Daniel 2:2 - ŊMALƐ KRƆŊKRƆŊ LƐ

² No hewɔ lɛ, Maŋtsɛ Nebukadnezar fã akɛ ayatsɛ ashwãifeelɔi kɛ klamɔfoi kɛ ŋkunyaayelɔi ni yɔɔ Babilonbii ateŋ lɛ abaha lɛ koni amɛbatsɔ̃ɔ lɛ elamɔi lɛ ashishi. Be ni gbɔmɛi nɛɛ shɛ maŋtsɛ lɛ hiɛ lɛ,

Ṅmãle̱ Kroṅkroṅ Le̱

² Ni maṅtše̱ le̱ kē̱ ake̱ ayatšē̱ woloṅlelo̱i ke̱ okõmfoi ke̱ ṅkũnyāyelo̱i ke̱ Kaldeamei le̱ ke̱-ba, koni ame̱batšõ maṅtše̱ le̱ elamõi le̱. Ni ame̱ba, ni amebadamo̱ maṅtše̱ le̱ hĩe. Ies. 47,12. 13.

Daniel 2:2 ပူးပေါင်းရင်းမြစ်များ

1 Mose 41:8

Leebi lɛ etsui bɔ̃i yeli. Enɛ hewɔ lɛ, etsu ayatsɛ Ijipt nifeelɔi lɛ kɛ nilelɔi lɛ fɛɛ kɛba, ni egba amɛ elamɔ lɛ; shi amɛteŋ mɔ ko mɔ ko nyɛɛɛ Farao lamɔ lɛ shishi etsɔ̃ɔ.

Ester 1:13

Kɛji sane ko ba nɛkɛ lɛ, Maŋtsɛ Ahashwerosh sumɔɔ akɛ ebi ŋaawoo yɛ nilelɔi kɛ mɛi ni le shikpɔŋ lɛ nɔ mlai amli kɛ saneyeli mli jogbaŋŋ lɛ adɛŋ. Enɛ hewɔ lɛ, etsɛ eŋaawolɔi lɛ.

2 Mose 7:11

Kɛkɛ ni Farao hu hã ayatsɛ nilelɔi kɛ ŋkunyaayelɔi kɛba. Gbɔmɛi nɛɛ ji Ijipt ashwãifeelɔi lɛ. Amɛ hu amɛkɛ amɛkunyaayeli ŋai lɛ fee nakai nɔŋŋ.

Yesaia 19:3

Mahã Ijiptbii awerɛ aho amɛhe fe nine, ni amɛyiŋtoi fɛɛ baafee yaka. Amɛbaaya amãgãi kɛ klamɔfoi kɛ sisai aŋɔɔ amɛyabi nii.

Yesaia 8:19

Kɛji mɔ ko aaakɛɛ nyɛ akɛ, “Nyɛyabia okɔmfoi kɛ klamɔfoi ni wieɔ gugɔjiaŋ kɛ akroma gbee lɛ nii lɛ, nyɛkɛa akɛ aso esaaa akɛ maŋbii biɔ amɛNyɔŋmɔ lɛ moŋ nii? Aso esa akɛ abiɔ gbohiinii ahaa hiɛkãalɔi moŋ?”

Daniel 1:20

Nilee fɛɛ nilee kɛ sane fɛɛ sane ni maŋtsɛ lɛ bi Daniel kɛ enyɛmimɛi lɛ, ena akɛ amɛle nii shii nyɔŋma toi abɔ fe emaŋtsɛyeli lɛ mli shikpɔji lɛ anɔ ninalɔi kɛ ashwãifeelɔi lɛ fɛɛ.

Daniel 1:4

Esa akɛ oblahii nɛɛ ahe yɛ fɛo, kpa ko kpa ko akahi amɛgbɔmɔtsei ahe; amɛyɛ tsɔsemɔ, amɛyɛ jwɛŋmɔ, ni amɛjwɛŋmɔŋ kã shi kɛhã nikasemɔ, koni atsɔse amɛ ni amɛsɔ̃mɔ yɛ maŋtsɛwe lɛ mli. Efã hu akɛ atsɔ̃ɔ amɛ Babilonbii awiemɔ lɛ kɛ amɛwoloŋ hu.

Daniel 2:10

Babilonbii lɛ to he amɛhã Maŋtsɛ Nebukadnezar akɛ, “Nii, mɔ ko mɔ ko bɛ je nɛɛ mli ni ebaanyɛ bo osane nɛɛ naa etsɔ̃ɔ. Maŋtsɛ ko kwraa ehiko shi pɛŋ, bɔ fɛɛ bɔ ni eje agbo ehã, ni eyɔɔ hewalɛ hu ehã, ni ekɛ nɛkɛ sane efɔ̃ ashwãifeelɔi loo klamɔfoi loo ŋkunyaayelɔi loo Babilonbii ahiɛ dã.

Daniel 2:27

Daniel here maŋtsɛ lɛ nɔ akɛ, “Nii, klamɔfonyo ko klamɔfonyo ko loo ashwãifeelɔ loo ŋulamiiaŋkwɛlɔ ko bɛ ni ebaanyɛ etsɔ̃ɔ teemɔŋ sane ni Nii taoɔ lɛ.

Daniel 3:8

Babilonbii komɛi tsɔ̃ amãgã nɛɛ jamɔ lɛ nɔ, ni amɛfo Yudafoi lɛ anaa.

Daniel 4:3

“Kwɛ bɔ ni okadii ni Nyɔŋmɔ jieɔ etsɔ̃ɔ wɔ lɛ tsiitsii hã. Kwɛ bɔ ni enifeemɔ nii yɔɔ naakpɛɛ naakpa. Emaŋtsɛyeli lɛ, naanɔ maŋtsɛyeli ni, ni ejɛɔ yinɔ kɛyaa yinɔ!

Daniel 4:6

No hewɔ lɛ, mifã akɛ atsɛ nilelɔi ni yɔɔ Babilon shikpɔŋ lɛ nɔ lɛ fɛɛ kɛba mihiɛ, koni amɛbatsɔ̃ɔ mi lamɔ lɛ shishi.

Daniel 5:7

Maŋtsɛ lɛ bo waa akɛ ayaŋɔ ashwãifeelɔi lɛ kɛ klalɔi lɛ kɛ ŋulamiiaŋkwɛlɔi lɛ abahã lɛ. Be ni Babilon nilelɔi nɛɛ ba lɛ, maŋtsɛ lɛ kɛɛ amɛ akɛ, “Mɔ ni baanyɛ gbogbo nɛɛ he niŋmaa nɛɛ ekane, ni asaŋ etsɔ̃ɔ mi eshishi lɛ, abaawula lɛ kɛ lumɔ atade afaseo kɛ shika kɔsɔŋkɔsɔ kuɛnii. Ebaatsɔ̃ nɔyelɔ ni ji etɛ̃ yɛ mimaŋtsɛyeli lɛ mli.”

1 Samuel 6:2

Kɛkɛ ni Filistibii lɛ kpee amɛsɔfoi kɛ mɛi ni feɔ nii ni amɛgbaa lɛ, ni amɛbi amɛ akɛ, “Te wɔfee Yehowa Kpãŋmɔ Adeka lɛ tɛŋŋ? Nyɛtsɔa wɔ nɔ ni sa akɛ wɔkɛfata adeka lɛ he ni wɔkɛku sɛɛ kɛya he ni ejɛ.”