Daniel 2:28 - ŊMALƐ KRƆŊKRƆŊ LƐ

²⁸ Shi moŋ Nyɔŋmɔ ko yɛ ŋwɛi ni ejieɔ teemɔŋ nibii kpo etsɔ̃ɔ; ni lɛ ji mɔ ni ejie nɔ ni baaba wɔsɛɛ lɛ etsɔ̃ɔ Maŋtsɛ Nebukadnezar lɛ. Lamɔ lɛ ni ola, ni ji ninaa ni ajie atsɔ̃ɔ bo be ni okã osaa lɛ nɔ, lɛ nɛ,

Ṅmãle̱ Kroṅkroṅ Le̱

²⁸ ši Nyoṅmo̱ ko ye̱ ṅwei ní dšieo̱; tēmo̱sãdši aši, ni ētšõ maṅtše̱ Nebukadnezar noni baba wó̱se̱. Olamõ ke̱ oyitšoṅ ninā ní ona, beni okã osā le̱ no̱ le̱, ne̱:

Daniel 2:28 ပူးပေါင်းရင်းမြစ်များ

1 Mose 40:8

Amɛto he akɛ, “Wɔla lamɔi komɛi, ni mɔ ko bɛ ni aaatsɔ̃ɔ wɔ shishi.” Yosef kɛɛ, “Ani lamɔ shishitsɔɔmɔ lɛ jeee Nyɔŋmɔ nɔ ni? Nyɛfainɛ, nyɛgbaa mi lamɔi lɛ!”

1 Mose 41:16

Yosef here Farao nɔ akɛ, “Jeee mi mihewalɛ naa, shi moŋ Nyɔŋmɔ ni aaahã Farao hetoo ni hi.”

1 Mose 41:25

Kɛkɛ ni Yosef kɛɛ Farao akɛ, “Farao, lamɔi lɛ ekome ni. Nyɔŋmɔ ejie nɔ ni ebaafee kpo etsɔ̃ɔ Farao.

1 Mose 49:1

Kɛkɛ ni Yakob tsɛ ebii lɛ ni ekɛɛ, “Nyɛbuaa nyɛhe naa koni magba nyɛ wɔsɛɛ saji ni baaba nyɛ nɔ:

Lalai 115:3

WɔNyɔŋmɔ lɛ, Ŋwɛii amli ŋwɛi lɛ eyɔɔ; ni nɔ fɛɛ nɔ ni esumɔɔ lɛ, no efeɔ.

Yesaia 2:2

Ebaaba mli akɛ naagbee mli lɛ, gɔŋ lɛ ni Yehowa Sɔlemɔ we lɛ ma nɔ lɛ baatsɔ̃ gɔŋ ni kwɔ fe gɔji fɛɛ. Abaawo enɔ fe gɔji lɛ fɛɛ, ni aaajɛ jeŋjeŋ fɛɛ aba jɛi.

Yeremia 10:7

Bo majimaji fɛɛ amaŋtsɛ, namɔ po ni sheŋ bo gbeyei? Ejaakɛ bo nɔŋŋ pɛ osa woo. Majimaji lɛ anɔ nilelɔi lɛ ateŋ lɛ, kɛ amɛmaŋtsɛmɛi anɔyelihei lɛ fɛɛ lɛ mɔ ko mɔ ko bɛ ni tamɔ bo.

Yeremia 30:24

Yehowa mlifu ni naa wa lɛ sɛɛ efoŋ kɛyaashi beyinɔ ni nɔ ni eto eyiŋ akɛ ebaafee lɛ, ena efee kɛgbe naa. Wɔsɛɛ ko dani nyɛaanu sane nɛɛ shishi faŋŋ.

