Daniel 12:7 - ŊMALƐ KRƆŊKRƆŊ LƐ

⁷ Ni nuu ni wo klala ni yɔɔ faa lɛ sɛɛ lɛ wo eninejurɔ kɛ ebɛku nɔ kɛtee ŋwɛi, ni ekã mɔ ni hiɛ kã kɛyaa naanɔ lɛ kitã. Minu ni ekɛɛ, “Ebaakã he kɛyashi afii etɛ̃ kɛ fã, beyinɔ ni aaakumɔ hewalɛ ni waa mɛi krɔŋkrɔŋi lɛ ayi lɛ agbe naa; kɛkɛ lɛ aaagbe enɛɛmɛi fɛɛ naa.”

Ṅmãle̱ Kroṅkroṅ Le̱

⁷ Ni minu nū le̱ ni wo klala ní eyo̱ fā le̱ mli nui le̱ ayiteṅ le̱ wiemo̱, ni *ewó enine dšũrõ ke̱ ebe̱ku no̱ etšṍ ṅwei, ni ekã moni hĩe kã ke̱-yaä nāno̱ te kità, ake̱ eekã no̱ ke̱-yaši †be ke̱ bei ke̱ be fā; ni ké̱ akũmo̱ maṅ kroṅkroṅ te hewale̱ le̱ agbe nā le̱, aagbe ene̱mei fẽ nā. *Kpods. 10,5. 6. †Dan. 7,25.

Daniel 12:7 ပူးပေါင်းရင်းမြစ်များ

Hiob 27:2

“Mina Nyɔŋmɔ hiɛkãalɔ lɛ, mɔ ni tswa misane lɛ efɔ̃ lɛ, kɛ Ofe lɛ, mɔ ni hã miwerɛ ho mihe lɛ, akɛ,

Yesaia 62:12

Ni ebaatsɛ amɛ akɛ “Maŋ Krɔŋkrɔŋ, Mɛi ni Yehowa ekpɔ̃ amɛ,” ni bo hu aaatsɛ bo, “Mɔ ni ataoɔ esɛɛgbɛ Maŋ ni akwaŋ lɛ dɔŋŋ.”

Yeremia 4:2

ni kɛji okã kitã akɛ, ‘Mina Yehowa’ kɛ onɔkwale fɛɛ, ni okojo yɛ jalɛ naa, ni ohi shi krɔŋŋ lɛ, no lɛ jeŋ maji lɛ aaayɔse amɛjɔɔmɔ yɛ Yehowa mli, ni amɛaajie mi, Yehowa, miyi.”

Ezekiel 20:5

Bɔ ni Nuŋtsɔ Yehowa kɛɛ nɛ, gbi ni miŋɔ Israel lɛ mikã Yakob shwiei lɛ akitã ni mihã amɛle mi yɛ Ijipt shikpɔŋ lɛ nɔ. Mikã amɛ kitã akɛ, ‘Mi ji Yehowa, nyɛNyɔŋmɔ lɛ.’

Daniel 10:5

Miwo mihiɛ nɔ, ni mina nuu ko ni ewo klala atade, ni Ufaz shika kpãa fi emliteŋ.

Daniel 11:13

Ejaakɛ Siria maŋtsɛ lɛ baaya esɛɛ eyabua tabilɔi babaoo fe tsutsubii lɛ anaa, ni afii komɛi asɛɛ lɛ ebaaku esɛɛ eba ekoŋŋ kɛ ta kpele kɛ tawuu nibii.

Daniel 12:6

Ni mɔ kome kɛɛ nuu lɛ ni wo klala ni yɛɔ, mɔ ni yɔɔ faa lɛ sɛɛ lɛ akɛ, “Mɛɛ beyinɔ aaagbe nɛkɛ naakpɛɛnii nɛɛ anaa?”

Daniel 12:8

Minu nɔ ni bɔfo lɛ wie lɛ, shi minuuu shishi. No hewɔ lɛ, mibi akɛ, “Minuŋtsɔ, ofainɛ, te enɛɛmɛi anaagbee lɛ aaatamɔ tɛŋŋ?”

Daniel 4:31

Maŋtsɛ lɛ naa enyɔ̃ɔɔ shi, ni gbee ko gbɛɛ kɛjɛ ŋwɛi, ni ekɛɛ akɛ, “Maŋtsɛ Nebukadnezar, bo nɔ ni mikɛɔ bo nɛɛ toi! Ashɔ̃ maŋtsɛyeli lɛ yɛ odɛ̃ŋ;

Daniel 4:34

Maŋtsɛ Nebukadnezar he sane wolo lɛ tee nɔ ekɛɛ akɛ, “Afii kpawo sɛɛ lɛ, mi, Nebukadnezar, miwo mihiɛ nɔ mikwɛ ŋwɛi kɛ heshwamɔ. Kɛkɛ ni mijwɛŋmɔ ku sɛɛ eba mimli ekoŋŋ, ni mihiɛ tserɛ mi. Kɛkɛ ni mikafo Nyɔŋmɔ, Ŋwɛi Flooflonyo lɛ, ni miwo mɔ ni yɔɔ kɛyaashi naanɔ lɛ hiɛ nyam; ejaakɛ, Lɛ ebaaye nɔ kɛya naanɔ fɛɛ, ni emaŋtsɛyeli lɛ sɛɛ efoŋ.

