Daniel 2:20 - ŊMALƐ KRƆŊKRƆŊ LƐ

²⁰ Daniel wo enaa nɔ ni ekɛɛ akɛ, “Ajie Nyɔŋmɔ, mɔ dɛŋ ni nilee kɛ hewalɛ lɛ fɛɛ yɔɔ lɛ, yi kɛya naanɔi anaanɔ.

Ṅmãle̱ Kroṅkroṅ Le̱

²⁰ Ni Daniel wó enā no̱ ekē̱: Adsĩe Nyoṅmo̱ gbe̱i le̱ yi ke̱-dše̱ nāno̱ ke̱-yaši nāno̱, edšake̱ enõ dši nilē ke̱ hewale̱ fẽ!

Daniel 2:20 ပူးပေါင်းရင်းမြစ်များ

1 Mose 14:20

ni ajie Ŋwɛi Flooflo Nyɔŋmɔ lɛ ni hã oye ohenyɛlɔi lɛ anɔ kunim lɛ yi.” Ni Abram hã Melkizedek nii lɛ fɛɛ mlijai nyɔŋma mli ekome.

1 Maŋtsɛmɛi 8:56

“Ajie Yehowa, mɔ ni ehã emaŋ Israel toiŋjɔlɛ taakɛ bɔ ni ewo shi lɛ pɛpɛɛpɛ. Eshiwoi kpakpai fɛɛ ni etsɔ̃ etsulɔ Mose nɔ ewo lɛ, emli wiemɔ lɛ ekome folo nɛkɛ efeko yaka.

1 Kronika 29:20

Kɛkɛ ni David kɛɛ asafo ni ewo shi lɛ akɛ, “Nyɛjiea Yehowa, nyɛNyɔŋmɔ lɛ, yi!” Ni asafo muu lɛ fɛɛ jie Yehowa, amɛtsɛmɛi aNyɔŋmɔ lɛ, yi; ni amɛmamɔ amɛyi shi amɛja Yehowa, ni amɛkoto maŋtsɛ lɛ hu.

2 Kronika 20:21

Be ni Yehoshafat kɛ maŋ lɛ eto ajina sɛɛ lɛ, ehala lalatsɛmɛi komɛi akɛ amɛwula kɛ atadei ni amɛwoɔ yɛ gbii krɔŋkrɔŋi anɔ lɛ koni amɛla kɛjie Yehowa yi kɛnyiɛ tabilɔi lɛ ahiɛ amɛkɛɛ akɛ, “Ajie Yehowa yi, ejaakɛ esuɔmɔ sɛɛ efooo kɛyaa naanɔ!”

Nehemia 9:5

Kɛkɛ ni Yeshua kɛ Kadmiel kɛ Bani kɛ Hashabneia kɛ Sherebia kɛ Hodia kɛ Shebania kɛ Patahia ni amɛ fɛɛ lɛ Levibii ji amɛ lɛ, kɛɛ akɛ, “Nyɛtea shi ni nyɛjiea Yehowa, nyɛNyɔŋmɔ lɛ, yi; nyɛjiea eyi kɛjɛ naanɔ kɛyashi naanɔ! Aaajie egbɛi ni yɔɔ nyam lɛ yi, tsɛbelɛ bɔ fɛɛ bɔ ni ajieɔ egbɛi yi ni akafoɔ lɛ ahãa tete lɛ, eshɛɛɛ egbɛi lɛ dalɛ.”

Hiob 12:13

Shi Nyɔŋmɔ lɛ, eyɛ nilee kɛ hewalɛ kɛ ŋaawoo kɛ jwɛŋmɔ fɛɛ.

Lalai 113:1

Nyɛjiea Yehowa yi! Oo nyɛ Yehowa tsuji fɛɛ, nyɛjiea, nyɛjiea Yehowa gbɛi lɛ yi!

Lalai 113:2

Ajie Yehowa gbɛi lɛ yi, kɛjɛ benɛ mli aahu kɛyaashi naanɔ!

Lalai 115:18

shi wɔ, hiɛkãalɔi lɛ moŋ wɔɔjie Yehowa yi, kɛjɛ be nɛɛ mli, aahu kɛyaashi naanɔ fɛɛ. Nyɛjiea Yehowa yi!

Lalai 147:5

WɔNuŋtsɔ lɛ je agbo; ni ehewalɛ fa naakpa, ni enilee lɛ anaaa naa.

Lalai 41:13

Ajie Yehowa, Israel Nyɔŋmɔ lɛ, yi kɛjɛ naanɔ kɛyashi naanɔ. Amen! Amen!

Lalai 50:23

Mɔ ni shãa shidaa afɔle lɛ, eewo mihiɛ nyam. Mɔ ni baa ejeŋ jogbaŋŋ lɛ, mibahere eyiwala.

Lalai 62:11

Minu ni Nyɔŋmɔ ekɛɛ fe shii abɔ akɛ Lɛ edɛŋ hewalɛ fɛɛ yɔɔ.

Abe̱i 8:14

Minɔ ji ŋaawoo kɛ nilee kpakpa, miyɛ sanesɛɛkɔmɔ; miyɛ hewalɛ hu.

Yeremia 32:19

oŋaalee mli kwɔ, ni ofeɔ nibii wuji. Bo ni onaa gbɔmɛi ajeŋbai fɛɛ, ni bɔ ni mɔ fɛɛ mɔ nifeemɔ yɔɔ lɛ nakai he nyɔmɔ owoɔ lɛ; ni nɔ ni mɔ fɛɛ mɔ duɔ lɛ no yibii ohãa ekpaa.

Ezekiel 28:3

Efeɔ bo akɛ ole nii fe Daniel, ni teemɔŋ sane ko bɛ ni oleee.

Mateo 6:13

Ni okɛ wɔ akaya kaa mli; shi jiemɔ wɔ kɛjɛ efɔŋ mli. [Shi onɔ ji maŋtsɛyeli lɛ kɛ hewalɛ lɛ kɛ anunyam lɛ kɛyashiɔ naanɔ. Amen.’]

Yuda 1:24

Shi lɛ mɔ ni yɔɔ hewalɛ ni ekɛaabu nyɛhe ni nyɛkatɛrɛ ni eŋɔ nyɛ eyadamɔ enunyam lɛ hiɛ ni kpa ko bɛ nyɛhe yɛ mliflimɔ mli lɛ,

Kpojiemɔ 5:12

ni amɛkɛ gbee wulu kɛɛ akɛ, “Toobi ni agbe lɛ sa hewalɛ kɛ nifalɛ kɛ nilee kɛ nyɛmɔ kɛ woo kɛ anunyam kɛ jɔɔmɔ.”