Daniel 12:1 - ŊMALƐ KRƆŊKRƆŊ LƐ

¹ Bɔfo lɛ tsa ewiemɔ lɛ nɔ akɛ, “Ni nakai be lɛ mli lɛ Mikael, lumɔ kpeteŋkple ni buɔ omaŋbii lɛ ahe lɛ, aaate shi adamɔ shi; kɛkɛ lɛ fimɔ be ko aaaba ni anako ehenɔ dã kɛjɛ beyinɔ ni aje maŋtoo shishi kɛbashi nakai be lɛ mli. Nakai be lɛ mli lɛ, aaahere omaŋ lɛ mli mɔ fɛɛ mɔ ni aaana akɛ aŋma egbɛi yɛ wala wolo lɛ mli lɛ yiwala.

Ṅmãle̱ Kroṅkroṅ Le̱

¹ Ni nakai be te mli te *Mikael ni dši lumo̱ kpeteṅkple ní damo̱ ši hã omaṅbii le̱ aate ši adamo̱ ši; †ši fĩmo̱-be ko aaba ni enako no̱ dã ke̱-dše̱ beyino̱ ní dseṅmaṅ yo̱ te ke̱-yaši nakai be le̱ mli; ni nakai be le̱ mli le̱ aahere omaṅ le̱ mli mofẽmo ní aana ake̱ **aṅmã egbe̱i ye̱ wolo le mli le. *10,13. †Mat. 24,21. **2 Mose 32,32. Fil. 4,5.

Daniel 12:1 ပူးပေါင်းရင်းမြစ်များ

Lalai 56:8

Ole bɔ ni mitsomloɔ mihãa, Ole miyaafonu falɛ. Ani aŋmãko yɛ owolo mli lo?

Lalai 69:28

Hã agbe amɛgbɛii yɛ wala wolo lɛ mli; akaŋmala amɛgbɛii ashi jalɔi anɔ nɔ.

Yesaia 4:3

Ni mɔ fɛɛ mɔ ni baashwɛ yɛ Zion, ni eeehi shi yɛ Yerusalɛm lɛ aaatsɛ lɛ mɔ krɔŋkrɔŋ, mɔ fɛɛ mɔ ni aaaŋma egbɛi afata hiɛkãalɔi lɛ ahe yɛ Yerusalɛm lɛ,

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Yeremia 30:10

“No hewɔ lɛ, bo, mitsulɔ Yakob, kaashe gbeyei; ni Israel, otsui akafã, ejaakɛ mibahere nyɛ kɛ nyɛshwiei hu, kɛjɛ shɔŋŋ shikpɔŋ lɛ nɔ, kɛjɛ amɛnomŋɔɔ shikpɔŋ lɛ nɔ. Yakob baaku esɛɛ eba ni ebahi shi yɛ toiŋjɔlɛ kɛ hejɔlɛ mli; ni mɔ ko mɔ ko woŋ ehe gbeyei. Mi, Yehowa, mikɛɛ.

Yeremia 30:7

Ao! Nakai gbi lɛ, gbi wulu ni; ehenɔ bako pɛŋ. Yakob hejaramɔ gbi ni, kɛ̃lɛ abaahere eyiwala yɛ gbele mli.”

Ezekiel 13:9

Mate shi mawo gbalɔi ni naa ninai ni bɛ mli, ni amɛmaleɔ lɛ; amɛhiŋ mimaŋ lɛ gwabɔɔ lɛ mli, ni asaŋ aŋmaŋ amɛgbɛii yɛ Israel we lɛ wolo lɛ mli, ni amɛyiŋ Israel shikpɔŋ lɛ nɔ hu; ni nyɛkɛale akɛ mi, mi ji Nuŋtsɔ Yehowa lɛ.

Ezekiel 34:24

“Ni mi, Yehowa, matsɔ amɛNyɔŋmɔ; ni mitsulɔ David baatsɔ lumɔ aha amɛ. Mi, Yehowa mikɛɛ.

Ezekiel 5:9

Musubɔɔnii ni ofee lɛ hewɔ lɛ, mafee bo nɔ ko ni mifeko dã, ni asaŋ mifeŋ enɔ eko dɔŋŋ.

