ablenāšadsi nī dſere gbo ablešāhe, ni kō̱yo̱ lōame̱ ke̱-te ni anaa-ame̱ ye̱ hekoheko doṅṅ; ši te̱ le̱ ní tſa amãgã le̱ tšṍ goṅ kpeteṅkple, ni ekpĕle šikpoṅ mū le̱ fẽ no̱.

Daniel 2:35 ပူးပေါင်းရင်းမြစ်များ

Hiob 6:17

Kɛji dɔlɛ ba pɛ amɛlaaje; kɛ jeŋ dɔ pɛ amɛmii.

Lalai 103:16

Kɛji kɔɔyɔɔ tswa nɔ kɛho pɛ, ebɛ dɔŋŋ; ni he ni ema lɛ leee lɛ dɔŋŋ.

Lalai 22:27

Jeŋ koji kpawo lɛ aaakai, ni amɛaakpale kɛaaba Yehowa ŋɔɔ; ni majimaji lɛ amli akutsei lɛ fɛɛ aaakula shi amɛja lɛ.

Lalai 37:10

Eshwɛ be fioo kɛkɛ, ni mɔ fɔŋ lɛ bɛ dɔŋŋ, oootao lɛ yɛ eshihilɛhe tete; shi onaŋ lɛ.

Lalai 37:36

Fee sɛɛ lɛ mitsɔ̃ jɛi ekoŋŋ kɛho, ni naa, ebɛ jɛi; mitao lɛ moŋ shi anaaa lɛ.

Lalai 46:9

Ehãa tawuu sɛɛ foɔ kɛyashɛɔ shikpɔŋ lɛ naagbeehei lɛ. Ekumɔɔ gãii amli ni efiteɔ akplɔi. Ekɛ la shãa tsɛŋi lɛ.

Lalai 66:4

Hã je lɛŋ bii fɛɛ kwa aja bo, amɛla kɛjie oyi, amɛla kɛkafo ogbɛi lɛ.”

Lalai 86:9

Oo Nuŋtsɔ, jeŋ majimaji fɛɛ ni bo obɔ lɛ aaaba abakoto bo; ni amɛbaawo ogbɛi lɛ hiɛ nyam.

Yesaia 11:9

Afeŋ efɔŋ, ni afiteŋ nii yɛ Nyɔŋmɔ Gɔŋ Krɔŋkrɔŋ, Zion, nɔ dɔŋŋ, ejaakɛ Yehowa he nilee baayi shikpɔŋ lɛ nɔ obɔ tamɔ bɔ ni ŋshɔ eyi obɔ kɛ nu lɛ.

Yesaia 8:9

Nyɛ majimaji, nyɛbuaa nyɛhe naa kɛ tsuifãa! Nyɛ majimaji ni yɔɔ shɔŋŋ, nyɛboa toi, ni nyɛhe ajɔ̃a nyɛhe.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Hosea 13:3

No hewɔ lɛ, gbɔmɛi nɛɛ baalaaje tamɔ tutuu ni kɔɔyɔɔ loɔ kɛjɛɔ ŋmãagbeemɔhe kɛyaa lɛ, aloo tamɔ leebi bɔ ni kpalaa, loo afua ni hoɔ oya.

Mika 4:13

Yehowa kɛɛ, “Yerusalɛmbii, nyɛtea shi; ni nyɛgbea nyɛhenyɛlɔi lɛ tamɔ agbeɔ ŋmãa! Mahã nyɛhe awa tamɔ tsinanuu kɛ eklontoi ni wa tamɔ dade kɛ ekoklotoi hu ni wa tamɔ akɔɔble. Nyɛaaye maji pii anɔ kunim; ni nyɛaajɔɔ haanii ni amɛshɔ̃ aklanaŋ naa lɛ nɔ nyɛhã mi, mi ni ji je lɛ fɛɛ Nuŋtsɔ lɛ.”

Zakaria 12:3

Nakai be lɛ mli lɛ mahã Yerusalɛm atsɔ̃ tɛ ni tsii mahã maji ni bɔle lɛ lɛ. Maŋ fɛɛ maŋ ni aaaka tɛ nɛɛ nɔ womɔ lɛ aaapila. Ni shikpɔŋ lɛ nɔ majimaji krokomɛi fɛɛ aaafee ekome amɛte shi amɛwo Yerusalɛm.

1 Korintobii 15:25

Shi ja eye maŋtsɛ kɛyashi beyinɔ ni Nyɔŋmɔ kɛ henyɛlɔi lɛ fɛɛ aaawo enajiaŋshi.

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 12:8

ni aye drako kɛ ebɔfoi lɛ anɔ, ni asaŋ amɛnaaa gbɛ dɔŋŋ yɛ ŋwɛi.

Kpojiemɔ 20:11

Ni mina maŋtsɛ sɛ̃i yɛŋ ko ni da, kɛ mɔ ni ta nɔ lɛ, ni shikpɔŋ kɛ ŋwɛi jo foi yɛ ehiɛ, ni amɛbɛ gbɛhe dɔŋŋ.