Daniel 2:34 - ŊMALƐ KRƆŊKRƆŊ LƐ

³⁴ Ohiɛ amãgã nɛɛ kwɛmɔ kɛkɛ ni tɛ ko ni jeee gbɔmɔ adesa nine ta he tse kɛjɛ he ko ni ebatswa amãgã lɛ nane dade fã kɛ su fã lɛ nɔ, ni ejwra naji lɛ wɔtsɔwɔtsɔ.

Ṅmãle̱ Kroṅkroṅ Le̱

³⁴ Ohĩele̱ kwe̱mo̱ āhũ, ni te̱ ko tše bagbē ši ni dšee nine sa he, ni ebatſa amãgã le̱ nãdši ni dši dade ke̱ sũ le̱ ano̱, ni edſăraame̱ wo̱tšo̱wo̱tšo̱.

Daniel 2:34 ပူးပေါင်းရင်းမြစ်များ

Lalai 118:22

Tɛ lɛ ni tsutswalɔi lɛ kwa lɛ etsɔ̃ koŋtɛ.

Yesaia 28:16

No hewɔ lɛ, nɔ ni Nuŋtsɔ Nyɔŋmɔ kɛɔ nɛ, “Naa, mikɛ tɛ ko miima shi akɛ Zion shishitoo tɛ; eji tɛ ni aka akwɛ, koŋtɛ ni jara wa ni ma shi shiŋŋ; ni aŋma yɛ nɔ akɛ, ‘Mɔ ni heɔ yeɔ lɛ ehe kpokpoŋ.’ ”

Yesaia 60:12

Shi maji ni sɔmɔɔɔ bo lɛ aaakpãtã amɛhiɛ; nakai maji lɛ, kpãtãmɔ aaakpãtã amɛhiɛ butuu.

Yesaia 8:9

Nyɛ majimaji, nyɛbuaa nyɛhe naa kɛ tsuifãa! Nyɛ majimaji ni yɔɔ shɔŋŋ, nyɛboa toi, ni nyɛhe ajɔ̃a nyɛhe.

Ezekiel 32:28

Nɛkɛ nɔŋŋ, bo Ijipt, abaakumɔ bo, ni oooyakã foolɔi ni nyɔnyɔɔ yɛ klante naa lɛ ateŋ.

Ezekiel 47:5

Esusu nu lɛ mlikwɔlɛ, ni efee ninetalɔi akpe, ni nu lɛ tsɔ̃ faa ni minyɛɛɛ mafo. Ejaakɛ nu lɛ mli kwɔ ni etsɔ̃ faa ni anyɛɛɛ afo, shi seremɔ asereɔ kɛfoɔ.

Daniel 2:33

eshuɔji lɛ akɛ dade fee, ni enaji lɛ fã dade kɛ fã hu su.

Daniel 7:27

Kɛkɛ lɛ abaatu shikpɔŋ tso muu lɛ fɛɛ nɔ maŋtsɛyeli hewalɛ lɛ kɛ egbojee lɛ fɛɛ awo Nyɔŋmɔ Ofe lɛ mɛi krɔŋkrɔŋi lɛ adɛŋ. Amɛmaŋtsɛyeli hewalɛ nɛɛ sɛɛ efoŋ, ni shikpɔŋ lɛ nɔ lumɛi fɛɛ baasɔ̃mɔ amɛ, ni amɛbaabo amɛ toi.”

Daniel 8:25

Eŋaalee lɛ hewɔ lɛ, kɛtsɔ̃ enɔ lɛ lakamɔ baafa pii, ni ebaawo ehe nɔ. Ebaakpãtã mɛi babaoo ahiɛ, be mli ni amɛleee amɛhe be. Ebaate shi ewo jeŋ fɛɛ Lumɔi alumɔ lɛ; shi abaakpãtã ehiɛ, be mli ni adesa nine etako ehe tete.

Zakaria 12:3

Nakai be lɛ mli lɛ mahã Yerusalɛm atsɔ̃ tɛ ni tsii mahã maji ni bɔle lɛ lɛ. Maŋ fɛɛ maŋ ni aaaka tɛ nɛɛ nɔ womɔ lɛ aaapila. Ni shikpɔŋ lɛ nɔ majimaji krokomɛi fɛɛ aaafee ekome amɛte shi amɛwo Yerusalɛm.

Zakaria 4:6

Bɔfo lɛ kɛɛ mi akɛ, “Shɛɛ ni Yehowa kɛhãa Zerubabel nɛ, ‘Jeee onyɛmɔ baahã oye kunim, loo ohewalɛ kɛkɛ, shi moŋ mimumɔ lɛ ni baahã oye kunim,’ Mi Yehowa, mikɛɛ.”

Mateo 16:18

Ni mi hu miikɛɛ bo akɛ, bo ji Petro lɛ, ni nɛkɛ tɛsaa nɛɛ nɔ matswa misafo lɛ mama, ni gbohiiaje agboi lɛ nyɛŋ enɔ aye.

Yohane 1:13

mɛi ni jeee lá loo heloo loo nuu ko suɔmɔ naa afɔ amɛ yɛ, shi moŋ Nyɔŋmɔ fɔ amɛ.

Bɔfoi 4:11

Lɛ nɔŋŋ ji mɔ ni ŋmalɛi lɛ wie yɛ ehe akɛ, ‘Tɛ lɛ ni nyɛ ni nyɛ ji tsutswalɔi lɛ gbe ehe guɔ lɛ, no ebatsɔ̃ koŋtɛ nɛɛ.’

2 Korintobii 5:1

Ejaakɛ wɔle akɛ, kɛ akumɔ wɔbuu ni wɔyɔɔ mli ni ji wɔshikpɔŋ nɛɛ nɔ gbɔmɔtso lɛ shĩa jiŋŋ, wɔyɛ tsu ko ni jɛ Nyɔŋmɔ ŋɔɔ, shĩa ko ni jeee niji akɛfee, ni hiɔ shi kɛyaa naanɔ yɛ ŋwɛi.

Hebribii 9:24

Ejaakɛ jeee He Krɔŋkrɔŋ ni akɛ niji fee ni ji nii lɛ diɛŋtsɛ lɛ afoniri kɛkɛ lɛ mli Kristo yabote lɛ; shi moŋ ŋwɛi diɛŋtsɛ eyabote, koni agbɛnɛ eyapue yɛ Nyɔŋmɔ hiɛ ehã wɔ.

1 Petro 2:7

No hewɔ lɛ, nyɛ mɛi ni nyɛheɔ nyɛyeɔ lɛ ejara wa hã nyɛ; shi mɛi ni heee yeee lɛ, “Tɛ ni tsutswalɔi lɛ ekwa lɛ, No nɔŋŋ etsɔ̃ koŋtɛ”

Kpojiemɔ 11:15

Ni bɔfo ni ji kpawo lɛ kpã etɛtrɛmantrɛ lɛ, ni anu gbei wuji yɛ ŋwɛi miikɛɛ akɛ, “Je nɛɛ mli maŋtsɛyeli lɛ etsɔ̃ wɔNuŋtsɔ lɛ kɛ eKristo lɛ nɔ, ni eeeye maŋtsɛ kɛaatee naanɔi anaanɔ!”

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”