Daniel 2:22 - ŊMALƐ KRƆŊKRƆŊ LƐ

²² ejieɔ saji ni mli kwɔlɔ kɛ nibii ni akɛtee kpo etsɔ̃ɔ; ele nii ni yɔɔ duŋ mli, ni he ni eyɔɔ lɛ jɛi la yɔɔ.

Ṅmãle̱ Kroṅkroṅ Le̱

²² Le̱ dši moni dšieo̱ nibii ní mli kwŏ̱lo̱ ke̱ nibii ní aṅõ-tē le̱ akpo, ele nii ní yo̱ duṅ mli, ni la hũ ke̱le̱ yo̱.

Daniel 2:22 ပူးပေါင်းရင်းမြစ်များ

1 Mose 41:16

Yosef here Farao nɔ akɛ, “Jeee mi mihewalɛ naa, shi moŋ Nyɔŋmɔ ni aaahã Farao hetoo ni hi.”

Hiob 12:22

Ejieɔ nibii ni hɔlɔ dujiaŋ lɛ kpo, ni ehãa la kpɛɔ yɛ hei ni duŋ yɔɔ.

Hiob 26:6

Gbohiiaje kã shi kpetekplee yɛ Nyɔŋmɔ hiɛ; nɔ ko nɔ ko ehaaa nɔ yɛ Nyɔŋmɔ hiɛ.

Lalai 104:2

Oha la tamɔ ahaa mama, ni olɛɛ ŋwɛi mli oha shi tamɔ buu.

Lalai 25:14

Mɛi ni sheɔ Yehowa gbeyei lɛ, amɛ ekɛbɔɔ naanyo, ni ehãa amɛleɔ ekpãŋmɔ lɛ.

Lalai 36:9

Ejaakɛ bo ji wala fɛɛ nubu; ni ola lɛ hãa wɔnaa nii faŋŋ.

Jajelɔ 8:1

Namɔ kɛ nilelɔ ye egbɔ; ni namɔ nuɔ nibii ashishi? Nilee hãa gbɔmɔ saa ehiɛ kɛ ŋmɔlɔ, ni ehiɛtumɔ laajeɔ.

Yesaia 41:22

koni amɛgba nɔ ni baaba amɛtsɔ̃ɔ wɔ. Nyɛtsɔ̃a wɔ blema nibii lɛ, nɔ ni amɛ ji, koni wɔsusu he, koni wɔle nɔ ni baajɛ mli aba, aloo nyɛ diɛŋtsɛ nyɛgbaa wɔ nibii ni baaba lɛ.

Yesaia 41:26

Namɔ gba kɛjɛ shishijee mli koni wɔle? Ni namɔ tsɔ̃ hiɛ egba dani eba mli, koni wɔkɛɛ akɛ, ‘Ewiemɔ lɛ ja.’ Mɔ ko mɔ ko bɛ ni lɛ ekɛɛ; mɔ ko kwraa ejajeko nɔ ko; mɔ ko mɔ ko bɛ ni nuɔ nyɛwiemɔ lɛ.

Yesaia 42:9

Naa, tsuutsunii ni migba lɛ eba mli; agbɛnɛ nii hee mikɛɔ nyɛ nɛɛ; miikɛɛ nyɛ dani eba mli.”

Yesaia 45:7

Mi mihãa la kɛ duŋ fɛɛ baa; mihãa anaa hejɔlɛ, ni mihãa jaramɔ baa. Mi ji Yehowa, mɔ ni feɔ enɛɛmɛi fɛɛ lɛ.”

Yeremia 23:24

Aso mɔ ko baanyɛ atee ehe yɛ teemɔhe ko ni minaŋ lɛ yɛ he ni eyɔɔ lo? Yehowa kɛɛ. “Ani jeee mi ni miyi ŋwɛi kɛ shikpɔŋ lɛ nɔ fɛɛ obɔ̃ lɛ? Mi, Yehowa, miibi.

Yeremia 33:3

“Tsɛ mi, ni mahere bo nɔ, ni magba bo teemɔŋ nibii ni oleee.

Daniel 2:11

Sane ni Maŋtsɛ biɔ nɛɛ mli wa bɔ ni mɔ ko nyɛŋ naa etsɔ̃ɔ akɛ ja wɔnyɔŋmɔi lɛ; ni nyɔŋmɔi nɛɛ hu ashihilɛhe bɛ adesai ateŋ.”

Daniel 2:19

Ajie teemɔŋ sane lɛ shishi atsɔ̃ɔ Daniel yɛ ninaa mli nyɔɔŋ, ni Daniel jie Nyɔŋmɔ ni yɔɔ ŋwɛi lɛ yi.

Daniel 2:47

Ekɛɛ Daniel akɛ, “Lɛɛlɛŋ akɛ nyɛNyɔŋmɔ lɛ, lɛ ji Nyɔŋmɔ ni fe nyɔŋmɔi fɛɛ kɛ maŋtsɛmɛi fɛɛ anuŋtsɔ lɛ; ni lɛ ejieɔ teemɔŋ saji akpo, ejaakɛ onyɛ ojie nɛkɛ teemɔ sane nɛɛ kpo.”

