Daniel 11:45 - ŊMALƐ KRƆŊKRƆŊ LƐ

⁴⁵ Ebaamamɔ abladei abui ni eyɔɔ lɛ yɛ ŋshɔ lɛ kɛ Gɔŋ Krɔŋkrɔŋ lɛ teŋ shikpɔŋ lɛ nɔ; shi moŋ jɛi enaagbee baaba yɛ, ni mɔ ko mɔ ko yeŋ ebuaŋ lɛ.”

Ṅmãle̱ Kroṅkroṅ Le̱

⁴⁵ Ni eeši emō̃ le̱ṅ bui le̱ ye̱ ṅšo̱i le̱ ke̱ gõṅ kroṅkroṅ ní yo̱ fe̱o te teṅ; ni eeše̱ enãgbē, ni moko be̱ ní aaye abuale̱.

Daniel 11:45 ပူးပေါင်းရင်းမြစ်များ

Lalai 48:2

Egɔŋ krɔŋkrɔŋ Zion shimaa yɛ fɛo. Shikpɔŋ muu lɛ fɛɛ tsui he nɔ ni. Zion Gɔŋ ni yɔɔ kooyigbɛ shɔŋŋ lɛ, ji maŋtsɛ wulu lɛ maŋ.

Yesaia 10:12

Kɛji Nuŋtsɔ lɛ gbe enitsumɔ lɛ fɛɛ naa yɛ Zion Gɔŋ lɛ nɔ, kɛ Yerusalɛm lɛ, ebaagbala Asiria maŋtsɛ toi yɛ eshwãa kɛ ehewoo lɛ hewɔ.

Yesaia 11:9

Afeŋ efɔŋ, ni afiteŋ nii yɛ Nyɔŋmɔ Gɔŋ Krɔŋkrɔŋ, Zion, nɔ dɔŋŋ, ejaakɛ Yehowa he nilee baayi shikpɔŋ lɛ nɔ obɔ tamɔ bɔ ni ŋshɔ eyi obɔ kɛ nu lɛ.

Yesaia 14:13

Shi bo lɛ okɛɛ ohe akɛ, ‘Mibakwɔ kɛya ŋwɛi kɛho Nyɔŋmɔ ŋulamii lɛ ahe. Mawo mimaŋtsɛ sɛ̃i lɛ nɔ kɛya ŋwɛi shɔŋŋ, ni mata nɔ yɛ kpee gɔŋ lɛ nɔ, yɛ kooyigbɛ shikpɔŋ lɛ nɔ tɔ̃ɔ.

Yesaia 2:2

Ebaaba mli akɛ naagbee mli lɛ, gɔŋ lɛ ni Yehowa Sɔlemɔ we lɛ ma nɔ lɛ baatsɔ̃ gɔŋ ni kwɔ fe gɔji fɛɛ. Abaawo enɔ fe gɔji lɛ fɛɛ, ni aaajɛ jeŋjeŋ fɛɛ aba jɛi.

Yesaia 27:13

Aaakpã tɛtɛrɛmantɛrɛ wulu ko nakai gbi lɛ, ni mɛi fɛɛ ni elaaje yɛ Asiria shikpɔŋ lɛ nɔ lɛ, kɛ mɛi ni ashwie amɛ kɛtee Ijipt shikpɔŋ lɛ nɔ lɛ aaaba, ni amɛaabaja Yehowa yɛ Gɔŋ Krɔŋkrɔŋ lɛ nɔ yɛ Yerusalɛm.

Yesaia 65:25

Klaŋ kɛ too gwantɛŋbi aaakpe nii yɛ he kome, ni jata aaaye jwɛi tamɔ tsina; ni onufu lɛ sũ aaafee eniyenii. Ayeŋ awui ko, ni akpãtãŋ nii ahiɛ dɔŋŋ yɛ Zion, migɔŋ krɔŋkrɔŋ lɛ nɔ fɛɛ,” Yehowa kɛɛ.