Yeremia 48:47

Shi naagbee mli aahu lɛ, mibahã Moab nine ashɛ nibii ni eŋmɛɛ lɛ lɛ fɛɛ nɔ. Mi, Yehowa, mikɛɛ, ‘Bɔ ni mikɛ Moab baaye mahã kɛyata nɛ.’ ”

Ezekiel 28:3

Efeɔ bo akɛ ole nii fe Daniel, ni teemɔŋ sane ko bɛ ni oleee.

Ezekiel 38:16

Ooote shi owo mimaŋ Israel; nyɛyifalɛ baaha shikpɔŋ lɛ nɔ. Kɛji gbi lɛ shɛ lɛ mahã otua mishikpɔŋ lɛ, ni bɔ ni mafee bo yɛ majimaji lɛ ahiɛ lɛ, baahã amɛle mi akɛ mɔ krɔŋkrɔŋ ji mi.

Ezekiel 38:8

Afii komɛi asɛɛ lɛ abaabua omɛi lɛ anaa. No sɛɛ lɛ, obaate shi oshi shikpɔŋ ni akpɔ̃ amɛ kɛjɛ ta mli kɛba lɛ, shikpɔŋ ni yɔɔ Israel gɔji lɛ anɔ ni kã shi efolo daa, he ni abua mɛi pii anaa kɛjɛ majimaji anɔ kɛba lɛ. Ajie emaŋbii lɛ kɛjɛ majimaji lɛ amli, ni agbɛnɛ amɛ fɛɛ tswɛm amɛfee shweshweeshwe.

Daniel 1:20

Nilee fɛɛ nilee kɛ sane fɛɛ sane ni maŋtsɛ lɛ bi Daniel kɛ enyɛmimɛi lɛ, ena akɛ amɛle nii shii nyɔŋma toi abɔ fe emaŋtsɛyeli lɛ mli shikpɔji lɛ anɔ ninalɔi kɛ ashwãifeelɔi lɛ fɛɛ.

Daniel 10:14

ni miba koni mibatsɔ̃ɔ bo nɔ ni baaba omaŋbii lɛ anɔ wɔsɛɛ, ejaakɛ nɔ ni baaba wɔsɛɛ shɔŋŋ he ninaa ona lɛ.”

Daniel 2:18

ni ebi amɛ akɛ amɛsɔle amɛkpa Nyɔŋmɔ ni yɔɔ ŋwɛi lɛ fai akɛ emusuŋ aaatsɔ̃ lɛ yɛ amɛhe; asaŋ amɛbi lɛ koni egbele teemɔŋ sane lɛ hiɛ etsɔ̃ɔ amɛ, bɔ ni afee ni akagbe amɛ hu afata Babilonbii nilelɔi krokomɛi lɛ ahe.

Daniel 2:22

ejieɔ saji ni mli kwɔlɔ kɛ nibii ni akɛtee kpo etsɔ̃ɔ; ele nii ni yɔɔ duŋ mli, ni he ni eyɔɔ lɛ jɛi la yɔɔ.

Daniel 2:44

Maŋtsɛyelii nɛɛ amli maŋtsɛmɛi lɛ ayinɔi amli lɛ, Nyɔŋmɔ ni yɔɔ ŋwɛi lɛ baatee maŋtsɛyeli ko ni sɛɛ efoŋ dɔŋŋ shi ema shi. Maŋ ko maŋ ko nyɛŋ enɔ kunim eye. Ebaakpãtã maŋtsɛyelii nɛɛ fɛɛ ahiɛ butuu, ni amɛnɔyelii lɛ asɛɛ aaafo; shi lɛ lɛ emaŋtsɛyeli lɛ baama shi kɛaatee naanɔ.

Daniel 2:45

Bɔ ni ona tɛ ko ni jeee gbɔmɔ adesa nine ni kpɔ lɛ kɛjɛ gɔŋ ko he, ni ebafuflu amãgã ni akɛ dade kɛ akɔɔble kɛ su kɛ jwiɛtɛi kɛ shika fee lɛ, Nyɔŋmɔ kpeteŋkple lɛ ejie nɔ ni baaba wɔsɛɛ ko lɛ etsɔ̃ɔ bo, Nii. Lamɔ ni migba Nii nɛɛ, eji anɔkwale; ni eshishi ni mitsɔ̃ɔ lɛ hu yɛ mli nyɔŋma shiishi.”

