Daniel 2:30 - ŊMALƐ KRƆŊKRƆŊ LƐ

³⁰ Mi lɛ jeee minii ni mile fe adesai fɛɛ hewɔ ni ajie nɛkɛ teemɔŋ sane nɛɛ shi atsɔ̃ɔ mi; shi moŋ bɔ ni afee ni atsɔ̃ɔ Nii, oyitsoŋ saji lɛ kɛ lamɔ ni ola lɛ shishi.

Ṅmãle̱ Kroṅkroṅ Le̱

³⁰ Ši mi le, *dšee minii ní mile tšṍ fè hĩekãlo̱i fẽ hewo̱ ni adšie ne̱ke̱ tēmo̱sane ne̱ ši atšõmi, ši moṅ beni afe ní atšõ maṅtše̱ šiši; ni ole otšuiṅ dſẽṅmo̱i le̱ hewo̱ṅ. *1 Mose 41,16.

Daniel 2:30 ပူးပေါင်းရင်းမြစ်များ

1 Mose 41:16

Yosef here Farao nɔ akɛ, “Jeee mi mihewalɛ naa, shi moŋ Nyɔŋmɔ ni aaahã Farao hetoo ni hi.”

Lalai 139:2

Ole mishitamɔ kɛ mishitee mli fɛɛ; oyoɔ miyiŋtoo yɛ shɔŋŋ beebe.

Yesaia 45:4

Mitsulɔ Yakob ni ji Israel, mɔ ni miŋɔ lɛ lɛ hewɔ ni Kuros, mikɛ ogbɛi tsɛ bo, ni miwo bo gbɛi, tsɛbelɛ oleee mi lɛ.”

Daniel 1:17

Nyɔŋmɔ duro nɛkɛ oblahii ejwɛ nɛɛ jwɛŋmɔ, ni amɛnyɛ amɛkase woloŋ kɛ nii fɛɛ ni atsɔ̃ɔ amɛ lɛ. Yɛ Daniel gbɛfaŋ lɛ Nyɔŋmɔ hã enu ninaa fɛɛ ninaa kɛ lamɔ fɛɛ lamɔ hu shishi efata he.

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Daniel 2:49

Daniel bi maŋtsɛ lɛ, ni maŋtsɛ lɛ ŋɔ Shadrak kɛ Meshak kɛ Abednego eto Babilon kpokpai lɛ anɔ nitsumɔi lɛ anɔ; shi Daniel lɛ, lɛ lɛ ehi maŋtsɛwe lɛ.

Amos 4:13

Naa, mɔ ni shɔ̃ gɔji lɛ, ni ebɔ kɔɔyɔɔ, ni egbaa gbɔmɔ nɔ ni ji lɛ Nyɔŋmɔ lɛ eyiŋtoo. Lɛ mɔ ni ehãa jetsɛremɔ tsɔ̃ɔ duŋ, ni enyiɛɔ shikpɔŋ lɛ nɔ hei grɔŋŋi lɛ, Egbɛi ji Yehowa, Taiatsɛ.

Mateo 24:22

Ni kɛ afooo nakai gbii lɛ anɔ lɛ, ahereŋ heloo ko heloo ko yiwala; shi mɛi ni ahala lɛ ahewɔ lɛ aaafo nɔ.

Marko 13:20

Ni ja Nuŋtsɔ lɛ fo gbii lɛ anɔ, kɛjeee nakai lɛ ahereŋ heloo ko heloo ko yiwala; shi mɛi ni ehala lɛ ahewɔ lɛ eeefo gbii lɛ anɔ.

Bɔfoi 3:12

Be ni Petro na enɛ lɛ, ekɛɛ maŋ lɛ akɛ, “Nyɛ Israelhii, mɛɛba nyɛhiɛ feɔ nyɛ yaa yɛ enɛ hewɔ, aloo mɛɛba nyɛkwɛɔ wɔ gãa nɛkɛ, tamɔ nɔ ni wɔ diɛŋtsɛ wɔhewalɛ loo wɔNyɔŋmɔjamɔ wɔkɛhã nuu nɛɛ nyiɛɔ nɛɛ?

Romabii 8:28

Shi wɔle akɛ mɛi ni sumɔɔ Nyɔŋmɔ lɛ, nibii fiaa yeɔ buaa amɛ ni ahi ahã amɛ, amɛ mɛi ni atsɛ amɛ yɛ yiŋtoo naa lɛ.

2 Korintobii 4:15

Ejaakɛ nyɛhewɔ afeɔ fɛɛ, koni dromɔ ni fa babaoo lɛ atsɔ̃ mɛi pii ashidaa nɔ atɛke nɔ ahã Nyɔŋmɔ hiɛnyamwoo.