Daniel 12:6 - ŊMALƐ KRƆŊKRƆŊ LƐ

⁶ Ni mɔ kome kɛɛ nuu lɛ ni wo klala ni yɛɔ, mɔ ni yɔɔ faa lɛ sɛɛ lɛ akɛ, “Mɛɛ beyinɔ aaagbe nɛkɛ naakpɛɛnii nɛɛ anaa?”

Ṅmãle̱ Kroṅkroṅ Le̱

⁶ Ni mokome kē̱ nū te ní wo *klala ní yo̱ fā le̱ mli nui le̱ ayiteṅ te ake̱: Mẽ beyino̱ aagbe ne̱ke̱ nākpe̱nii ne̱ anā? *10,5.

Daniel 12:6 ပူးပေါင်းရင်းမြစ်များ

Lalai 74:9

Wɔnaaa wɔkadii krɔŋkrɔŋi lɛ! Gbalɔ ko gbalɔ ko bɛ dɔŋŋ, ni mɔ ko mɔ ko kwraa bɛ wɔteŋ ni ele bɔ ni sane nɛɛ naa aaayakpa ahã.

Ezekiel 9:2

Ni naa, hii ekpaa jɛ kpo nɔ gbɛ agbo ni ye kooyigbɛ lɛ naagbɛ amɛba. Amɛteŋ mɔ fɛɛ mɔ hiɛ emɔgbee dade yɛ edɛŋ. Nuu ko hu fata amɛhe ni ewo niyɛŋ, ni etsotsoro nɔ ko ni nibii ni akɛŋmãa nii yɛ mli. Amɛtee mli ni amɛyadamɔ akɔɔble afɔleshãa latɛ lɛ masɛi.

Daniel 12:5

Kɛkɛ ni mi, Daniel, mikwɛ ni naa, mɛi krokomɛi enyɔ damɔ shi, mɔ kome yɛ faa lɛ naa biɛ nɛɛ, ni mɔ kome hu yɛ faa lɛ sɛɛ.

Daniel 12:8

Minu nɔ ni bɔfo lɛ wie lɛ, shi minuuu shishi. No hewɔ lɛ, mibi akɛ, “Minuŋtsɔ, ofainɛ, te enɛɛmɛi anaagbee lɛ aaatamɔ tɛŋŋ?”

Daniel 8:13

Kɛkɛ ni minu mɔ krɔŋkrɔŋ ko gbee miiwie, ni minu ni mɔ krɔŋkrɔŋ kroko hu bi mɔ krɔŋkrɔŋ ni wie lɛ akɛ, “Mɛɛ beyinɔ nɔŋŋ ninaa nɛɛ baakã he kɛyashi? Mɛɛ be mlatɔ̃mɔ nɛɛ baatsĩ daa gbi afɔleshãa krɔŋŋ lɛ naa kɛyashi? Ni mɛɛ be nɔŋŋ abaanaanaa ŋwɛi asafo lɛ nɔ, ni abaabule He Krɔŋkrɔŋ lɛ kɛyashi.”

Daniel 8:16

Kɛkɛ ni minu gbɔmɔ gbee bo kɛjɛ Ulai Faa lɛ teŋgbɛ, ni ekɛɛ akɛ, “Gabriel ei! Tsɔ̃ɔmɔ mɔnɛ ninaa lɛ shishi.”

Mateo 24:3

Shi be ni eta shi yɛ Mugɔŋ lɛ nɔ lɛ, ekaselɔi lɛ ba eŋɔɔ yɛ afã amɛbakɛɛ lɛ akɛ, “Tsɔ̃ɔmɔ wɔ beyinɔ ni aaafee nii nɛɛ, ni mɛni ji obaa lɛ kɛ je nɛɛŋ naagbee lɛ he okadi?”

Marko 13:4

“Tsɔ̃ɔmɔ wɔ be mli ni aaafee nii nɛɛ, ni kɛ nii nɛɛ fɛɛ kwa aaaba mli lɛ, mɛni ji ehe okadi?”

Efesobii 3:10

koni agbɛnɛ atsɔ̃ asafo lɛ nɔ ahã onukpai kɛ mɛi ni yɔɔ hegbɛ yɛ ŋwɛiniiaŋ lɛ ale Nyɔŋmɔ nilee ni jieɔ ehe kpo yɛ gbɛi srɔtoi pii anɔ lɛ.

1 Petro 1:12

Ni ajie atsɔ̃ɔ amɛ akɛ, jeee amɛ diɛŋtsɛ amɛhewɔ, shi moŋ nyɛhewɔ ni amɛsɔ̃mɔ yɛ nɛkɛ nii nɛɛ ahe, nii ni agbɛnɛ mɛi ni jaje Sanekpakpa lɛ tsɔ̃ɔ nyɛ yɛ Mumɔ Krɔŋkrɔŋ ni atsu kɛjɛ ŋwɛi lɛ mli lɛ eshiɛ etsɔ̃ɔ nyɛ lɛ, ni ŋwɛi bɔfoi tete shweɔ akɛ amɛaana mli lɛ.

Kpojiemɔ 15:6

ni bɔfoi kpawo lɛ ni hiɛ haomɔi kpawo lɛ je kpo kɛjɛ Sɔlemɔtsu lɛ mli, ni amɛwo klala ni he tse ni kpɛlɛɔ kaŋkaŋ, ni amɛfimɔ amɛtsitsii kɛ shika mlifiinii.

Kpojiemɔ 19:14

Ni tai ni yɔɔ ŋwɛi lɛ tara okpɔŋɔi yɛji anɔ kɛnyiɛ esɛɛ, ni amɛwo klala yɛŋ futaa ni he tse.

Kpojiemɔ 6:10

Ni amɛbolɔ kɛ gbee ni wa akɛ, “Nuŋtsɔ Nyɔŋmɔ, mɔ krɔŋkrɔŋ kɛ anɔkwafo, mɛɛ beyinɔ po oookojo ni oootɔ wɔla lɛ he owele yɛ mɛi ni yɔɔ shikpɔŋ lɛ nɔ lɛ anɔ?”