Yesaia 66:20

Ni amɛ kɛ nyɛnyɛmimɛi lɛ fɛɛ ni jɛ jeŋmaji lɛ amli lɛ aaaba akɛ nikee abahã Yehowa. Amɛaatara okpɔŋɔi anɔ kɛ shwiilii kɛ akpakãii amli kɛ teji kɛ yoomai anɔ kɛba Yerusalɛm, migɔŋ krɔŋkrɔŋ lɛ nɔ, taakɛ bɔ ni Israelbii hiɛɔ amɛnikeenii yɛ nibii ni mli tse amli kɛbaa Yehowa we lɛ,” Yehowa kɛɛ.

Ezekiel 39:2

ni madɔ oyi ni mikɛ bo aaajɛ shikpɔŋ lɛ kooyigbɛ tɔ̃ɔ kɛaaba, ni makpala bo hu kɛaaba Israel gɔji lɛ anɔ.

Daniel 11:16

Siria maŋtsɛ ni batua shikpɔŋ lɛ baafee Ijipt tabilɔi lɛ bɔ ni lɛ esumɔɔ, ni mɔ ko mɔ ko nyɛŋ shi ate awo lɛ. Ebaaba ebahi shiwoo shikpɔŋ lɛ nɔ, ni shikpɔŋ tso muu lɛ fɛɛ baahi lɛ ehewalɛ shishi.

Daniel 11:41

Ebaatua Shiwoo Shikpɔŋ lɛ tete, ni mɛi akpei nyɔŋmai abɔ baanyɔnyɔɔ; shi hei ni baaje edɛŋ nɛ: Edom kɛ Moab kɛ Amonbii ashikpɔŋ lɛ kpotoo.

Daniel 11:44

Shi saji ni baajɛ bokãgbɛ kɛ kooyigbɛ aba lɛ baawo ehe gbeyei; ni ekɛ mlila kpele baaya eyakpãtã gbɔmɛi babaoo ahiɛ butuu.

Daniel 2:35

Kɛkɛ ni amãgã lɛ he dade lɛ kɛ su lɛ kɛ akɔɔble lɛ kɛ jwiɛtɛi lɛ kɛ shika lɛ hu fɛɛ tswɛm jwara wɔtsɔwɔtsɔ, ni amɛfuflu, ni amɛtsɔ tamɔ abelenaashaji ni bua gbo abeleshaahe. Kɛkɛ ni kɔɔyɔɔ loo fɛɛ kɛtee, ni eshwɛɛɛ amɛhe nɔ ko nɔ ko. Shi tɛ lɛ ni batswa amãgã lɛ da, ni etsɔ̃ gɔŋ kpeteŋkple, ni ekpele jeŋ fɛɛ.

Daniel 7:26

No sɛɛ lɛ, ŋwɛi kojolɔi aaatara shi akojo lɛ, ni abaashɔ̃ nɔyeli hewalɛ lɛ yɛ edɛŋ, ni aaakpãtã ehiɛ butubutu.

Daniel 8:25

Eŋaalee lɛ hewɔ lɛ, kɛtsɔ̃ enɔ lɛ lakamɔ baafa pii, ni ebaawo ehe nɔ. Ebaakpãtã mɛi babaoo ahiɛ, be mli ni amɛleee amɛhe be. Ebaate shi ewo jeŋ fɛɛ Lumɔi alumɔ lɛ; shi abaakpãtã ehiɛ, be mli ni adesa nine etako ehe tete.

Daniel 9:16

Ao! Nuŋtsɔ, yɛ ojalɛ saneyeli hewɔ lɛ, ofainɛ, foo omli ni efu Yerusalɛm kɛ omli ni ewo lɛ la lɛ sɛɛ. Bo diɛŋtsɛ omaŋ kɛ gɔŋ krɔŋkrɔŋ ni. Eshai ni wɔfee kɛ eshai hu ni wɔtsɛmɛi lɛ fee lɛ hewɔ lɛ, omaŋ Yerusalɛm kɛ omaŋbii lɛ ahiɛ eshwie shi yɛ majimaji ni bɔle wɔ lɛ ahiɛ.