Daniel 10:13

Be ni mibaa lɛ bɔfo ni buɔ Persia maŋtsɛyeli lɛ he lɛ batsi mi gbɛ gbii nyɔŋmai enyɔ kɛ ekome. Kɛkɛ ni bɔfoi onukpai lɛ ateŋ mɔ kome ni gbɛi ji Mikael lɛ ba, ni ebaye ebua mi. Mishi Mikael kɛ Persia maŋtsɛyeli lɛ bɔfo lɛ yɛ jɛi,

Daniel 10:21

Shi mibagba bo nɔ ni aŋmã yɛ Anɔkwale Ŋmalɛi lɛ amli lɛ. No ji akɛ mɔ ko kwraa bɛ ni waa mi ni mikɛ mɛnɛɛmɛi wuɔ akɛ ja Mikael, nyɛ Israel lumɔ lɛ.”

Daniel 11:45

Ebaamamɔ abladei abui ni eyɔɔ lɛ yɛ ŋshɔ lɛ kɛ Gɔŋ Krɔŋkrɔŋ lɛ teŋ shikpɔŋ lɛ nɔ; shi moŋ jɛi enaagbee baaba yɛ, ni mɔ ko mɔ ko yeŋ ebuaŋ lɛ.”

Daniel 7:10

La miiho yɛ ehiɛ tamɔ faa hoɔ. Gbɔmɛi akpeiakpei akpei abɔ sɔ̃mɔɔ gbɔmɔ nɛɛ, ni mɛi huuhaa abɔ hu damɔ ehiɛ. Kɛkɛ ni kojolɔi lɛ batara shi, ni agbele woji lɛ anaa, ni abɔi kojomɔ.

Daniel 9:12

Ekɛ amanehulu kpeteŋkple ni eba wɔnɔ nɛɛ lɛ ema wiemɔ ni ewie eshi wɔ lɛ nɔ mi. Ogbalako maŋ ko toi nɛkɛ pɛŋ dã, yɛ je nɛɛ mli fɛɛ, tamɔ ogbala Yerusalɛm toi nɛɛ.

Yoel 2:2

Duŋ kɛ jeŋ tuutuufeemɔ gbi ni, atatu kɛ oblɔtu kpii gbi ni. Baalabii ta muu miiba tamɔ duŋ gbɛɔ shwãa gɔji anɔ lɛ. Nɔ ko ni tamɔ enɛ bako dã, ni asaŋ esɛɛ lɛ eko baŋ dɔŋŋ kɛaatee yinɔi ayinɔ.

Maleaki 3:16

Kɛkɛ ni maŋbii lɛ ateŋ mɛi ni sheɔ Yehowa gbeyei lɛ kɛ amɛhe wie. Yehowa bo amɛ toi, ni enu nɔ ni amɛtao. Mɛi fɛɛ ni sheɔ Yehowa gbeyei, ni asaŋ amɛjwɛŋɔ egbɛi lɛ hiɛnyamwoo he lɛ aŋmala amɛgbɛii awo wolo mli koni akɛkai amɛ.

Mateo 24:21

Ejaakɛ nakai be lɛ mli lɛ amanehulu kpele aaaba ni anako enɔ dã kɛjɛ je lɛ shishijee mli kɛbashi ŋmɛnɛ, ni asaŋ anaŋ enɔ gbi ko gbi ko dɔŋŋ.

Marko 13:19

Ejaakɛ nakai bei lɛ amli lɛ amanehulu aaaba ni anãko enɔ dã kɛjɛ jeŋ ni Nyɔŋmɔ bɔ lɛ shishijee mli aahu kɛbashi ŋmɛnɛ, ni asaŋ anaŋ enɔ dɔŋŋ.

Luka 10:20

Kɛ̃lɛ nyɛkanaa enɛ he miishɛɛ, akɛ mumɔi lɛ baa amɛhe shi amɛhãa nyɛ lɛ; shi moŋ nyɛnaa miishɛɛ akɛ aŋma nyɛgbɛi yɛ ŋwɛi.”

Romabii 11:15

Ejaakɛ kɛ amɛshɛmɔkɛfɔ̃ɔ lɛ ehã Nyɔŋmɔ kɛ je lɛ ekpãtã lɛ, belɛ amɛheremɔ lɛ, ani jeee wala ni jɛ gbohii ateŋ ni?

