Daniel 12:4 - ŊMALƐ KRƆŊKRƆŊ LƐ

⁴ Shi ekɛɛ mi akɛ, “Bo, Daniel, tsiimɔ wiemɔi nɛɛ anɔ, ni osɔo wolo nɛɛ naa kɛyashi naagbee be lɛ. Ni mɛi pii aaagba amɛhe naa kɛya kɛba kɛtao nɔ ni eba lɛ shishi; ni nilee aaafa.”

Ṅmãle̱ Kroṅkroṅ Le̱

⁴ Ši bo, Daniel le̱, tšĩmo̱ wiemo̱i ne̱ ano̱, ni *oso̱o wolo ne̱ nā ke̱-yaši nāgbē be le̱; mei pī aakane fitšofitšo, ni nilē aafá. *K. 9. Kpods. 10,5.

Daniel 12:4 ပူးပေါင်းရင်းမြစ်များ

Yesaia 11:9

Afeŋ efɔŋ, ni afiteŋ nii yɛ Nyɔŋmɔ Gɔŋ Krɔŋkrɔŋ, Zion, nɔ dɔŋŋ, ejaakɛ Yehowa he nilee baayi shikpɔŋ lɛ nɔ obɔ tamɔ bɔ ni ŋshɔ eyi obɔ kɛ nu lɛ.

Yesaia 29:11

Enɛɛmɛi ahe ninaa lɛ etsɔ̃ tamɔ wolo ni asɔo naa mli wiemɔi eha nyɛ. Kɛji akɛ wolo lɛ hã mɔ ko ni eeenyɛ ekane, ni afã lɛ akɛ, ‘Kanemɔ’ lɛ, ebaakɛɛ akɛ, ‘Minyɛŋ, ejaakɛ asɔo naa.’

Yesaia 30:26

Ni nyɔɔŋtsere aaakpɛ tamɔ hulu tsoɔ, ni hulu aaatso bɔ ni etsoɔ daa lɛ toi kpawo, tamɔ gbii kpawo mli hulutsoo ni abua naa, gbi ni Yehowa aaafimɔ emaŋ lɛ pilamɔi anɔ, ni eeetsa faji ni ewo amɛ be ni etswia amɛ nii lɛ.

Yesaia 32:3

Amɛteŋ mɛi ni hiŋmɛi nɔ tse baana nɔ fɛɛ nɔ faŋŋ, ni mɛi hu ni toiiaŋ tse baabo nɔ fɛɛ nɔ toi jogbaŋŋ.

Yesaia 8:16

Nyɛ mikaselɔi lɛ, nyɛbaa tsɔsemɔ wiemɔi lɛ ayi yɛ nyɛteŋ.

Yeremia 5:1

Nyɛjoa foi kɛyaa kɛbaa yɛ Yerusalɛm gbɛjegbɛi lɛ anɔ, koni nyɛkadi nɔ ni nyɛbaana. Nyɛtaoa yɛ Yerusalɛm blohuiaŋ akɛ nyɛaana mɔ ko ni eyeɔ jalɛ sane ni taoɔ akɛ eye anɔkwa lo? Kɛji nyɛaana lɛ, no lɛ mikɛ Yerusalɛm he aaafa lɛ.

Daniel 10:1

Persia Maŋtsɛ Koresh yinɔ afi ni ji etɛ̃ lɛ, ajie ninaa kpo atsɔ̃ɔ Daniel mɔ ni atsɛɔ lɛ Belteshazar hu lɛ. Sane lɛ yɛ mli anɔkwa, ni ekɔɔ haomɔ kpeteŋkple ko he. Atsɔ̃ɔ Daniel, ni enu sane lɛ shishi.

Daniel 10:14

ni miba koni mibatsɔ̃ɔ bo nɔ ni baaba omaŋbii lɛ anɔ wɔsɛɛ, ejaakɛ nɔ ni baaba wɔsɛɛ shɔŋŋ he ninaa ona lɛ.”

Daniel 10:21

Shi mibagba bo nɔ ni aŋmã yɛ Anɔkwale Ŋmalɛi lɛ amli lɛ. No ji akɛ mɔ ko kwraa bɛ ni waa mi ni mikɛ mɛnɛɛmɛi wuɔ akɛ ja Mikael, nyɛ Israel lumɔ lɛ.”

