Daniel 12:10 - ŊMALƐ KRƆŊKRƆŊ LƐ

¹⁰ Mɛi pii baatsuu amɛhe koni amɛyɛ futafuta ni amɛhe atse. Shi yitsoŋwalɔi lɛ ateŋ mɔ ko mɔ ko nuŋ shishi, ni amɛaaya nɔ amɛye yitsoŋwalɛ sane; shi nilelɔi lɛ, amɛ lɛ, amɛbaanu nɔ ni yaa nɔ lɛ shishi.

Ṅmãle̱ Kroṅkroṅ Le̱

¹⁰ Aatšũ mei pī ahe ni aahã ame̱ye̱ futafuta, ni aakaame̱ akwe̱; ši mei fõdši le̱ aafe efõṅ, ni mei fõdši le̱ ateṅ mokomoko enaṅ šiši; ši mei ní le nii le̱ aana šiši.

Daniel 12:10 ပူးပေါင်းရင်းမြစ်များ

Lalai 107:43

Hã mɔ fɛɛ mɔ ni ji nilelɔ lɛ ekase nii kɛjɛ enɛɛmɛi amli; Hã amɛsusu Yehowa suɔmɔ ni tsakeee lɛ he.

Lalai 51:7

Mihe esha lɛ okɛ awrɔke afɔ, koni mihe atse; juu mihe, ni mayɛ futaa fe ayilɔ.

Abe̱i 1:5

Nilelɔ hu nuɔ, ni ekaseɔ nii efataa enilee he. Amɛhãa mɔ ni nuɔ niiashishi hu leɔ ŋaa.

Yesaia 1:18

Yehowa kɛɛ akɛ, “Nyɛbaa agbɛnɛ; nyɛhãa wɔtaoa naa. Kɛji nyɛhe eshai lɛ tsuɔ tamɔ lá tete po, amɛbaayɛ futaa tamɔ snoo; ni kɛji amɛtsuɔ fɔɔ tamɔ kɔɔjaŋ po, amɛbaatsɔ̃ tamɔ too he tsɔ̃i yɛŋ.

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Ezekiel 47:11

Shi nu ni yɔɔ emukpoi kɛ ehewɔ ŋmiamɔi lɛ amli lɛ tsɔŋ nuŋma. Nomɛi baanyɔ ŋoo.

Daniel 11:33

Maŋbii lɛ ateŋ nilelɔi lɛ ekomɛi baatsɔ̃ɔ maŋbii lɛ nii, tsɛbelɛ amɛteŋ mɛi komɛi baanyɔnyɔɔ yɛ klante naa, abaashãshãa mɛi komɛi, abaaha amɛteŋ mɛi komɛi anii, ni abaaŋɔ mɛi komɛi nom kɛyashi be ko.

Daniel 11:35

Abaagbe maŋbii lɛ ateŋ nilelɔi lɛ ekomɛi; shi akɛ amɛgbele lɛ baatsuu Nyɔŋmɔ webii lɛ ahe koni amɛyɛ futafuta. Nii nɛɛ baaya nɔ kɛyashi naagbee be lɛ baashɛ, ni ji be ni Nyɔŋmɔ eto lɛ.

Daniel 12:3

Ni mɛi ni le nii lɛ aaakpɛ tamɔ atatu kpɛmɔ, ni mɛi ni etsɔ̃ɔ mɛi pii agbɛ kɛtee jalɛ mli lɛ aaakpɛ tamɔ ŋulamii kɛaatee naanɔ.”

Hosea 14:9

Mɔ ni le nii lɛ, enu saji nɛɛ ashishi; ni hiɛshikãlɔ lɛ ekɔ sɛɛ. Naa, Yehowa gbɛi fɛɛ ja, ni nomɛi mɔ ni feɔ jalɛnii kɛbaa ejeŋ; nomɛi anaa mɔ ni feɔ jalɛnii hiɔ shi yɛ; shi eshafeelɔi tswaa egbɛi lɛ amɛfɔ̃ɔ, ni no hewɔ lɛ, amɛtɛrɛɔ, ni amɛgbeɔ shi.

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

Maleaki 3:3

Ebaata shi tamɔ jwiɛtɛi hetsuulɔ ni hãa jwiɛtɛi he tseɔ keŋkeŋ lɛ. Nakai ebaatsuu osɔfoi ni ji Levi shwiei lɛ ahe keŋkeŋ tamɔ atsuɔ shika kɛ jwiɛtɛi he lɛ. Kɛkɛ lɛ amɛaanyɛ amɛkɛ afɔleshãa nikeenii ni kpa bɛ he aba abahã Yehowa.

Marko 4:11

Ni ekɛɛ amɛ akɛ, “Nyɛ lɛ akɛ Nyɔŋmɔ Maŋtsɛyeli lɛ he teemɔ sane lɛ ehã nyɛ, shi mɛi ni yɔɔ sɛɛ lɛ, abɛbuai amli akɛ amɛ wieɔ nii fɛɛ yɛ koni

Luka 24:25

Kɛkɛ ni ekɛɛ amɛ akɛ, “O kwashiai ni nyɛyɔɔ shɔ̃ɔ yɛ nyɛtsui mli kɛ nii fɛɛ ni gbalɔi lɛ gba lɛ hemɔkɛyeli.

Yohane 18:37

No hewɔ lɛ, Pilato bi lɛ akɛ, “Belɛ maŋtsɛ ji bo kɛ̃?” Yesu here nɔ akɛ, “Okɛɛ; ejaakɛ maŋtsɛ ji mi. Mi lɛ, enɛ hewɔ afɔ mi, ni enɛ hewɔ nɔŋŋ miba je lɛ mli, koni mibaye anɔkwale lɛ he odase. Mɔ fɛɛ mɔ ni jɛ anɔkwale lɛ mli lɛ nuɔ migbee.”