Daniel 7:21

Mihiɛ kwɛmɔ nɔŋŋ kɛkɛ ni nɛkɛ aklonto nɛɛ fã ta ewo Nyɔŋmɔ webii krɔŋkrɔŋi lɛ, ni eye amɛnɔ kunim,

Daniel 7:25

Maŋtsɛ nɛɛ baawie eshi Nyɔŋmɔ Ofe lɛ, ni ebaahã etɔ Ŋwɛi Flooflonyo lɛ mɛi krɔŋkrɔŋi lɛ jogbaŋŋ. Eeeto eyiŋ po akɛ eeetsake Ŋwɛi Flooflonyo lɛ mɛi krɔŋkrɔŋi lɛ ajamɔ mlai lɛ kɛ gbii juji ni amɛyeɔ lɛ fɛɛ, ni ebaaye amɛnɔ kɛyashi afii etɛ̃ kɛ fã.

Daniel 8:14

Ejie naa, ni ekɛɛ akɛ, “Ebaaya nɔ kɛyashi gbii akpe kɛ oha kɛ nyɔŋmai enumɔ. Kɛkɛ lɛ abaatsuu He Krɔŋkrɔŋ lɛ he koni etsɔ̃ bɔ ni eyɔɔ sa lɛ.”

Daniel 8:24

Ebaana hewalɛ kpele; shi ehewalɛ lɛ jɛŋ lɛ diɛŋtsɛ emli. Ebaakpãtã nibii ahiɛ butuu, ni nɔ fɛɛ nɔ ni eeefee lɛ, ebaaye omanye yɛ mli. Ebaakpãtã hewalɔi kɛ Nyɔŋmɔ webii lɛ tete ahiɛ.

Luka 21:14

No hewɔ lɛ, nyɛhiɛ ahia nɔ ni nyɛkasusu nɔ ni nyɛkɛajie nyɛnaa he nyɛto;

Luka 21:24

Ni amɛaanyɔnyɔɔ yɛ klante naa, ni aaaŋɔ amɛ nom kɛaatee jeŋmaji fɛɛ mli, ni jeŋmaji lɛ aaanaanaa Yerusalɛm nɔ kɛyashi beyinɔ ni jeŋmaji abe lɛ aaashɛ.”

5 Mose 26:19

koni yɛ yijiemɔ kɛ gbɛi kɛ anunyam gbɛfaŋ lɛ, Israel agbojee akwɔ fe maji fɛɛ agbojee yɛ je lɛ mli. Oootsɔ̃ Yehowa, oNyɔŋmɔ lɛ, maŋ krɔŋkrɔŋ bɔ ni ekɛɛ lɛ.”

5 Mose 32:36

Ejaakɛ Yehowa baafã ewebii ahe; ebaana amɛ mɔbɔ kɛji ena akɛ amɛhewalɛ fɛɛ etã, ni eshwɛko mɔ ko mɔ ko kwraa, mɔ ni hiɛ ehe jio, nyɔŋ jio.

5 Mose 32:40

Ejaakɛ miiwo minine nɔ kɛya ŋwɛi, ni miikɛɛ akɛ, miyɛ kɛmiiya naanɔ lɛ,

5 Mose 7:6

“Nyɛfea nakai ejaakɛ Yehowa, nyɛNyɔŋmɔ lɛ, eŋɔ nyɛ ehã ehe akɛ emɛi krɔŋkrɔŋ. Eje gbɛ ni eŋɔ nyɛ yɛ majimaji lɛ fɛɛ ateŋ yɛ shikpɔŋ lɛ nɔ koni nyɛtsɔ̃ lɛ diɛŋtsɛ ewebii krɛdɛɛ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

Kpojiemɔ 12:14

Ni akɛ okropɔŋ kpeteŋkple lɛ fiji enyɔ lɛ hã yoo lɛ, koni efiliki ni eshi onufu lɛ kɛya ŋa lɛ nɔ yɛ egbɛhe lɛ, he ni alɛɔ lɛ yɛ afii etɛ̃ kɛ fã lɛ.

Kpojiemɔ 12:6

Ni yoo lɛ jo foi kɛtee ŋa nɔ he ko, he ni Nyɔŋmɔ esaa eto ehã lɛ lɛ, koni ayalɛ lɛ yɛ jɛi gbii akpe kɛ ohai enyɔ kɛ nyɔŋmai ekpaa.

Kpojiemɔ 13:5

Ni ahã lɛ naabu ni wieɔ wiemɔi wuji kɛ musubɔɔ wiemɔi, ni ahã lɛ hegbɛ akɛ efee enɛ nyɔji nyɔŋmai ejwɛ kɛ enyɔ.

Kpojiemɔ 4:10

onukpai nyɔŋmai enyɔ kɛ ejwɛ lɛ hoɔ gbeɔ shi yɛ mɔ ni ta maŋtsɛ sɛ̃i lɛ nɔ lɛ hiɛ, ni amɛjaa mɔ ni hiɛ kã kɛyaa naanɔi anaanɔ lɛ, ni amɛshɛrɛɔ amɛkekrei lɛ amɛshwieɔ maŋtsɛ sɛ̃i lɛ hiɛ amɛkɛɔ akɛ,

Kpojiemɔ 4:9

Ni be ni hiɛkãalɔi lɛ ŋɔɔ anunyam kɛ agbojee kɛ shidaa amɛhãa mɔ ni ta maŋtsɛ sɛ̃i lɛ nɔ ni ehiɛ kã kɛyaa naanɔi anaanɔ lɛ,