Daniel 2:12 - ŊMALƐ KRƆŊKRƆŊ LƐ

¹² Hetoo nɛɛ hã Maŋtsɛ Nebukadnezar mli fu, ni emli wo la naakpa. Kɛkɛ ni efã akɛ agbe nilelɔi ni yɔɔ maŋtsɛ he lɛ fɛɛ yɛ Babilon shikpɔŋ lɛ nɔ.

Ṅmãle̱ Kroṅkroṅ Le̱

¹² Nohewo̱ le̱ maṅtše̱ le̱ mli fũ, ni emli wo la naakpa, ni efã́ ake̱ akpãtã Babel nilelo̱i le̱ fẽ hĩe.

Daniel 2:12 ပူးပေါင်းရင်းမြစ်များ

Hiob 5:2

Eji anɔkwale sane akɛ mlila sɔŋŋ gbeɔ kwashia, ni awuŋayeli gbeɔ mɔ ni hiɛ etɛ̃ɛɛ.

Lalai 76:10

Gbɔmɔ adesã mlila tete aaajie oyi. Mɛi ni aaaje gbele mli yɛ ta lɛ mli lɛ, aaaye ogbii juji lɛ.

Abe̱i 16:14

Kɛji maŋtsɛ mli fu lɛ, gbele aaanyɛ ajɛ mli aba; shi nilelɔ jɔɔ maŋtsɛ tsui he.

Abe̱i 19:12

Maŋtsɛ mlifu tamɔ jata huumɔ; shi kɛ ena mɔ he tsui lɛ, etamɔ bɔ ni jwere jwɛi nɔ.

Abe̱i 20:2

Maŋtsɛ mlifu ni naawa lɛ etamɔ jata huumɔ; mɔ ni woɔ maŋtsɛ mlifu lɛ, ewala ŋmɛɔ lɛ.

Abe̱i 29:22

Mɔ ni mli fuɔ lɛ, eteɔ bei shi; ni mɔ ni mli etsɛɛɛ fumɔ lɛ, etɔ̃ɔ babaoo.

Daniel 2:24

No hewɔ lɛ, Daniel yiŋ etee Ariok, mɔ ni maŋtsɛ efã lɛ akɛ ekpãtã Babilon nilelɔi lɛ ahiɛ lɛ ŋɔɔ. Eyakɛɛ lɛ akɛ, “Kaakpãtã nilelɔi lɛ ahiɛ, shi moŋ okɛ mi aya maŋtsɛ ŋɔɔ, ni matsɔ̃ɔ maŋtsɛ elamɔ lɛ shishi.”

Daniel 2:5

Maŋtsɛ lɛ kɛɛ amɛ akɛ, “Nɔ krɛdɛɛ ni mito miyiŋ akɛ mibabi nyɛ ji akɛ nyɛ diɛŋtsɛ nyɛtsɔ̃a mi nɔ lamɔ ni mila lɛ, koni nyɛtsɔ̃ɔ mi eshishi hu. Kɛji nyɛnyɛɛɛ lɛ, no lɛ mahã atserɛ nyɛmli, ni aaahã nyɛshĩai lɛ atsɔ̃ tamɔ tumo.

Daniel 3:13

Maŋtsɛ Nebukadnezar kɛ mlifu kɛ mlila fã akɛ ayaŋɔ Shadrak kɛ Meshak kɛ Abednego kɛba; ni ayaŋɔ gbɔmɛi nɛɛ kɛba maŋtsɛ lɛ hiɛ.

Daniel 3:19

Kɛkɛ ni Maŋtsɛ Nebukadnezar mli wo la fe nine, ni ehiɛ tsake ewo Shadrak kɛ Meshak kɛ Abednego. Amrɔ nɔŋŋ pɛ ni efã akɛ awo flɔnɔɔ lɛ mli la koni edɔ toi kpawo fe bɔ ni ahãa edɔɔ daa lɛ.

Daniel 5:19

ni agbojee ni aduro lɛ naa hewɔ lɛ shikpɔji kɛ asafoi kɛ wiemɔi srɔtoi anɔ bii bluublu sheɔ lɛ gbeyei, ni mɛi ahe kpokpoɔ yɛ ehiɛ. Mɔ ni esumɔɔ akɛ egbe lɛ lɛ, egbeɔ lɛ, ni mɔ ni esumɔɔ akɛ ehi wala mli lɛ, ehãa ehiɔ wala mli. Mɔ ni esumɔɔ akɛ ewo enɔ lɛ, ewoɔ enɔ; ni mɔ hu ni esumɔɔ akɛ eba lɛ shi lɛ, ebaa lɛ shi.

Mateo 2:16

Agbɛnɛ be ni Herode na akɛ nilelɔi lɛ yeee lɛ anɔkwa lɛ, emli fu waa, ni etsu ayagbe gbekɛbii hii fɛɛ ni yɔɔ Betlehem kɛ jɛi niiaŋ fɛɛ, mɛi ni eye afii enyɔ kɛ mɛi ni yeko nakai lɛ, kɛji abu kɛjɛ be ni ebi nilelɔi lɛ sane lɛ fitsofitso lɛ.

Mateo 5:22

Shi mi lɛ, miikɛɛ nyɛ akɛ, mɔ fɛɛ mɔ ni mli fuɔ enyɛmi lɛ, eeeye fɔ yɛ kojomɔ lɛ mli; ni mɔ fɛɛ mɔ ni aaakɛɛ enyɛmi akɛ, ‘Yaka gbɔmɔ’ lɛ eeeye gwabɔɔ lɛ hiɛ fɔ; ni mɔ fɛɛ mɔ ni aaakɛɛ akɛ, ‘Buulu’ lɛ eeeye abonsamiiaje la lɛ mliyaa fɔ.