Daniel 2:11 - ŊMALƐ KRƆŊKRƆŊ LƐ

¹¹ Sane ni Maŋtsɛ biɔ nɛɛ mli wa bɔ ni mɔ ko nyɛŋ naa etsɔ̃ɔ akɛ ja wɔnyɔŋmɔi lɛ; ni nyɔŋmɔi nɛɛ hu ashihilɛhe bɛ adesai ateŋ.”

Ṅmãle̱ Kroṅkroṅ Le̱

¹¹ edšake̱ sane ní maṅtše̱ bio̱ ne̱ wa, ni mokomoko be̱ ní aanyẽ atšõ maṅtše̱ ne̱ke̱ sane ne̱, ake̱ dša nyoṅmo̱i ní ame̱šihĩle̱he be̱ adesãi ateṅ le̱.

Daniel 2:11 ပူးပေါင်းရင်းမြစ်များ

1 Mose 41:39

No hewɔ lɛ, Farao kɛɛ Yosef akɛ, “Akɛni Nyɔŋmɔ ejie enɛ fɛɛ kpo etsɔ̃ɔ bo lɛ, belɛ, mɔ ko mɔ ko bɛ ni hiɛ kã shi ni le nii tamɔ bo.

1 Mose 41:8

Leebi lɛ etsui bɔ̃i yeli. Enɛ hewɔ lɛ, etsu ayatsɛ Ijipt nifeelɔi lɛ kɛ nilelɔi lɛ fɛɛ kɛba, ni egba amɛ elamɔ lɛ; shi amɛteŋ mɔ ko mɔ ko nyɛɛɛ Farao lamɔ lɛ shishi etsɔ̃ɔ.

1 Maŋtsɛmɛi 8:27

“Aso bo Nyɔŋmɔ, ooobahi shikpɔŋ nɛɛ nɔ lo! Naa, ŋwɛi kɛ ŋwɛii amli ŋwɛi nyɛɛɛ bo ato, aahu ni Sɔlemɔtsu bibioo nɛɛ ni mimã nɛɛ!

2 Kronika 6:18

“Shi aso Nyɔŋmɔ kɛ gbɔmɛi aaabahi shi lɛɛlɛŋ yɛ shikpɔŋ lɛ nɔ? Naa, ŋwɛi kɛ ŋwɛi amli tete edaaa hãaa bo, aahu ni Sɔlemɔtsu ni mima nɛɛ.

Lalai 132:14

“Mihejɔɔmɔhe nɛ kɛmiiya naanɔ; biɛ mahi, ejaakɛ biɛ misumɔɔ.

Lalai 68:18

Okwɔ kɛtee gɔŋ grɔŋŋ lɛ nɔ, kɛ nomii ni nyiɛ osɛɛ, ohe nikee kɛjɛ mɛi, mɛi tete ni te shi wo bo lɛ adɛŋ, Yehowa, Nyɔŋmɔ lɛ, baahi jɛi.

2 Mose 29:45

Ni mahi Israelbii lɛ ateŋ, ni matsɔ̃ amɛNyɔŋmɔ.

2 Mose 8:19

Kɛkɛ ni ŋkunyaayelɔi lɛ kɛɛ Farao akɛ, “Enɛ lɛ Nyɔŋmɔ tsu.” Shi Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

Yesaia 47:12

“Yaa nɔ kɛ okablɛfiimɔ kɛ okunyaayeli babaoo ni ogbo he deŋme kɛjɛ oblahiiaŋ lɛ, akɛ aleee nɔ eeenyɛ eye ebua bo lo; akɛ aleee nɔ ohe aaafee gbeyei.

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 8:18

Naa, mi kɛ bii ni Yehowa ehã mi lɛ, wɔji Yehowa, Taiatsɛ lɛ, mɔ ni hiɔ Zion Gɔŋ lɛ nɔ lɛ, dɛŋ okadii kɛ naakpɛɛnii hã Israel.

Daniel 4:4

“Mi, Nebukadnezar, miyɛ hejɔlɛ yɛ mishĩa lɛ mli, ni miishwere yɛ mimɔ̃ɔ lɛ mli hu.

Daniel 5:11

Nuu ko yɛ omaŋtsɛyeli nɛɛ mli ni nyɔŋmɔi krɔŋkrɔŋi lɛ amumɔ yɔɔ emli. Otsɛ yinɔ lɛ gbɔmɔ nɛɛ jie hiɛshikãmɔ kɛ nilee kɛ jwɛŋmɔ kpo tamɔ nyɔŋmɔi lɛ anilee yɔɔ lɛ. No hewɔ lɛ, otsɛ, Maŋtsɛ Nebukadnezar, wo lɛ woloŋlelɔi kɛ klamɔfoi kɛ ashwãifeelɔi kɛ ŋulamiiaŋkwɛlɔi fɛɛ anukpa.

4 Mose 35:34

Nyɛkabulea shikpɔŋ ni mi kɛ nyɛ fɛɛ yɔɔ nɔ lɛ, ejaakɛ mi, Yehowa, miyɛ Israelbii lɛ ateŋ.”

Mateo 19:26

Shi Yesu kwɛ amɛ, ni ekɛɛ amɛ akɛ, “Gbɔmɛi agbɛfaŋ lɛ anyɛŋ enɛ afee; shi Nyɔŋmɔ gbɛfaŋ lɛ aaanyɛ nii fɛɛ afee.”

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 14:17

Hefatalɔ ni ji anɔkwale Mumɔ lɛ ni je lɛ nyɛɛɛ lɛ aŋɔ, ejaakɛ enaaa lɛ ni asaŋ eleee lɛ lɛ; shi nyɛ lɛ nyɛle lɛ, ejaakɛ ekɛ nyɛ yɔɔ, ni eyɛ nyɛmli.

Yohane 14:23

Yesu here nɔ ni ekɛɛ lɛ akɛ, “Kɛji mɔ ko miisumɔ mi lɛ, eeeye miwiemɔ lɛ nɔ, ni miTsɛ aaasumɔ lɛ, ni wɔɔba eŋɔɔ, ni wɔkɛ lɛ aaahi shi.

2 Korintobii 6:16

Ni asaŋ mɛɛ ekomefeemɔ yɔɔ Nyɔŋmɔ Sɔlemɔtsu kɛ amãgãi ateŋ? Ejaakɛ Nyɔŋmɔ hiɛkãalɔ lɛ Sɔlemɔtsu ji nyɛ, tamɔ bɔ ni Nyɔŋmɔ kɛɛ akɛ, “Mahi amɛmli, ni manyiɛ yɛ amɛteŋ. Ni matsɔ̃ amɛNyɔŋmɔ, ni amɛ hu amɛaatsɔ̃ mimaŋ.”

Kpojiemɔ 21:3

Ni minu gbee kpeteŋkple ko jɛ maŋtsɛ sɛ̃i lɛ mli kɛɛ, “Naa, Nyɔŋmɔ shihilɛhe lɛ yɛ gbɔmɛi ateŋ, ni eeehi shi yɛ amɛteŋ, ni amɛaatsɔ̃ emaŋ, ni Nyɔŋmɔ diɛŋtsɛ kɛ amɛ aaahi shi.