Romabii 11:26

Ni nɛkɛ gbɛ nɔ aaatsɔ̃ ahere Israel fɛɛ yiwala, tamɔ bɔ ni aŋma lɛ akɛ, “Jielɔ lɛ aaajɛ Zion aba ni eeebajie nɔshafeemɔ yɛ Yakob he eshɛ efɔ̃;

Efesobii 1:21

yɛ onukpayeli kɛ hegbɛ kɛ hewalɛ lɛ nɔyeli fɛɛ kɛ gbɛi fɛɛ gbɛi ni awo, jeee be nɛ be nɛɛ mli kɛkɛ, shi be ni baaba lɛ mli hu lɛ anɔ.

Filipibii 4:3

Hɛɛ, bo hu miibao, minaanyo sɔ̃ɔlɔ yɛ anɔkwaleŋ, ni oye obua yei nɛɛ; ejaakɛ amɛfata mihe kɛpele Sanekpakpa lɛ he, kɛ Klɛmente hu kɛ minanemɛi nitsulɔi krokomɛi ni amɛgbɛi yɔɔ wala wolo lɛ mli lɛ.

Yuda 1:9

Shi bɔfonukpa Mikael lɛ, be ni ekɛ abonsam yiyiɔ ni ekɛ lɛ taa naa yɛ Mose gbonyo lɛ he lɛ, ekaaa akɛ eeebu lɛ fɔ ko, shi moŋ ekɛɛ, “Kã Nuŋtsɔ lɛ aaakã ohiɛ!”

Kpojiemɔ 1:5

kɛ Yesu Kristo ni ji odasefonyo anɔkwafo lɛ, gbohii ateŋ kromɔbi kɛ shikpɔŋ lɛ nɔ maŋtsɛmɛi lɛ anɔyelɔ lɛ dɛŋ. Esumɔɔ wɔ, ni ekɛ lɛ diɛŋtsɛ elá etsuu wɔhe kɛjɛ wɔhe eshai lɛ amli,

Kpojiemɔ 12:7

Ni ta te shi yɛ ŋwɛi, Mikael kɛ ebɔfoi lɛ fã drako lɛ nɔ ta. Ni drako lɛ bɔfoi fata ehe kɛwu,

Kpojiemɔ 13:8

Ni mɛi fɛɛ ni yɔɔ shikpɔŋ lɛ nɔ lɛ aaaja lɛ. Ja mɔ fɛɛ mɔ ni aŋma egbɛi kɛjɛ jeŋ shishijee yɛ Toobi ni agbe lɛ wala wolo lɛ mli lɛ kɛkɛ.

Kpojiemɔ 17:14

Amɛkɛ Toobi lɛ baawu, shi Toobi lɛ baaye amɛnɔ kunim, ejaakɛ lɛ ji Nuŋtsɔmɛi aNuŋtsɔ kɛ maŋtsɛmɛi aMaŋtsɛ lɛ, ni mɛi ni kɛ lɛ yɔɔ lɛ ji mɛi ni atsɛ kɛ mɛi ni ahala kɛ mɛi ni heɔ yeɔ lɛ.”

Kpojiemɔ 20:12

Ni mina gbohii lɛ, mɛi bibii kɛ mɛi wuji, damɔ maŋtsɛ sɛ̃i lɛ hiɛ, ni agbele woji anaa; ni agbele wolo kroko ni ji wala wolo lɛ hu naa. Ni adamɔ nibii ni aŋmala yɛ woji lɛ amli lɛ anɔ akojo gbohii lɛ yɛ amɛnitsumɔi lɛ anaa.

Kpojiemɔ 20:15

Ni kɛji mɔ ko yɛ ni anãaa akɛ aŋma egbɛi yɛ wala wolo lɛ mli lɛ, ashɛɔ lɛ afɔ̃ɔ la kpaakpo lɛ mli.

Kpojiemɔ 3:5

Kunimyelɔ lɛ aaawo lɛ atadei yɛji, ni migbeŋ egbɛi yɛ wala wolo lɛ mli gbi ko gbi ko, ni magba mli matsi egbɛi tã yɛ miTsɛ hiɛ kɛ ebɔfoi lɛ ahiɛ.

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.