Daniel 9:20

Be ni misɔleɔ, ni mijajeɔ mihe eshai lɛ kɛ mimaŋbii, Israelbii lɛ, hu ahe eshai lɛ, ni mikpaa Yehowa, miNyɔŋmɔ lɛ, fai yɛ gɔŋ krɔŋkrɔŋ lɛ hewɔ lɛ,

Yoel 2:20

Nɔ ni jɛ kooyigbɛ ba lɛ, majie yɛ nyɛhe kɛaatee shɔŋŋ, ni mashwie lɛ kɛaatee shikpɔŋ gbiŋ ni etsɔ̃ amaŋfɔ̃ lɛ nɔ. Eta ni yɔɔ hiɛgbɛ lɛ mashwie amɛ mawo Ŋoo Ŋshɔ lɛ mli; ni amɛta ni yɔɔ sɛɛgbɛ lɛ matsi amɛ mawo Mediterenia Ŋshɔ lɛ mli. Amɛgbohii lɛ ahe sã kɛ fu aaate shi; makpãtã amɛhiɛ yɛ nibii fɛɛ ni amɛfee nyɛ lɛ hewɔ.

Mika 4:2

Ni maji amli bii pii aaaba abakɛɛ akɛ, “Nyɛbaa ni nyɛhãa wɔyakwɔa Yehowa gɔŋ lɛ, kɛya Israel Nyɔŋmɔ lɛ Sɔlemɔ we lɛ; ejaakɛ eeetsɔ̃ɔ wɔ nɔ ni etaoɔ ni wɔfee; koni wɔnyiɛ egbɛi lɛ anɔ. Ejaakɛ Yehowa Mla lɛ, Yerusalɛm ebaajɛ; ekɛ emaŋ lɛ wieɔ kɛjɛɔ Zion.”

Zakaria 14:8

Nakai gbi lɛ nɔ lɛ wala nu baaho kɛaajɛ Yerusalɛm; fã kome kɛ enaa baaya ayawo Ŋoo Ŋshɔ lɛ mli, ni fã kome lɛ hu kɛ enaa baaya ayawo Mediterenia Ŋshɔ lɛ mli. Hulutsoobe kɛ fɛ̃ibe mli fɛɛ lɛ nu nɛɛ baakã he eho.

4 Mose 34:5

Husu lɛ baadɔ eyi yɛ Azmon kɛyanina Ijipt husu lɛ naa jɔɔ lɛ, ni enaa baaya eyatã yɛ Mediterenia Ŋshɔ lɛ naa.

2 Tesalonikabii 2:4

Eteɔ shi ewoɔ ehe nɔ eshiɔ nɔ fɛɛ nɔ ni atsɛɔ nyɔŋmɔ loo jamɔ lɛ aahu bɔ ni lɛ diɛŋtsɛ eyataa Nyɔŋmɔ We lɛ ni ekɛ ehe tsɔ̃ɔ akɛ lɛ ji Nyɔŋmɔ lɛ.

2 Tesalonikabii 2:8

Ni no dani aaajie mlakwalɔ lɛ kpo; Nuŋtsɔ Yesu kɛ edaaŋ mumɔ lɛ aaagbe lɛ ni ekɛ ebaa lɛ puemɔ lɛ aaakpãtã ehiɛ.

Kpojiemɔ 13:10

Kɛji ato akɛ aŋɔ mɔ ko nom lɛ, aaaŋɔ lɛ nom; ni kɛ ato akɛ akɛ klante agbe mɔ ko lɛ, klante akɛaagbe lɛ. Biɛ wɔnaa krɔŋkrɔŋbii lɛ ahiɛmiamɔ lɛ kɛ amɛhemɔkɛyeli lɛ yɛ.

Kpojiemɔ 20:2

Ni emɔ drako lɛ, blema onufu lɛ ni ji abonsam kɛ Satan hu lɛ, ni efi lɛ afii akpe,

Kpojiemɔ 20:9

Ni amɛyiŋ kɛtee kɛyaha shikpɔŋ lɛ nɔ fɛɛ, ni amɛyabɔle mɛi krɔŋkrɔŋi lɛ ansra lɛ kɛ maŋ ni asumɔɔ lɛ kɛkpe. Ni la jɛ ŋwɛi, ni ebashã amɛ butuu.