Daniel 5:11

Nuu ko yɛ omaŋtsɛyeli nɛɛ mli ni nyɔŋmɔi krɔŋkrɔŋi lɛ amumɔ yɔɔ emli. Otsɛ yinɔ lɛ gbɔmɔ nɛɛ jie hiɛshikãmɔ kɛ nilee kɛ jwɛŋmɔ kpo tamɔ nyɔŋmɔi lɛ anilee yɔɔ lɛ. No hewɔ lɛ, otsɛ, Maŋtsɛ Nebukadnezar, wo lɛ woloŋlelɔi kɛ klamɔfoi kɛ ashwãifeelɔi kɛ ŋulamiiaŋkwɛlɔi fɛɛ anukpa.

Daniel 5:14

Minu ohe akɛ nyɔŋmɔi krɔŋkrɔŋi lɛ amumɔ ni yɔɔ omli lɛ naa wa naakpa; anaa akɛ ohiɛ kã shi, ni ole nii, ni oyɛ jwɛŋmɔ hu pam.

Mateo 13:13

Enɛ hewɔ mikɛ amɛ wieɔ yɛ abɛbuai amli lɛ, ejaakɛ amɛmiina nɛ shi amɛnaaa, ni amɛmiinu nɛ shi amɛnuuu, ni amɛnaaa shishi hu.

Yohane 1:9

Anɔkwa la lɛ ni tsoɔ hãa mɔ fɛɛ mɔ lɛ baa je lɛ mli nɛɛ.

Yohane 21:17

Ebi lɛ nɔ ni ji shii etɛ̃ akɛ, “Simon, Yona bi, oosumɔ mi lo?” Edɔ Petro akɛ ebi lɛ nɔ ni ji shii etɛ̃ akɛ, “Oosumɔ mi lo?” lɛ; ni ekɛɛ lɛ akɛ, “Nuŋtsɔ, ole nii fiaa, ole akɛ miisumɔ bo.” Yesu kɛɛ lɛ akɛ, “Lɛɛ mitoi lɛ!

Yohane 8:12

Kɛkɛ ni Yesu kɛ amɛ wie ekoŋŋ ekɛɛ, “Mi ji je lɛ mli la lɛ. Mɔ ni nyiɛɔ misɛɛ lɛ, enyiɛŋ duŋ mli gbi ko gbi ko, shi moŋ eeena wala la lɛ.”

1 Korintobii 4:5

No hewɔ lɛ, nyɛkakojoa nɔ ko dani shɛ be lɛ, kɛyashi beyinɔ ni Nuŋtsɔ lɛ aaaba, mɔ ni kɛ dujiaŋ nibii ni akɛtee lɛ tete aaaba la hiɛ, ni eeejie tsuiiaŋ ajinai lɛ ashi lɛ. Ni no mli lɛ mɔ fɛɛ mɔ aaana eyijiemɔ kɛaajɛ Nyɔŋmɔ dɛŋ.

Efesobii 3:5

Teemɔ sane nɛɛ, yinɔi ni eho lɛ mli lɛ ahãaa gbɔmɛiabii ale, tamɔ bɔ ni agbɛnɛ ajie kpo atsɔ̃ɔ ebɔfoi krɔŋkrɔŋi kɛ gbalɔi lɛ kɛtsɔ̃ Mumɔ lɛ nɔ lɛ.

5 Mose 29:28

Kɛkɛ ni Yehowa gri, ni efã amɛ yɛ emlifu kɛ emlila lɛ naa, ni eshɛrɛ amɛ eshwie maŋsɛɛ shikpɔŋ ko nɔ tamɔ bɔ ni eyɔɔ ŋmɛnɛ gbi nɛɛ lɛ.’

1 Timoteo 6:16

Lɛ ekome eyɔɔ naanɔ shihilɛ ni gbele bɛ mli, ni ehiɔ la ni anyɛŋ abɛŋkɛ mli; gbɔmɔ ko gbɔmɔ ko enako lɛ dã, ni enyɛŋ lɛ ena hu lɛ. Enɔ ji woo kɛ naanɔ hewalɛ lɛ. Amen!

Hebribii 4:13

Ni ateee bɔɔnɔ ko yɛ ehiɛ, shi nibii fɛɛ yɛ faŋŋ ni agbele nɔ yɛ lɛ mɔ ni wɔkɛyɔɔ sane lɛ hiɛ.

Yakobo 1:17

Dromɔnii kpakpai fɛɛ kɛ nikeenii ni hi kɛwula shi fɛɛ lɛ; ŋwɛi ejɛɔ ekpelekeɔ shi, kɛjɛɔ ŋwɛi lai aTsɛ lɛ ŋɔɔ, mɔ mli ni tsakemɔ loo duŋ ni tsakemɔ kɛbaa bɛ lɛ.

1 Yohane 1:5

Ni enɛ ji sane lɛ ni wɔnu kɛjɛ ebi lɛ ŋɔɔ ni wɔsaa wɔjajeɔ wɔtsɔ̃ɔ nyɛ lɛ. No ji akɛ Nyɔŋmɔ lɛ, là ji lɛ, ni duŋ ko kwraa bɛ emli,