Yohane 7:17

Kɛji mɔ ko miisumɔ akɛ efee esuɔmɔnaanii lɛ, ebaayoo yɛ tsɔ̃ɔmɔ lɛ he akɛ Nyɔŋmɔ dɛŋ jɛ aloo mi diɛŋtsɛ miyiŋ mitoɔ miwieɔ.

Yohane 8:47

Mɔ ni jɛ Nyɔŋmɔ mli lɛ, enuɔ Nyɔŋmɔ wiemɔi; no hewɔ ni nyɛ lɛ nyɛnuuu lɛ, ejaakɛ nyɛjɛɛɛ Nyɔŋmɔ mli.”

1 Korintobii 6:11

Ni nɛkɛ nyɛteŋ mɛi komɛi yɔɔ sa; shi agbɛnɛ aju nyɛhe, ni asaŋ atsuu nyɛhe, ni abu nyɛ bem hu yɛ Nuŋtsɔ Yesu Kristo gbɛi kɛ wɔNyɔŋmɔ lɛ Mumɔ lɛ mli.

2 Korintobii 7:1

Agbɛnɛ, nyɛ mɛi ni asumɔɔ, akɛni wɔna nɛkɛ shiwoi nɛɛ hewɔ lɛ, nyɛhãa wɔtsua wɔhe kɛjɛa heloo kɛ mumɔ muji fɛɛ mli, ni wɔhã wɔhetsemɔ aye emuu yɛ Nyɔŋmɔ gbeyeishemɔ mli.

Tito 2:14

Lɛ ekɛ lɛ diɛŋtsɛ ehe hã yɛ wɔnajiaŋ, koni ekpɔ̃ wɔ kɛjɛ nɔtɔmɔ fɛɛ mli, ni etsuu wɔhe ehã ehe akɛ lɛ diɛŋtsɛ enɔ, maŋ ni hiɛ dɔɔ yɛ nitsumɔi kpakpai ahe lɛ.

Hebribii 12:10

Amɛ lɛ, gbii fioo ko kɛkɛ amɛtsɔseɔ wɔ bɔ ni sa amɛhiɛ; shi lɛ lɛ, etsɔseɔ wɔ koni ahi ahã wɔ ni wɔna ekrɔŋkrɔŋfeemɔ lɛ eko.

1 Petro 1:22

Ni akɛni nyɛtsuu nyɛsusumai ahe yɛ anɔkwale lɛ toiboo mli nyɛhã nyɛmimɛi asuɔmɔ ni osato bɛ mli lɛ hewɔ lɛ, nyɛkɛ tsui krɔŋŋ asumɔsumɔa nyɛhe jogbaŋŋ.

1 Petro 1:7

No aaahã ana nyɛ hemɔkɛyeli salɛ lɛ akɛ ejara wa aahu fe shika ni fiteɔ ni aka yɛ la mli tete, kɛhã yijiemɔ kɛ woo kɛ anunyam yɛ Yesu Kristo kpojiemɔ lɛ mli.

1 Yohane 5:20

Wɔle akɛ Nyɔŋmɔ Bi lɛ eba, ni ehã wɔ jwɛŋmɔ koni wɔle anɔkwafo lɛ. Ni wɔyɛ anɔkwafo lɛ mli, yɛ eBi Yesu Kristo lɛ mli, mɔ ni ji anɔkwa Nyɔŋmɔ lɛ kɛ naanɔ wala lɛ.

Kpojiemɔ 16:11

Ni amɛwie musubɔɔ wiemɔi amɛshi ŋwɛi Nyɔŋmɔ lɛ yɛ nɔnai lɛ kɛ amɛfaji lɛ ahewɔ, ni amɛtsakeee amɛtsui yɛ amɛnitsumɔi fɔ̃ji lɛ ahe.

Kpojiemɔ 19:14

Ni tai ni yɔɔ ŋwɛi lɛ tara okpɔŋɔi yɛji anɔ kɛnyiɛ esɛɛ, ni amɛwo klala yɛŋ futaa ni he tse.

Kpojiemɔ 19:8

Ni ahã lɛ hegbɛ akɛ ewo klala ni hetse ni kpɛlɛɔ nyɛramnyɛram.” Ejaakɛ klala lɛ ji krɔŋkrɔŋbii lɛ ajalɛnii lɛ.

Kpojiemɔ 22:11

Mɔ ni ejaaa lɛ, eya nɔ efee nii ni ejaaa lɛ; ni mɔ ni ji mujiatsɛ lɛ, eya nɔ ewo ehe muji lɛ; ni mɔ ni ji jalɔ lɛ, eya nɔ efee jalɛnii, ni mɔ ni ji mɔ krɔŋkrɔŋ lɛ, eya nɔ ehi krɔŋkrɔŋ.”

Kpojiemɔ 3:18

Miiwo oŋaa akɛ ohe shika ni atsuu he yɛ la mli yɛ miŋɔɔ koni ona nii, kɛ atadei yɛji, koni owo ni oyayaiaŋ hiɛgbele lɛ akakã jaanɔ; ni ohe hiŋmɛi tsofa ni okɛfɔ ohiŋmɛii anɔ koni ona nii.

1 Samuel 24:13

Onukpai buɔ abɛ akɛ ‘Mɛi fɔ̃ji adɛŋ nɔ fɔŋ jɛɔ, shi mi lɛ minine esaŋ ohe.