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Daniel 4:5

Shi mila lamɔ ko ni wo mihe gbeyei, ejaakɛ nibii ni mina yɛ lamɔ lɛ mli, be mli ni mikã shi miwɔ lɛ, yɛ gbeyei.

Hosea 3:5

Kɛfee sɛɛ lɛ Israelbii baaku amɛsɛɛ, amɛaakpale, ni amɛaabatao Yehowa, amɛNyɔŋmɔ lɛ sɛɛgbɛ, amɛaabatao amɛmaŋtsɛ ni ji David shwie ko hu sɛɛgbɛ. Nakai be lɛ amɛkɛ gbeyeishemɔ aaaba Yehowa ŋɔɔ, ni eeejɔɔ amɛ kɛ nibii kpakpai yɛ naagbee bei lɛ amli.

Amos 4:13

Naa, mɔ ni shɔ̃ gɔji lɛ, ni ebɔ kɔɔyɔɔ, ni egbaa gbɔmɔ nɔ ni ji lɛ Nyɔŋmɔ lɛ eyiŋtoo. Lɛ mɔ ni ehãa jetsɛremɔ tsɔ̃ɔ duŋ, ni enyiɛɔ shikpɔŋ lɛ nɔ hei grɔŋŋi lɛ, Egbɛi ji Yehowa, Taiatsɛ.

4 Mose 24:14

Balaam tee ewiemɔ lɛ nɔ, ni ekɛɛ Balak akɛ, “Mi lɛ miiya mimaŋ, shi dani mashwie nɔ lɛ, mibatswa bo adafi yɛ nɔ ni Israel maŋ nɛɛ baafee omaŋ lɛ wɔsɛɛ ko he.”

Mateo 6:9

“No hewɔ lɛ, nyɛsɔlea nɛkɛ, ‘WɔTsɛ ni yɔɔ ŋwɛi, ogbɛi lɛ he atse;

5 Mose 31:19

“No hewɔ lɛ, agbɛnɛ ŋmaa nɛkɛ lala nɛɛ, ni otsɔ̃ɔ Israelbii lɛ. Lala lɛ ahi amɛdaaŋ. Enɛ baaye mi kɛ Israelbii ateŋ odase.

5 Mose 4:30

“Kɛji enɛɛmɛi fɛɛ eba nyɛnɔ, ni nyɛyɛ nɔnaa mli lɛ, nakai gbii lɛ amli nyɛaakpale kɛba Yehowa nyɛNyɔŋmɔ lɛ, ŋɔɔ, ni nyɛaabo lɛ toi,

2 Timoteo 3:1

Shi na enɛ ole akɛ naagbee gbii lɛ amli lɛ jaramɔ bei baaba.

Hebribii 1:1

Sa lɛ bei srɔtoi amli kɛ gbɛi srɔtoi anɔ Nyɔŋmɔ tsɔ̃ ekɛ wɔtsɛmɛi lɛ wie yɛ gbalɔi lɛ anaa.

2 Petro 3:3

Klɛŋklɛŋ lɛ nyɛle enɛ, akɛ naagbee gbii lɛ anɔ lɛ, hefɛoyelɔi aaaba kɛ hefɛoyeli, ni amɛaanyiɛ yɛ amɛ diɛŋtsɛ amɛkɔnɔi lɛ anaa,

Kpojiemɔ 1:1

Yesu Kristo kpojiemɔ ní Nyɔŋmɔ kɛhã lɛ ni ekɛtsɔ̃ɔ etsuji nii ní sa akɛ aba mli nɔŋŋ ní ekɛtsu ebɔfo lɛ ni ehã etsulɔ, Yohane le lɛ.