Daniel 11:33

Maŋbii lɛ ateŋ nilelɔi lɛ ekomɛi baatsɔ̃ɔ maŋbii lɛ nii, tsɛbelɛ amɛteŋ mɛi komɛi baanyɔnyɔɔ yɛ klante naa, abaashãshãa mɛi komɛi, abaaha amɛteŋ mɛi komɛi anii, ni abaaŋɔ mɛi komɛi nom kɛyashi be ko.

Daniel 11:40

“Kɛji Siria maŋtsɛ lɛ naagbee be lɛ shɛ lɛ, Ijipt maŋtsɛ lɛ baaya eyatua lɛ. Siria maŋtsɛ lɛ baafã tamɔ ahum ekɛ Ijipt maŋtsɛ lɛ abakpe kɛ tayaa shwiilii kɛ okpɔŋɔtalɔi kɛ lɛji babaoo. Ebaatua shikpɔji babaoo, ni ebaatsɔ̃ amɛnɔ kɛho tamɔ faa ni eje ŋa.

Daniel 12:13

“Ni bo Daniel, ye anɔkwa kɛyashi naagbee; ni no sɛɛ lɛ obaagbo; shi ooote shi, ni ooona aekoo ni sa bo yɛ naagbee gbi lɛ nɔ.”

Daniel 12:5

Kɛkɛ ni mi, Daniel, mikwɛ ni naa, mɛi krokomɛi enyɔ damɔ shi, mɔ kome yɛ faa lɛ naa biɛ nɛɛ, ni mɔ kome hu yɛ faa lɛ sɛɛ.

Daniel 12:9

Eto he ekɛɛ akɛ, “Daniel, kwɛmɔ ohiɛgbɛ ni oya! Wiemɔi lɛ atsimɔ nɔ, ni asɔo amɛnaa kɛyaashi naagbee be lɛ aaaba.

Daniel 8:17

Gabriel tsi eba he ni midamɔ lɛ; shi gbeyei mɔ mi, ni mikɛ mihiɛ bu shi. Kɛkɛ ni Gabriel kɛɛ mi akɛ, “Ao! Gbɔmɔ Adesa bi, na ole akɛ je lɛ naagbee he ninaa nɛ.”

Daniel 8:19

ni ekɛɛ mi akɛ, “Naa, mibatsɔ̃ɔ bo nɔ ni baaba yɛ mlifu lɛ naagbee gbii lɛ amli. Je lɛ naagbee be ni ato lɛ he ninaa nɛ.

Daniel 8:26

Naa, daa leebi kɛ gbɛkɛ afɔle ni ashãa lɛ he ninaa ni agbala mli atsɔ̃ɔ bo lɛ, anɔkwale ni. Shi bo lɛ okɛto onakutsoŋ, ejaakɛ be kplaŋŋ baaho aya dani sane nɛɛ baaba mli.”

Mateo 24:14

Ni aaashiɛ maŋtsɛyeli lɛ he sane kpakpa nɛɛ atsɔ̃ɔ yɛ je lɛ mli fɛɛ, ni akɛye jeŋmaji lɛ fɛɛ odase; ni no dani naagbee lɛ aaaba.”

Romabii 10:18

Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ, “Amɛgbee ejije kɛtee shikpɔŋ muu lɛ fɛɛ nɔ. Ni amɛwiemɔi lɛ eshɛ jeŋ naagbeehei lɛ.”

Kpojiemɔ 10:4

Ni be ni nyɔŋmɔ shiimɔi kpawo lɛ wo amɛgbei lɛ, kulɛ miiŋma; ni minu gbee ko jɛ ŋwɛi miikɛɛ akɛ, “Sɔomɔ nii ni nyɔŋmɔshiimɔi kpawo lɛ wie lɛ anaa oto, ni oka ŋma.”

Kpojiemɔ 22:10

Ni ekɛɛ mi akɛ, “Kaasɔo nɛkɛ wolo nɛɛ mli gbalɛ wiemɔi lɛ anaa, ejaakɛ be lɛ ebɛŋkɛ.

Kpojiemɔ 5:1

Ni mina wolo ko yɛ mɔ ni ta maŋtsɛ sɛi lɛ nɔ lɛ ninejurɔ, ni aŋma nii yɛ emli kɛ esɛɛ fɛɛ, ni asɔo naa kɛ naasɔomɔi kpawo.